آپ کے پسندیدہ اشعار!

[زیرک]

قصاصِ خون، تمنا کا مانگیے کس سے
گناہگار ہے کون اور خوں بہا کیا ہے

 

[زیرک]

جیتے جی کوئ بات سنے نہ
مر جائیں تو سارے روئیں​

 

[زیرک]

ہلکی ہلکی بارش کے حسین منظر کے بعد یہ شعر یاد آ گیا
پھر سے تری یادیں میری چوکھٹ پہ کھڑی ہیں
وہی سردی، وہی بارش، وہی دلکش نومبر ہے

 

[زیرک]

سبق ملا ہے یہ اپنوں پہ تجربہ کر کے
وہ لوگ پھر بھی غنیمت ہیں جو پرائے ہیں​

 

[فاخر]

ہستی کے مت فریب میں آجائیو اسدؔ
عالم تمام حلقہء دامِ خیال ہے

 

[فاخر]

اور خود میرا یہ شعر میرے دل کو چھوگیا ؛کیوں کہ کوئی شعر جہاں اپنے تخیل کی ہے،وہیں یہ تخیل بھی قدرت کا عطیہ ہوا کرتا ہے:
’’ منھ چھپاتے پھرے خلد کے ماہ رو
میرے دل میں نہاں جو قمر دیکھ لے‘‘
اس کے علاوہ اور بھی شعراء کا شعر مجھے پسند ہے جیسے حافظؔ شیرازی، شیخ سعدی، مولانا روم ،امیرخسرو کے علاوہ میر ؔ ،غالبؔ ، مصحفیؔ، مولانا الطاف حسین حالیؔ، اقبالؔ ، فیضؔ، کیفی اعظمی ؔ، احمد فرازؔ ، بشیربدروغیرہم کے اشعار وقتاً فوقتاً پیش کرتا رہوں گا۔

 

[زیرک]

آپ جس بات پہ اِترائے ہوئے پھرتے ہیں
ہم فقیروں میں اسے عیب گِنا جاتا ہے
عمار یاسر​

 

[زیرک]

میں نے اس غم کو چُھوا اس کی تلاوت کی ہے
محض شعروں میں غمِ میر نہیں دیکھا ہے
افتخار مغل

 

[زیرک]

وہ درمیان سے نکلا تو یہ کھُلا مجھ پر
کہ ہو گئے ہیں مسلط کئی خدا مجھ پر
حارث بلال

 

[زیرک]

آج تک چَھٹ نہیں پایا مِرے اندر کا غبار
وہ جو نکلا تو بہت خاک اڑا کر نکلا
فضل عباس​

 

[زیرک]

اپنا مسکن ہے میاں فاقہ زدوں کی بستی
لوگ رہتے ہیں مسلسل ہی یہاں روزے سے
عطاالحسن​

 

[زیرک]

کچھ نہ بن پایا تو کشکول میں خود کو ڈالا
خالی جانے نہ دیا گھر سے سوالی میں نے
رانا سعید دوشی

 

[رباب واسطی]

ہاتھ میں پتھر لئے گھومتے ہیں حادثے
شیشہِٗ دل کے لئے ہے پریشاں شیشہ گر

 

[رباب واسطی]

رہتا ہے عبادت میں ہمیں موت کا کھٹکا
ہم یادِ خدا کرتے ہیں، کر لے نہ خدا یاد

داغ دہلوی

 

[رباب واسطی]

شاید کہ یہ بھی اب کوئی کارِ ثواب ہے
رکھتے ہیں سارے لوگ گنہگار پر نظر

راشد فضلی

 

[زیرک]

ہم نے خود اپنی عدالت سے سزا پائی ہے
زخم جتنے بھی ہیں اپنے ہی کمائے ہوئے ہیں
عزیز نبیل

 

[زیرک]

وحشت پسند شخص کو خدشہ عجیب تها
آہٹ پہ چیختا تها کہ دستک نہ دے کوئی

 

[زیرک]

آتشیں ہے لہجہ بھی، گفتگو بھی بارودی
سوچیے شفیق اس سے کس طرح نبھانا ہے

 

[فرقان احمد]

یوں ہی اک روز اپنے دل کا قصہ بھی سنا دینا
خطاب آہستہ آہستہ ۔۔۔۔۔ نظر آہستہ آہستہ!!!

شاعر: مصطفیٰ زیدی

 

[زیرک]

عہد وفا سے کس لیے خائف ہو میری جان
کر لو کہ تم نے عہد نبھانا تو ہے نہیں
رحمان فارس