آپ کے پسندیدہ اشعار!

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

الجھے ہوئے ہیں گیسوئے جاناں میں آج تک
عالیؔ چلے تھے کاکلِ گیتی سنوارنے​

 

[رباب واسطی]

ایک چھینٹا بھی کہیں دامنِ قاتل پہ نہیں
آپ نے میرے تڑپنے کا سلیقہ دیکھا؟

 

[زیرک]

میں لاکھ محترم ہوئی، مگر ڈھونڈتی رہی
لذت جو تیرے شہر کی رسوائیوں میں تھی​

پروین شاکر
آج خوشبو کی شاعرہ کا جنم دن ہے

 

[زیرک]

وہ اپنی ایک ذات میں، کُل کائنات تھا
دنیا کے ہر فریب سے مِلوا دیا مجھے​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

دل اُسے چاہے، جسے عقل نہیں چاہتی ہے
خانہ جنگی ہے عجب ذہن و بدن میں اب کے​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

رفاقتوں کے نئے خواب خوشنما ہیں مگر
گزر چکا ہے ترے اعتبار کا موسم​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

یہی وہ دن تھے جب اک دوسرے کو پایا تھا
ہماری سالگرہ ٹھیک اسی ماہ میں ہے​

آج خوشبو اور نازک احساسات کی ترجمان پروین شاکر کا جنم دن ہے

 

[محمد عدنان اکبری نقیبی]

عکسِ خوشبو ہوں ، بکھرنے سے نہ روکے کوئی
اور بِکھر جاؤں تو مجھ کو نہ سمیٹے کوئی

پروین شاکر

 

[زیرک]

کیوں وہ بے سمت ہوا جب میں نے
اس کے بازو پہ دعا باندھی تھی

آج خوشبو اور نازک احساسات کی ترجمان پروین شاکر کا جنم دن ہے

 

[محمد عدنان اکبری نقیبی]

بھیگی ہوئی اِک شام کی دہلیز پہ بیٹھے
ہم دِل کے سُلگنے کا سبب سوچ رہے ہیں

شکیب جلالی

 

[زیرک]

درد ميں نے كما لئے كافى
ضبط كى اب زكوٰة واجب ہے

 

[زیرک]

عمر بھر کی مری کمائی ہے
درد ملتا ادھار تھوڑی ہے​

 

[زیرک]

یہ دل ہے کہ جلتے سینے میں، اک درد کا پھوڑا الہڑ سا
نہ گُپت رہے، نہ پھُوٹ بہے، کوئی مرہم ہو، کوئی نشتر ہو
ابن انشا​

 

[سحرش سحر]

جو دیکھتا ہوں، وہی بولنے کا عادی ہوں
میں اپنے شہر کا سب سے بڑا فسادی ہوں

 

[زیرک]

جس شہر میں ہو خواب چرانے کی واردات
کیسے کروں وہاں پہ میں تشہیر خواب کی​

 

[زیرک]

کیا خبر کون کہاں ترکِ تعلق کر لے
اب اکٹھے ہیں تو تصویر بنا لی جائے
میثم علی آغا​

 

[زیرک]

کس کے پیکر میں سماتا مِرے احساس کا لوچ
میں نے انساں سے خجل ہو کے تراشا پتھر
حسن اختر جلیل​

 

[جان]

یہ جوانی یہ گھٹائیں یہ ہوائیں یہ بہار
حضرت اخترؔ ابھی سے پارسا کیوں ہو گئے
اختر شیرانی

 

[زیرک]

کس سے ہم کو کیا ملا اور ہم نے کس کو کیا دیا
تاجرانہ فکر کی اک داستاں ہے زندگی

 

[جان]

یہ بے رنگیاں کب تک اے حسن رنگیں
ادھر آ تجھے عشق میں چور کر دوں
اختر شیرانی