آپ کے پسندیدہ اشعار!

[سین خے]

سلسلہ وار جھوٹ بولتے ہیں
سب اداکار جھوٹ بولتے ہیں

آپ نے تو حضور حد کر دی
لوگ دو چار جھوٹ بولتے ہیں

جن کو اچھا وکیل بننا ہو
وہ لگاتار جھوٹ بولتے ہیں

لوگ آسان سی زبانوں میں
کتنے دشوار جھوٹ بولتے ہیں

کیا بھلے دوست ہیں لطیفؔ مرے
کیا ہی شہکار جھوٹ بولتے ہیں

 

[جاسمن]

جو وہ نہیں تھا تو میں متفق تھا لوگوں سے
وہ میرے سامنے آیا تو اختلاف کیا
ذیشان ساحل

 

[محمد عدنان اکبری نقیبی]

دیکھا ہی نہیں اُس نے اِس سِمت عدمؔ ورنہ
سب زخم نہ بھر جائیں ، سب کام نہ ہو جائیں

عبد الحمّید عدم

 

[رباب واسطی]

عقل کو ،،، دل پہ وار پھینکا ہے
بوجھ ،،،،، سر سے اتار پھینکا ہے
جو ،،،،،،، مجھے مارنے کو بھیجا گیا
میں نے اُس دُکھ کو مار پھینکا ہے
​

 

[اللّه بخش]

بہت خوب

 

[رباب واسطی]

مرے صبر پر کوئی اجر کیا، مری دوپہر پہ یہ ابر کیوں
مجھے اوڑھنے دے اذیتیں، مری عادتیں نہ خراب کر

 

[رباب واسطی]

پتھروں میں بھی کوئ جوہرِ قابل رکھ دو
ورنہ رستے میں اٹھا کر کوئ منزل رکھ دو
دعوہِ حسن کرے کوئ تو خاموش رہو
صرف آہستہ سے آئینہ مقابل رکھ دو
دوستو ، ظلمتِ شب کا تمہیں اندازہ نہیں
جتنی شمعیں ہوں فراہم سرِ محفل رکھ دو
میں محبّت ہوں ، مرے پاس ہے نفرت کا علاج
تم ہر اک شخص کے سینے میں مرا دل رکھ دو

 

[جان]

خود چراغ بن کے جل وقت کے اندھیرے میں
بھیک کے اجالوں سے روشنی نہیں ہوتی
(ہستی مل ہستی)

 

[جان]

ہستی ہی اپنی کیا ہے زمانے کے سامنے
اک خواب ہیں جہاں میں بکھر جائیں ہم تو کیا
(منیر نیازی)

 

[لاريب اخلاص]

جنگ لڑنا پڑتی ہے اپنے زورِ بازو پر
زندگی کے میداں میں معجزے نہیں ہوتے

 

[لاريب اخلاص]

تمہارے پاٶں کی مٹی لگی ہے رستوں کو
ہمارے گاٶں کی گلیاں خوشی سے پاگل ہیں

 

[جان]

ہر ایک حسن کا پیکر ہے ماورائے گماں
ہر ایک چاہنے والے کو بدگماں پایا
(راحیل فاروق)

 

[جان]

کبھی پا کے کھو دیا ہے مجھے بےنیازیوں نے
کبھی کھو کے دوسروں میں مجھے ڈھونڈتا ہے کوئی
(راحیل فاروق)

 

[جان]

میں چھپا رہا ہوں جو کچھ میں بتا رہا ہوں جو کچھ
نہ چھپا سکا ہے کوئی نہ بتا سکا ہے کوئی
(راحیل فاروق)

 

[جان]

پھر وہی ضد کہ ہر اک بات بتانے لگ جائیں
اب تو آنسو بھی نہیں ہیں کہ بہانے لگ جائیں

 

[جان]

تیرے کہنے سے میں خاموش ہوں اے دل لیکن
خود ہی پلکوں پہ کہیں اشک نہ آنے لگ جائیں
(محسن علوی)

 

[جان]

آدمی سے انساں تک آ گئے تو سمجھو گے
کیوں چراغ کے نیچے روشنی نہیں ملتی
(منظر بھوپالی)

 

[جان]

رستے کا انتخاب ضروری سا ہو گیا
اب اختتامِ باب ضروری سا ہو گیا

ہم ٹالتے رہے کہ یہ نوبت نہ آنے پائے
پھر ہِجر کا عذاب ضروری سا ہو گیا

اعتبار ساجد

 

[جان]

یہ خیال سارے ہیں عارضی، یہ گلاب سارے ہیں کاغذی
گلِ آرزو کی جو باس تھے وہی لوگ مجھ سے بچھر گئے
(اعتبار ساجد)

 

[جان]

مری وحشتوں کو بڑھا دیا ہے جدائیوں کے عذاب نے
مرے دل پہ ہاتھ رکھو ذرا ، مری دھڑکنوں کو قرار دو
(اعتبار ساجد)