آپ کے پسندیدہ اشعار!

[جان]

خامشی عرضِ حال ہے شاید
میری صورت سوال ہے شاید
ناز وائی

 

[جان]

حدودِ وقت کے دروازے منتظر ہیں نسیمؔ
کہ تو یہ فاصلے کر کے عبور دستک دے
نسیم سحر

 

[جان]

خاموش زندگی جو بسر کر رہے ہیں ہم
گہرے سمندروں میں سفر کر رہے ہیں ہم
رئیس امروہوی

 

[جان]

آنے والی آ نہیں چکتی جانے والی جا بھی چکی
ویسے تو ہر جانے والی رات تھی آنے والی رات
عطا الرحمن جمیل

 

[جان]

خوشبو سے کس زبان میں باتیں کریں گے لوگ
محفل میں یہ سوال تجھے دیکھ کر ہوا !
منصور عثمانی

 

[جان]

خدا کے نام پہ کیا کیا فریب دیتے ہیں
زمانہ ساز یہ رہبر بھی، میں بھی، دنیا بھی
منصور عثمانی

 

[فرقان احمد]

خاک جو صحرا صحرا اڑتی پھرتی تھی
سر میں ڈالی، ایک تماشا ہم نے کیا
ٓ
ٓ
ٓ
ڈاکٹر توصیف تبسم

 

[جان]

خاک جو صحرا صحرا اڑتی پھرتی تھی
سر میں ڈالی، ایک تماشا ہم نے کیا
ٓ
ٓ
ٓ
ڈاکٹر توصیف تبسم

لاجواب غزل ہے۔

 

[محمد عدنان اکبری نقیبی]

میری خاموشیوں میں لرزاں ہے
میرے نالوں کی گم شدہ آواز

فیض احمد فیض

 

[محمد عدنان اکبری نقیبی]

ہم تیرے ہونٹوں کی لرزش کب بھولے ہیں
پانی میں پتھر پھینکیں اور لہریں دیکھیں

تہذیب حافی

 

[محمد عدنان اکبری نقیبی]

میں کہ کاغذ کی ایک کشتی ہوں
پہلی بارش ہی آخری ہے مجھے

تہذیب حافی

 

[محمد عدنان اکبری نقیبی]

میں اپنے جسم کی سرگوشیوں کو سنتا ہوں
ترے وصال کی ساعت نکلتی جاتی ہے

شہریار

 

[محمد عدنان اکبری نقیبی]

ہزار بار نگاہوں سے چوم کر دیکھا
لبوں پہ اس کے وہ پہلی سی اب مٹھاس نہیں

اسلم آزاد

 

[جان]

نہ منزلوں کو نہ ہم رہ گزر کو دیکھتے ہیں
عجب سفر ہے کہ بس ہم سفر کو دیکھتے ہیں
احمد فراز

 

[جان]

رہِ طلب میں کسے آرزوئے منزل ہے
شعور ہو تو سفر خود سفر کا حاصل ہے
غلام ربانی تاباںؔ

 

[جان]

کسے اپنا بنائیں کوئی اس قابل نہیں ملتا
یہاں پتھر بہت ملتے ہیں لیکن دل نہیں ملتا
مخمور دہلوی

 

[جان]

ابھرتا ہی نہیں دل ڈوب کر بحرِ محبت میں
جب آ جاتی ہے اس دریا میں طغیانی نہیں جاتی
مخمور دہلوی

 

[جان]

مت مجھے سادہ سمجھنے کا تکلف کیجے!
صاف کہیے مری باتوں میں صداقت ہی نہیں!
راحیل فاروق

 

[لاريب اخلاص]

محبت کی کتاب میں لکھیں گے ساری کربلائیں
اور پھر تجھ کو ہم کُوفہ مزاج لکھیں گے!

 

[رباب واسطی]

پھر دھڑکنے لگا ھے آنکھوں میں
دل کی مرضی ھے پھر تماشا ہو
نعیم ضرار