آپ کے پسندیدہ اشعار!

[لاريب اخلاص]

میرے گاؤں کا حسن مت پوچھو
چاند کچے مکاں میں رہتا تھا

 

[محمد عدنان اکبری نقیبی]

اٹھائے پھرتا رہا میں بہت محبت کو
پھر ایک دن یونہی سوچا یہ کیا مصیبت ہے

انجم سلیمی

 

[لاريب اخلاص]

"ماں"
بیسن کی سَوندھی روٹی پر
کھٹی چٹنی جیسی ماں
یاد آتی ھے چوکا , باسن
چمٹا ، پُھکنی جیسی ماں

بانس کی کھری کھاٹ کے اُوپر
ھر آھٹ پر کان دھرے
آدھی سوئی آدھی جاگی
تھکی دوپہری جیسی ماں

بیوی ، بیٹی ، بہن ، پڑوسن
تھوڑی تھوڑی سی دِکھے وہ سب میں
دن بھر اِک رسی کے اُوپر
چلتی نٹنی جیسی ماں

چِڑیوں کی چہکار میں گُونجے
بلبل کی آواز کے جیسی
مُرغے کی آواز سے کُھلتی
گھر کی کُنڈی جیسی ماں۔

بانٹ کے اپنا چہرہ ماتھا
آنکھیں جانے کہاں چلی گئی ؟؟
پھٹے پرانے سے اِک البم میں
چنچل لڑکی جیسی ماں
ندا فاضلی

 

[محمد عدنان اکبری نقیبی]

مُجھی میں اب کوئی دریا ہے پھوٹنے والا
کہ پی چُکی ہے بہت میری تشنگی مجھ کو

رؤف جاویؔد

 

[سردار محمد نعیم]

موت اک فرصت اول ہے جو ہو دل کو نصیب
زندگی کہتے ہیں رہ رہ کے تڑپ جانے کو
. . . . . حامد اللّٰہ افسر میرٹھی . . . .

 

[سہیل خان]

میں آرہا ہوں ابھی چوم کر بدن اس کا
سنا تھا آگ پہ بوسہ رقم نہیں ہوتا
شناور اسحٰق

 

[رباب واسطی]

حُسن آنکھوں کا پیٹ بھرتا ہے
بھوک کی بے شمار قِسمیں ہیں

 

[رباب واسطی]

عکس عکس، گماں گماں، خیال سارے مسترد
تو نہیں تو کچھ نہیں ،، سوال سارے مسترد

 

[رباب واسطی]

یوں نہ مل ______ مجھ سے خفا ہو جیسے
ساتھ چل ________ موجِ صبا ہو جیسے

 

[ابوعبید]

عکس عکس، گماں گماں، خیال سارے مسترد
تو نہیں تو کچھ نہیں ،، سوال سارے مسترد

آپ کے جتنے اشعار بھی میں نے یہاں محفل میں دیکھے ہیں ان میں 95 فیصد اشعار بغیر شاعر کے نام اور بغیر حوالے کے ہیں ۔

میرے ذاتی خیال میں ایسے شعر ، قطعہ یا غزل نظم کی کوئی وقعت نہیں ہے جس کے ساتھ کسی تخلیق کار کا نام نہیں ہے ۔ چاہے وہ کوئی شاہکار ہی کیوں نہ ہو ۔ اور یہ حوالہ اردو ادب کی زندگی کے لیے اتنا ہی ضروری ہے جتنا ہمارے زندہ رہنے کے لیے سانس لینا ۔
امید ہے کہ آپ ناراضگی کا ایک طرف رکھتے ہوئے اس پہ غور کریں گی اور تمام انتخاب اور کاوشیں بمعہ حوالہ پیش کیا کریں گی تاکہ تمام دنیا کے وزیٹرز یا سائیٹ کے اراکین جب اس دھاگے کو کھولیں تو اس فورم کے معیار پہ انگلی نہ اٹھے ۔

 

[لاريب اخلاص]

ﭘﮭﺮ ﺳﮯ ﺁﻧﮑﮭﻮﮞ ﻣﯿﮟ ﺧﻮﺍﺏ ﺍﻧﺸﺎﺀ ﺟﯽ
ﺍﺟﺘﻨﺎﺏ۔ﺍﺟﺘﻨﺎﺏ۔ﺍﺟﺘﻨﺎﺏ۔ﺍﻧﺸﺎﺀ ﺟﯽ

 

[جان]

حسیں تیری آنکھیں، حسیں تیرے آنسو
یہیں ڈوب جانے کو جی چاہتا ہے
جگر مراد آبادی

 

[جان]

منظر سے لا منظر تک
آنکھیں خالی خالی ہیں
ظفر تابش

 

[فرقان احمد]

گو میں رہا رہین ستم ہائے روزگار
لیکن ترے خیال سے غافل نہیں رہا

غالب

 

[رباب واسطی]

مِری حیات کے سارے سفر پہ بھاری ہے
وہ ایک پل ،، جو تری چشمِ اعتبار میں ہے

 

[رباب واسطی]

اُس نے مانگی ہی نہیں ساتھ دعائیں ورنہ
بات بِگڑی ہوئی "آمین" سے بن سکتی تھی

 

[رباب واسطی]

مُقامِ نُقطہ _______ بدل گیا ہے
نکھر رہے تھے ___ بکھر گئے ہیں

 

[سید سعد القاسمی]

ہر نفس عمر گزشتہ کی ہے میت فانی
زندگی نام ہے مر مر کے جیے جانے کا
( فانی بدایونی)

 

[ابوعبید]

اُس نے مانگی ہی نہیں ساتھ دعائیں ورنہ
بات بِگڑی ہوئی "آمین" سے بن سکتی تھی

کومل جوئیہ کا شعر ہے ۔۔ اوپر ایک مراسلہ کیا ہے آپ کے لیے ۔ اسے پڑھنےکی زحمت کر لیں ۔

رباب واسطی

 

[رباب واسطی]

ہے سیاست سے تعلق ،،،،،، تو فقط اتنا ہے
کوئی کم ظرف میرے شہر کا سلطان نہ ہو