آپ کے پسندیدہ اشعار!

[سحر کائنات]

کبھی فُرصت میں بیٹھ کر سوچیں گے
زندگی کہاں سے خراب ہوئی ہم سے

 

[فرقان احمد]

شامیں کسی کو مانگتی ہیں آج بھی فراقؔ
گو زندگی میں یوں مجھے کوئی کمی نہیں



فراق گورکھ پوری

 

[سحر کائنات]

یا تو جو نافہم ہیں وہ بولتے ہیں ان دنوں

یا جنہیں خاموش رہنے کی سزا معلوم ہے

 

[فہد اشرف]

مرے عہد کی محبت ہے سپردگی سے غافل
نہ لحاظِ نقشِ پا ہے، نہ طوافِ بام و در ہے
عزم بہزاد

 

[سین خے]

فساد، قتل، تعصب، فریب، مکاری
سفید پوشوں کی باتیں ہیں کیا بتاؤں میں

مجاہد فراز

 

[Mian Asif Zaman]

میں وہ سکوت ہوں جو تیرے کام کا نہیں ہے.
تو ایسا شور ہے جو میں مچا نہیں سکتا
ضمیر طالب

 

[syed Kashif Rizvi]

شام کو پڑھنی نمازِ صبح واجب ہو گئی
روے عالمتاب سے سرکا جو گیسو یار کا

فقیر محمد خان گویاؔ
۱۷۸۴–۱۸۵۰ لکھنؤ، ہندوستان
مآخذ دیوانِ گویاؔ

فقیر محمد خان گویاؔ

 

[syed Kashif Rizvi]

شام کو پڑھنی نمازِ صبح واجب ہو گئی
روے عالمتاب سے سرکا جو گیسو یار کا

فقیر محمد خان گویاؔ
۱۷۸۴–۱۸۵۰ لکھنؤ، ہندوستان
مآخذ دیوانِ گویاؔ

نواب فقیر محمد خان گویاؔ
حضرت جوش ملیح آبادی کے پردادا اور نواب محمد احمد خان کے والد تھے

 

[syed Kashif Rizvi]

نواب فقیر محمد خان گویاؔ
حضرت جوش ملیح آبادی کے پردادا اور نواب محمد احمد خان کے والد تھے

انکے تفصیلی حلات زندگی جوش صاحب کی سوانح حیات یادوں کی برات می دستیاب ہیں

 

[syed Kashif Rizvi]

جن کے آنگن میں امیری کا شجر لگتا ہے
ان کا ہر عیب بھی زمانے کو ہنر لگتا ہے
(?????)

یہ شعر انجم رہبر کا ہے اس غزل کا ایک اور شعر یہ ہے کہ

چاند تارے مرے قدموں میں بچھے جاتے ہیں

یہ کسی بزرگ کی دعاوں کا اثر لگتا ہے

 

[syed Kashif Rizvi]

یا تو جو نافہم ہیں وہ بولتے ہیں ان دنوں

یا جنہیں خاموش رہنے کی سزا معلوم ہے

حالات حاضرہ پر اس سے اچھا اظہار ممکن نہیں

 

[سحر کائنات]

حالات حاضرہ پر اس سے اچھا اظہار ممکن نہیں

درست فرمایا

 

[عدنان عمر]

‏پھر وضعِ احتیاط سے رکنے لگا ہے دم
برسوں ہوئے ہیں چاک گریباں کئے ہوئے

★★
غالب

 

[syed Kashif Rizvi]

کوئی گریاں قریب تربت ہے
زندگی پھر تری ضرورت ہے
نواب بشیر احمد خان ( والد گرامی حضرت جوش ملیح آبادی )

 

[ظہیراحمدظہیر]

خُم نکاسی ہے طپنچہ پنبۂ نخچیر کا
"مدعا عنقا ہے اپنے عالمِ تقریر کا"

 

[فرقان احمد]

خُم نکاسی ہے طپنچہ پنبۂ نخچیر کا
"مدعا عنقا ہے اپنے عالمِ تقریر کا"

آگہی بھی دامِ شنیدن بچھانے سے باز آئی!

 

[لاريب اخلاص]

یار بھی راہ کی دیوار سمجھتے ہیں مجھے
میں سمجھتا تھا مرے یار سمجھتے ہیں مجھے
جڑ اکھڑنے سے جھکاؤ ہے مری شاخوں میں
دور سے لوگ ثمر بار سمجھتے ہیں مجھے
کیا خبر کل یہی تابوت مرا بن جائے
آپ جس تخت کا حق دار سمجھتے ہیں مجھے
نیک لوگوں میں مجھے نیک گنا جاتا ہے
اور گنہ گار گنہ گار سمجھتے ہیں مجھے
میں تو خود بکنے کو بازار میں آیا ہوا ہوں
اور دکاں دار خریدار سمجھتے ہیں مجھے
میں بدلتے ہوئے حالات میں ڈھل جاتا ہوں
دیکھنے والے اداکار سمجھتے ہیں مجھے
وہ جو اس پار ہیں اس پار مجھے جانتے ہیں
یہ جو اس پار ہیں اس پار سمجھتے ہیں مجھے
میں تو یوں چپ ہوں کہ اندر سے بہت خالی ہوں
اور یہ لوگ پر اسرار سمجھتے ہیں مجھے
روشنی بانٹتا ہوں سرحدوں کے پار بھی میں
ہم وطن اس لیے غدار سمجھتے ہیں مجھے
جرم یہ ہے کہ ان اندھوں میں ہوں آنکھوں والا
اور سزا یہ ہے کہ سردار سمجھتے ہیں مجھے
لاش کی طرح سر آب ہوں میں اور شاہدؔ
ڈوبنے والے مددگار سمجھتے ہیں مجھے
شاہد ذکی

 

[محمد عدنان اکبری نقیبی]

میں تو خود بکنے کو بازار میں آیا ہوا ہوں
اور دکاں دار خریدار سمجھتے ہیں مجھے

بہت عمدہ شعر اور زبردست غزل ۔

 

[خالد محمود چوہدری]

ہم مطلبی نہیں کے چاہنے والوں کو دھوکہ دیں
بس ہمیں سمجھنا ہر کسی کے بس کی بات نہیں.

 

[عدنان عمر]

‏‎وہ پوچھتا تھا مری آنکھ بھیگنے کا ‎سبب
مجھے بہانہ بنانا بھی تو نہیں آیا
۔۔۔
وسیم بریلوی