آپ کے پسندیدہ اشعار!

[فرقان احمد]

برباد کر گئی مرے لہجے کی تمکنت
تھا میرا انکسار بھی پندار کی طرح

کرّار نُوری

 

[ظہیراحمدظہیر]

کتنے پروانے جلے راز یہ پانے کے لئے
شمع جلنے کے لئے ہے کہ جلانے کے لئے

(نامعلوم)

 

[شمشاد خان]

بارش شراب عرش ہے یہ سوچ کر عدم
بارش کے سب حروف کو اُلٹا کے پی گیا
(عدم)

 

[آورکزئی]

بُھول کر مفلسی کے۔۔۔۔۔ جنجھٹ کو
آٶ۔۔۔۔۔۔۔۔۔۔۔۔ غُربت پہ رقص کرتے ہیں

 

[لاريب اخلاص]

طاقتیں تمہاری ہیں اور خدا ہمارا ہے
عکس پر نہ اِتراؤ، آئینہ ہمارا ہے

آپ کی غلامی کا، بوجھ ہم نہ ڈھوئیں گے
آبرو سے مرنے کا، فیصلہ ہمارا ہے

عمر بھر تو کوئی بھی، جنگ لڑ نہیں سکتا
تم بھی ٹوٹ جاؤ گے، تجربہ ہمارا ہے

اپنی رہنمائی پر، اب غرور مت کرنا
آپ سے بہت آگے، نقشِ پا ہمارا ہے

غیرتِ جہاد اپنی، زخم کھا کے جاگے گی
پہلا وار تم کر لو، دوسرا ہمارا ہے

منظر بھوپالی

 

[سید عاطف علی]

سینہ ودل حسرتوں سے چھا گیا
بس ہجوم یاس ! جی گھبرا گیا !
میر درد۔

 

[زاہد لطیف]

یا وہ تھے خفا ہم سے یا ہم ہیں خفا ان سے
کل ان کا زمانہ تھا آج اپنا زمانا ہے
(جگر مراد آبادی)

 

[محمدظہیر]

phir jigar khodne lagā nāḳhun
āmad-e-fasl-e-lāla-kārī hai
Ghalib

 

[زاہد لطیف]

دل کی دھڑکن بھی بڑی چیز ہے تنہائی میں
تیری کھوئی ہوئی آواز سنا کرتے ہیں
(شبنم نقوی)

 

[فہد اشرف]

دے دعا کو مری وہ مرتبۂ حسنِ قبول
کہ اجابت کہے ہر حرف پہ سو بار آمین
(مرزا غالب)

 

[فرقان احمد]

کانچ کے گھر ہیں یہاں سب کے، بس اتنا سوچیں
عرض کرتے ہیں فقط آپ سے ۔۔۔۔۔۔۔۔۔۔۔۔۔۔ تکرار نہیں

گلزار

 

[منہاج علی]

اب تو ہر بات یاد رہتی ہے
غالباً میں کسی کو بھول گیا

جون ایلیا

 

[فرقان احمد]

لبِ گویا عذابِ جاں ہے فراز!
جو بھی کہنا ہو، سوچ کر کہنا

احمد فراز

 

[فرقان احمد]

میں ایک خشت سہی، جذب ہوں ترے اندر
۔۔۔۔۔۔ مرے وجود سے ہٹ کر تری عمارت کیا

روؤف خیر

 

[فرقان احمد]

وقت رک رک کے جنہیں دیکھتا رہتا ہے سلیمؔ
۔۔۔۔۔۔۔۔ یہ کبھی وقت کی رفتار ہوا کرتے تھے

سلیم کوثر

 

[ظہیراحمدظہیر]

فقیرانہ آئے صدا کرچلے
میاں خوش رہو ہم دعا کر چلے
(میر)

 

[فرقان احمد]

پتھر تھے کہ گوہر تھے، اب اس بات کا کیا ذکر
اک موج بہرحال ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بہا لے گئی ہم کو


--------------------------- عرفان صدیقی

 

[زاہد لطیف]

کیا تجاہل سے یہ کہتا ہے کہاں رہتے ہو!
ترے کوچے میں ستم گار ترے کوچے میں
(شیفتہ)

 

[خالد محمود چوہدری]

فاقہ کشوں کو کیسے رولاتی ہے زندگی
آسائشوں میں پلتے بدن کو خبر کہاں

 

[خالد محمود چوہدری]

ہم شاہ جہاں کے ہتھ کٹے مزدور تک گئے
فاقہ اور فکر ایک ساتھ تندور تک گئے

موسیٰ کے سوا کوئی بھی زندہ نہی بچا
جو لوگ خدا دیکھنے کوہِ طور تک گئے

اندھیرے میں اندھیرا ہی میرا ساتھی تھا
ہم روشنی کے دھوکے میں بڑی دور تک گئے

مولا تیری دنیا میں تجھے ہر جگہ ڈھونڈا
جب خود میں ہم اترے تو تیرے نور تک گئے

پھانسی کا اعلان جب مسجد میں ہوا تھا
پھر دیکھنے مجھے چوک میں معذور تک گئے

کچھ نے اسے کافر کہا کچھ نے شہیدِ حق
ہم حق کا ظرف کھوجنے منصور تک گئے

ہم لوگ ہوس زادے ہیں اسی واسطے
ہم لوگ تو جنت میں بھی بس حور تک گئے.​