آپ کے پسندیدہ اشعار!

[شمشاد خان]

عجیب لطف کچھ آپس کی چھیڑ چھاڑ میں ہے
کہاں ملاپ میں وہ بات جو بگاڑ میں ہے
(انشاء اللہ خان)

 

[Iab]

یہ راجیش ریڈی کون سے شاعر ہیں؟ ان کا تعارف کیا ہے؟

جہاں وسیم بریلوی صاحب بستے ہیں اسی ملک سے راجیش ریڈی صاحب کا بھی تعلق ہے۔ اور راہ حیات کے پیچ و خم کے شاعر ہیں۔

 

[Iab]

یہاں ہر شخص ہر پل حادثہ ہونے سے ڈرتا ہے
کھلونا ہے جو مٹی کا فنا ہونے سے ڈرتا ہے

راجیش ریڈی

 

[Iab]

مرے دل کے کسی کونے میں اک معصوم سا بچہ
بڑوں کی دیکھ کر دنیا بڑا ہونے سے ڈرتا ہے

راجیش ریڈی

 

[La Alma]

لکھتا ہوں اسدؔ سوزشِ دل سے سخنِ گرم
تا رکھ نہ سکے کوئی مرے حرف پر انگشت
(غالب)

 

[سید عاطف علی]

پرستش کی یاں تک کہ اے بت تجھے
نظر میں سبھوں کی ، خدا کر چلے
میر

 

[سید عاطف علی]

بہت آرزو تھی ، گلی کی تری
سو یاں سے لہو میں نہا کر چلے
میر

 

[سید عاطف علی]

جبیں سجدہ کرتے ہی کرتے گئی
حق بندگی ہم ، ادا کر چلے
میر

 

[Iab]

تراش سنگ کہ اس پتھر کا کچھ تو بنے
خدا کرے بنے جو بھی وہ خدا نہ بنے

(ع)

 

[زاہد لطیف]

میں گردِ سفر بہتر، میں خاک سہی راحیلؔ
وہ بھی تو اڑائے گا، خود کیوں نہ بکھر جاؤں؟
(راحیل فاروق)

 

[مریم افتخار]

دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں ستائے کیوں

ہاں وہ نہیں خدا پرست جاؤ وہ بے وفا سہی
جس کو ہو دین و دل عزیز اس کی گلی میں جائے کیوں

(غالب)​

 

[Iab]

قیدِ حیات و بندِ غم اصل میں دونوں ایک ہیں
موت سے پہلے آدمی غم سے نجات پائے کیوں

(غالب)

 

[Iab]

اگ رہا ہے در و دیوار سے سبزہ غالبؔ
ہم بیاباں میں ہیں اور گھر میں بہار آئی ہے

 

[Iab]

میں نے مجنوں پہ لڑکپن میں اسدؔ
سنگ اٹھایا تھا کہ سر یاد آیا

(غالب)

 

[فرقان احمد]

ہوا کے دوش پہ اب تک سفر میں ہیں خالد
ہم اپنے شہر سے نکلے تھے داستاں کی طرح!

(خالد احمد)

 

[Iab]

میں ہوں بھی تو لگتا ہے کہ جیسے میں نہیں ہوں
تم ہو بھی نہیں اور یہ لگتا ہے کہ تم ہو

احمد سلمان

 

[Iab]

کوئی چارہ گر ہی نہیں یہاں ، مرے دل کا درد گھٹے کہاں ؟
وہ جو بیچتے تھے دواء دل ، وہ دکان اپنی بڑھا گئے

اسماعیل اعجاز

 

[Iab]

ھم کو ھمارے صبر کا خوب صلہ دیا گیا
یعنی دوا نہ دی گئی درد بڑھا دیا گیا

اقبال اشعر

 

[Iab]

ستم تو یہ کہ ھماری صفوں میں شامل ہیں
چراغ بجھتے ہی خیمہ بدلنے والے لوگ

اقبال اشعر

 

[Iab]

جو بساطِ جاں ہی الٹ گیا ، وہ جو راستے سے پلٹ گیا
اسے روکنے سے حصول کیا ، اسے مت بلا ، اسے بھول جا

امجد اسلام امجد