آپ کے پسندیدہ اشعار!

[Jazib hashmi]

کیا فائدا ہے قصہَ رضواں سے تجھے
کوئی شمع رو پری ستے تو بھی لگن لگا
باقر اگاہ ویلوری

 

[Jazib hashmi]

تم جاؤ رقیبوں کا کرو کوئی مداوا
ہم آپ بھگت لیں گے کہ جو ہم پہ بنی ہے
سردار گینڈا سنگھ مشرقی

 

[اسرار اظمی]

تُم پَر نَہیں مَرتے ، مَرتے ہیں اِن چَار پَر
نَاز پَر ، اَنداز پَر ، رُخسّار پَر ، گُفتار پَر​

 

[اسرار اظمی]

پوچھا کسی نے مول تو حیران رہ گیا
اپنی نگاہ میں کوئی کتنا غریب تھا

شاعر-نامعلوم​

 

[لاريب اخلاص]

نہ جانے اوروں کو میں کس طرح کا لگتا ہوں
یہ آرزو ہے کہ باہر سے دیکھ لوں خود کو
الف عین (اعجاز عبید)

 

[خالد محمود چوہدری]

آخر گُزر ہی جائے گی حیات
یہ کوئی تاحیات تھوڑی ہے

 

[ریحان احمد ریحانؔ]

بوئے گل نالۂ دل دود چراغِ محفل
جو تری بزم سے نکلا سو پریشاں نکلا

 

[لاريب اخلاص]

نہ وبا کے کوئی دن رات نہ تنہائی کے سال
تیرے آتے ہی بدل جاتا ہے سارا موسم
ادریس بابر

 

[لاريب اخلاص]

کرنے گئے تھے اس سے تغافل کا ہم گلہ
کی ایک ہی نگاہ کہ بس خاک ہو گئے
مرزا غالب

 

[خالد محمود چوہدری]

مریضِ ہِجر ہُوں قدموں میں لے چلو اُن کے
سِوائے شِہرِ مدینہ مرا عِلاج نہیں

ظہیرؔ آئے ہیں ہم کاسہءِ یقیں لے کر
درِ حضورﷺ پہ انکار کا رواج نہیں

❤❤❤

ثناء اللّٰہ ظہیرؔ

 

[سیما علی]

عجب گھڑی تھی
کتاب کیچڑ میں گر پڑی تھی
چمکتے لفظوں کی میلی آنکھوں میں الجھے آنسو بلا رہے تھے
مگر مجھے ہوش ہی کہاں تھا
نظر میں اک اور ہی جہاں تھا
نئے نئے منظروں کی خواہش میں اپنے منظر سے کٹ گیا ہوں
نئے نئے دائروں کی گردش میں اپنے محور سے ہٹ گیا ہوں
صلہ جزا خوف ناامیدی
امید امکان بے یقینی
ہزار خانوں میں بٹ گیا ہوں
اب اس سے پہلے کہ رات اپنی کمند ڈالے یہ چاہتا ہوں کہ لوٹ جاؤں
عجب نہیں وہ کتاب اب بھی وہیں پڑی ہو
عجب نہیں آج بھی مری راہ دیکھتی ہو
چمکتے لفظوں کی میلی آنکھوں میں الجھے آنسو
عجب نہیں میرے لفظ مجھ کو معاف کر دیں
ہوا و حرص و ہوس کی سب گرد صاف کر دیں
عجب گھڑی تھی
کتاب کیچڑ میں گر پڑی تھی
افتخار عارف

 

[پروفیسر شوکت اللہ شوکت]

ڈھونڈنے سے خدا بھی مل جاتا ہے
اگر عشق سچا ہو تو سب مل جاتا ہے
(پروفیسر شوکت اللہ شوکتؔ )

 

[سیما علی]

جینے کی آرزو میں جو مرتے ہیں ساری عمر
شاید حیات نام اسی مرحلے کا ہے!!!!!!!

نا معلوم

 

[سیما علی]

دامن کسی کا ہاتھ سے جاتا رہا مگر
اک رشتۂ خیال ہے جو ٹوٹتا نہیں
نامعلوم

 

[سیما علی]

غم وہ مے خانہ کمی جس میں نہیں
دل وہ پیمانہ ہے بھرتا ہی نہیں!!

نا معلوم

 

[وقار علی ذگر]

پھر ھُوا کوئی بد گماں ھم سے
پھر جنم لے رھے ھیں افسانے

شکیب جلالی

 

[سیما علی]

اے شوقؔ نہ کچھ کہئے حالت دل مضطر کی
ہوتا ہے مسیحا کو خفقان ارے توبہ!!!!!!!

شوق بہرائچی

 

[سیما علی]

میٹھی میٹھی چھیڑ کر باتیں نرالی پیار کی
ذکر دشمن کا وہ باتوں میں اڑانا یاد ہے
حسرتؔ موہانی

 

[فاخر رضا]

ڈھونڈنے سے خدا بھی مل جاتا ہے
اگر عشق سچا ہو تو سب مل جاتا ہے
(پروفیسر شوکت اللہ شوکتؔ )

کیا یہ بہتر نہیں کہ شعر شیئر کرنے سے پہلے ورکشاپ سے ٹھیک کروا لیں

 

[پروفیسر شوکت اللہ شوکت]

کیا یہ بہتر نہیں کہ شعر شیئر کرنے سے پہلے ورکشاپ سے ٹھیک کروا لیں

مشورے کا شکریہ! ورکشاپ سے نکلنے کے بعد شعر اپنا نہیں لگتا ، یعنی پہچانا نہیں جاتا۔ ایک دفعہ احمد فراز کی غزل بھیجی تھی ، اس کی بھی کافی مرمت فرمائی تھی (مذاق میں )۔ اگر آپ کو شعر اچھا نہیں لگا، تو معافی چاہتا ہوں۔ آئندہ اس لڑی میں شیئر نہیں کروں گا۔