آپ کے پسندیدہ اشعار!

[پروفیسر شوکت اللہ شوکت]

غلام محمد قاصر کا شعر:

اکیلا دن ہے کوئی اور نہ تنہا رات ہوتی ہے

میں جس پل سے گزرتا ہوں محبت ساتھ ہوتی ہے

 

[رومی]

کہیں اکیلے میں مل کر جھنجھوڑ دوں گا اسے

جہاں جہاں سے وہ ٹوٹا ہے جوڑ دوں گا اسے

پسینے بانٹتا پھرتا ہے ہر طرف سورج

کبھی جو ہاتھ لگا تو نچوڑ دوں گا اسے

راحت اندوری

Wah

 

[سیما علی]

بلاتی ہے مگر جانے کا نئیں

بلاتی ہے مگر جانے کا نئیں
یہ دنیا ہے ادھر جانے کا نئیں
میرے بیٹے کسی سے عشق کر
مگر حد سے گزر جانے کا نئیں
ستارے نوچ کر لے جاوں گا
میں خالی ہاتھ گھر جانے کا نئیں
وہ گردن ناپتا ہے ناپ لے
مگر ظالم سے ڈر جانے کا نئیں

راحت اندوری

 

[سیما علی]

جھوٹوں نے جھوٹوں سے کہا ہے سچ بولو


جھوٹوں نے جھوٹوں سے کہا ہے، سچ بولو
سرکاری اعلان ہوا ہے، سچ بولو

گھر کے اندر جھوٹوں کی اک منڈی ہے
دروازے پہ لکھا ہوا ہے، سچ بولو

گلدستے پر یک جہتی لکھ رکھا ہے
گلدستے کے اندر کیا ہے، سچ بولو

راحت اندوری

 

[سیما علی]

گھروں کے دھنستے ہوئے منظروں میں رکھے ہیں بہُت سے لوگ یہاں مقبروں میں رکھے ہیں ہمارے سر کی پھٹی ٹوپیوں پہ طنز نہ کر ہمارے تاج عجائب گھروں میں رکھے ہیں۔ - مَیں وہ دریا ہوں کہ ہر بوند بھنور ہے جس کی تم نے اچھا ہی کیا مجھ سے کنارہ کر کے

(راحت اندوری)

 

[سحر کائنات]

ہزار شمع فروزاں ہو روشنی کے لیے

نظر نہیں تو اندھیرا ہے آدمی کے لیے
نشور واحدی

 

[خالد محمود چوہدری]

مجھے معلوم ہے __میرا مقدر تم نہیں لیکن!!
میری تقدیر سے چھپ کر مجھے اِک بار مل جاؤ!

 

[شمشاد]

ان اندھیروں سے پرے اس شب غم سے آگے
اک نئی صبح بھی ہے شام الم سے آگے
عشرت قادری

 

[ظفری]

تُو چھوڑ رہا ہے تو خطا اس میں تری کیا
ہر شخص میرا ساتھ نبھا بھی نہیں سکتا
( وسیم بریلوی )

 

[شمشاد]

دل پاگل ہے روز نئی نادانی کرتا ہے
آگ میں آگ ملاتا ہے پھر پانی کرتا ہے
(افتخار عارف)

 

[عطاء اللہ جیلانی]

‏عُمر رائیگاں کر دی تب یہ بات مانی ہے
موت اور محّبت کی ایک ہی کہانی ہے

نوشی گیلانی

 

[سحر کائنات]

ڈھونڈ اجڑے ہوئے لوگوں میں وفا کے موتی

یہ خزانے تجھے ممکن ہے خرابوں میں ملیں

 

[شمشاد]

تو خدا ہے نہ مرا عشق فرشتوں جیسا
دونوں انساں ہیں تو کیوں اتنے حجابوں میں ملیں
(احمد فراز)

 

[بابا-جی]

مثالِ زینۂ منزل بکارِ شوق آیا
ہر اِک مقام، کہ ٹُوٹی جہاں جہاں پہ کمند

فیض

 

[عطاء اللہ جیلانی]

‏ترتیب دے رہا تھا میں فہرست دشمنان
یاروں نے اتنی بات پہ خنجر اٹھا لیا

فنا نظامی کانپوری

 

[La Alma]

سارے تماشے ختم ہوئے لوگ جا چکے
اک ہم ہی رہ گئے جو فریب سحر میں ہیں

آشفتہ چنگیزی

 

[شمشاد]

ہوئی ہے ناتوانی بے دماغ شوخی مطلب
فرو ہوتا ہے سر سجدے میں اے دست دعا گم ہو
(چچا)

 

[عطاء اللہ جیلانی]

‏تیر کھانے کی ہوس ہے تو جگر پیدا کر
سرفروشی کی تمنا ہے تو سر پیدا کر

امیر مینائی

 

[آورکزئی]

اب آسمان سارا مری دسترس میں ہے
انگلی اٹھا کسی بھی ستارے کی بات کر

سلیم فگار

 

[عطاء اللہ جیلانی]

یہ نقش خوش نما دراصل نقش عاجزی ہے
کہ اصل حسن تو اندیشۂ بہزاد میں ہے

ذوالفقار احمد تابش