آپ کے پسندیدہ اشعار!

[لاريب اخلاص]

(فیس بک سے انتخاب)

میں اپنے دور کا شاعر ہوں
ہر دور سے ہو کر آیا ہوں

حافی سے ہے تہذیب چُرائی
زریون کی مستی لایا ہوں

نجمی کے پنجرے سے اُڑ کر
جنگل میں سیدھا آیا ہوں

عامر کے انداز میں سُن لو
جالب کی بغاوت لایا ہوں

گُلزار کی خوشبو ساتھ لیے
میں سرحد توڑ کر آیا ہوں

جون کو مُرشد مانا ہے
تعویز محسن سے لایا ہوں

بچپن میں فیض کو سُنتا تھا
فراز کو پڑھ کر آیا ہوں

ساغر سے درویشی سیکھی
ناصر سے چرچہ لایا ہوں

درد کے درد کو پالا ہے
اور میر سے مصرعے لایا ہوں

غالب میرا ساقی ہے
اور جگر سے پیالہ لایا ہوں

امرتا روٹھی بیٹھی ہے
ساحر کو منانے لایا ہوں

اک یار منانا ہے مجھ کو
میں بُلھا بن کر آیا ہوں

وارث کا عشق حقیقی تھا
میں ھیر مجازی لایا ہوں

اقبال کو ہاتھ نہیں ڈالا
بس پاوں چوم کر آیا ہوں۔!!
نامعلوم

 

[احسن جاوید]

کوئی منظر سدا نہیں رہتا
ہر تعلق مسافرانہ ہے
(ندا فاضلی)

 

[شمشاد]

چھوڑنے میں نہیں جاتا اسے دروازے تک
لوٹ آتا ہوں کہ اب کون اسے جاتا دیکھے
شہزاد احمد

 

[احسن جاوید]

ہم نہیں تھے تو کیا کمی تھی یہاں
ہم نہ ہوں گے تو کیا کمی ہو گی
(منور رانا)

 

[شمشاد]

اس آئنے میں دیکھنا حیرت بھی آئے گی
اک روز مجھ پہ اس کی طبیعت بھی آئے گی
اقبال ساجد

 

[احسن جاوید]

تعلق ہے نہ اب ترک تعلق
خدا جانے یہ کیسی دشمنی ہے
(کاملؔ بہزادی)

 

[لاريب اخلاص]

تم اپنے عقیدوں کے نیزے

ہر دل میں اتارے جاتے ہو

ہم لوگ محبت والے ہیں

تم خنجر کیوں لہراتے ہو

اس شہر میں نغمے بہنے دو

بستی میں ہمیں بھی رہنے دو

ہم پالنہار ہیں پھولوں کے

ہم خوشبو کے رکھوالے ہیں

تم کس کا لہو پینے آئے

ہم پیار سکھانے والے ہیں

اس شہر میں پھر کیا دیکھو گے

جب حرف یہاں مر جائے گا

جب تیغ پہ لے کٹ جائے گی

جب شعر سفر کر جائے گا

جب قتل ہوا سر سازوں کا

جب کال پڑا آوازوں کا

جب شہر کھنڈر بن جائے گا

پھر کس پر سنگ اٹھاؤ گے

اپنے چہرے آئینوں میں

جب دیکھو گے ڈر جاؤ گے
احمد فراز

 

[شمشاد]

جانتا ہوں ایک ایسے شخص کو میں بھی منیرؔ
غم سے پتھر ہو گیا لیکن کبھی رویا نہیں
منیر نیازی

 

[لاريب اخلاص]

فقط امید ہے بخشش کی تیری رحمت سے
وگرنہ عفو کے قابل مرے گناہ نہیں
آباد لکھنوی

 

[شمشاد]

اخترؔ گزرتے لمحوں کی آہٹ پہ یوں نہ چونک
اس ماتمی جلوس میں اک زندگی بھی ہے
اختر ہوشیارپوری

 

[احسن جاوید]

اب اپنا ارادہ نہ بدل لینا کہ ہم لوگ
مشکل سے اجڑ جانے کو تیار ہوئے ہیں
(کومل جوئیہ)

 

[سیما علی]

تیرے فراق میں جیسے خیال مفلس کا
گئی ہے فکر پریشان کہاں کہاں میری

(میر تقی میر)

 

[سیما علی]

دیکھا یہ ناو و نوش کہ نیش فراق سے
سینہ تمام خانۂ زنبور ہوگیا

(میر تقی میر)

 

[سیما علی]

داغِ فراق و حسرتِ وصل آرزوئے شوق
میں ساتھ زیرِ خاک بھی ہنگامہ لے گیا

(میر تقی میر)

 

[سیما علی]

دل دماغ و جگر یہ سب اک بار
کام آئے فراق میں اے یار

(میر تقی میر)

 

[سیما علی]

اس شہرِ بے چراغ میں جائے گی تُو کہاں
آ اے شبِ فراق تجھے گھر ہی لے چلیں

(ناصر ‌کاظمی)

 

[سیما علی]

انہیں غرض انہیں مطلب وہ حال کیوں پوچھیں
بلا سے ان کی اگر کوئی بے قرار رہا

ہجر ناظم علیخاں

 

[سیما علی]

کچھ محبت میں عجب شیوۂ دل دار رہا
مجھ سے انکار رہا غیر سے اقرار رہا

ہجر ناظم علیخاں

 

[سیما علی]

دور حیات آئے گا قاتل قضا کے بعد
ہے ابتدا ہماری تری انتہا کے بعد

محمد علی جوہر

 

[عطاء اللہ جیلانی]

‏دشمنوں میں تھے تو ہم پر پھول کی بارش ہوئی
دوستوں میں ہیں تو یہ پتھر کہاں سے آ گئے

سلیمان خمار