آپ کے پسندیدہ اشعار!

[گُلِ یاسمیں]

دل میں ہے میرے کئی چہروں کی یاد
جانیے میں کِس سے ہوں رُوٹھا ہوا

جون ایلیا

 

[حسرت جاوید]

آج امجد خواب ہے میرے لئے جس کا خیال
کل اسی کا ہاتھ تھامے گھومتا پھرتا تھا میں

 

[گُلِ یاسمیں]

کمرے خالی ہو گئے سایوں سے آنگن بھر گیا
ڈوبتے سورج کی کرنیں جب پڑیں دالان پر
اب یہاں کوئی نہیں ہے کس سے باتیں کیجیے
یہ مگر چپ چاپ سی تصویر آتش دان پر

شکیب جلالی

 

[گُلِ یاسمیں]

ملبوس خوشنما ہیں مگر جسم کھوکھلے
چھلکے سجے ہوں جیسے پھلوں کی دکان پر

شکیب جلالی

 

[گُلِ یاسمیں]

سرِ شام آنے کا وعدہ کیا تھا مگر رات اب تو ڈھلی جا رہی ہے
نہ جانے کہاں راہ میں رک گئے وہ نہ جانے کہاں اتنی دیر لگائی

قمر جلالوی

 

[حسرت جاوید]

گزرے ہیں تیرے ساتھ جو دن رات ابھی تک
آنکھوں میں بسے ہیں وہی لمحات ابھی تک

کچھ عشق کی لذت بھی ہے کچھ سوزش دل بھی
تازہ ہیں مرے دل میں یہ سوغات ابھی تک

صادقہ فاطمی

 

[حسرت جاوید]

وعدہ وہ کر رہے ہیں ذرا لطف دیکھیے
وعدہ یہ کہہ رہا ہے نہ کرنا وفا مجھے

جلیل مانک پوری

 

[گُلِ یاسمیں]

سرِ شام آنے کا وعدہ کیا تھا مگر رات اب تو ڈھلی جا رہی ہے
نہ جانے کہاں راہ میں رک گئے وہ نہ جانے کہاں اتنی دیر لگائی

قمر جلالوی

 

[حسرت جاوید]

اس طرف سے گزرے تھے قافلے بہاروں کے
آج تک سلگتے ہیں زخم رہ گزاروں کے

ساحر لدھیانوی

 

[گُلِ یاسمیں]

ہم چراغِ شب ہی جب ٹھہرے تو پھر کیا سوچنا
رات تھی کِس کا مُقدّر اور سَحر دیکھے گا کون

آ فصیلِ شہر سے دیکھیں غنیمِ شہر کو
شہر جلتا ہوتو تجھ کو بام پر دیکھے گا کون۔۔۔!

 

[گُلِ یاسمیں]

ہمسفر چاہیے ہجوم نہیں
بس اک مسافر قافلہ ہے مجھے

تو محبت میں کوئی چال تو چل،
ہار جانے کا حوصلہ، ہے مجھے

 

[شمشاد]

اے جنوں پھر مرے سر پر وہی شامت آئی
پھر پھنسا زلفوں میں دل پھر وہی آفت آئی
آسی غازی پوری

 

[حسرت جاوید]

ہم کو جینے کی ہے خوشی اتنی
جی رہے ہیں تری خوشی کے لئے

 

[گُلِ یاسمیں]

مریضِ محبت انہیں کا فسانہ سناتا رہا دم نکلتے نکلتے
مگر ذکر شامِ الم کا جب آیا چراغِ سحر بجھ گیا جلتے جلتے

قمر جلالوی

 

[گُلِ یاسمیں]

ارادہ تھا ترکِ محبت کا لیکن فریبِ تبسم میں پھر آ گئے ہم
ابھی کھا کہ ٹھوکر سنبھلنے نہ پائے کہ پھر کھائی ٹھوکر سنبھلتے سنبھلتے

قمر جلالوی

 

[شمشاد]

ترے وعدوں پہ کہاں تک مرا دل فریب کھائے
کوئی ایسا کر بہانہ مری آس ٹوٹ جائے
فنا نظامی کانپوری

 

[گُلِ یاسمیں]

مجھے پھول صبر کر لیں مجھے باغباں بھلا دے
کہ قفس میں تنگ آ کر مرے اور ہیں ارادے
مرے بعد گر کے بجلی نہ قفس میں دل دکھا دے
مجھے قید کرنے والے مرا آشیاں جلا دے
قمر جلالوی

 

[گُلِ یاسمیں]

فریاد کروں دل کے ستانے کی اسی سے
راضی مگر اس پر بھی مرا دل نہیں ہوتا

امیر مینائی

 

[شمشاد]

مجھے دھوپ میں تو قریب کر مجھے سایہ اپنا نصیب کر
مری نکہتوں کو عروج دے مجھے پھول جیسا وقار دے
اندرا ورما

 

[گُلِ یاسمیں]

یہ عشق ہے جسے پرواہ حسن کی بھی نہیں
کہ شمع روتی ہے اور سو رہے ہیں پروانے
جہاں سے عشق نے رودادِ غم کو چھوڑ دیا
شروع میں نے وہاں سے کئے ہیں افسانے

قمر جلالوی