آپ کے پسندیدہ اشعار!

[شمشاد]

جب بھی لکھتا ہوں میں افسانا یہی ہوتا ہے
اپنا سب کچھ کسی کردار کو دے دیتا ہوں
اختر نظمی

 

[گُلِ یاسمیں]

میرے کردار میں مضمر ہے تمہارا کردار
دیکھ کر کیوں مری تصویر خفا ہو تم لوگ

اختر مسلمی

 

[شمشاد]

عرشؔ پہلے یہ شکایت تھی خفا ہوتا ہے وہ
اب یہ شکوہ ہے کہ وہ ظالم خفا ہوتا نہیں
عرش ملسیانی

 

[حسرت جاوید]

اتنے گھنے بادل کے پیچھے
کتنا تنہا ہوگا چاند

پروین شاکر

 

[حسرت جاوید]

میں دیکھتا ہوں آپ کو حد نگاہ تک
لیکن مری نگاہ کا کیا اعتبار ہے

سیماب اکبرآبادی

 

[حسرت جاوید]

خوف دوزخ سے کبھی، خواہش جنت سے کبھی
مجھ کو اس طرزِ عبادت پہ ہنسی آتی ہے

 

[حسرت جاوید]

گلشن سے کوئی پھول میسر نہ جب ہوا
تتلی نے راکھی باندھ دی کانٹے کی نوک پر

 

[حسرت جاوید]

ایک پل کے رکنے سے دور ہو گئی منزل
صرف ہم نہیں چلتے راستے بھی چلتے ہیں

شاہد صدیقی

 

[حسرت جاوید]

کیسا لمحہ آن پڑا ہے
ہنستا گھر ویران پڑا ہے

بقا بلوچ

 

[سیما علی]

اور کیا دیکھنے کو باقی ہے
آپ سے دل لگا کے دیکھ لیا

فیض احمد فیض

 

[حسرت جاوید]

ان اشکوں کا دل سے کیا تعلق
یہ شعلے جگر سے آ رہے ہیں

مشکور حسین یاد

 

[سیما علی]

تمہارا ہجر منا لوں اگر اجازت ہو
میں دل کسی سے لگا لوں اگر اجازت ہو

 

[سیما علی]

سارے جذبوں کے باندھ ٹوٹ گئے
اس نے بس یہ کہا اجازت ہو

 

[حسرت جاوید]

اور کیا دیکھنے کو باقی ہے
آپ سے دل لگا کے دیکھ لیا

فیض احمد فیض

اس کے رخسار دیکھ جیتا ہوں
عارضی میری زندگانی ہے

ناجی شاکر

 

[سیما علی]

اس کے رخسار دیکھ جیتا ہوں
عارضی میری زندگانی ہے

ناجی شاکر

موت کا بھی علاج ہو شاید
زندگی کا کوئی علاج نہیں

 

[گُلِ یاسمیں]

جہاں سے عشق نے رودادِ غم کو چھوڑ دیا
شروع میں نے وہاں سے کئے ہیں افسانے

قمر جلالوی

 

[سیما علی]

سیر کر دنیا کی غافل زندگانی پھر کہاں
زندگی گر کچھ رہی تو یہ جوانی پھر کہاں

 

[سیما علی]

دیکھا ہے زندگی کو کچھ اتنے قریب سے
چہرے تمام لگنے لگے ہیں عجیب سے

 

[شمشاد]

سرائے دل میں جگہ دے تو کاٹ لوں اک رات
نہیں ہے شرط کہ مجھ کو شریک خواب بنا
حسن نعیم

 

[گُلِ یاسمیں]

یہ جاہِ دنیا کروں گا کیا میں
تمہی سنبھالو اسے، چلا میں

آفتاب اقبال شمیم