آپ کے پسندیدہ اشعار!

[سیما علی]

دینا وہ اس کا ساغرِ مئے یاد ہے نظام
منہ پھیر کر اُدھر کو، اِدھر کو بڑھا کے ہاتھ

نظام رام پوری

 

[سیما علی]

توڑ کر عہد کرم نا آشنا ہو جایئے
بندہ پرور جایئے، اچھا، خفا ہو جایئے

حسرت موہانی

 

[سیما علی]

تمہیں چاہوں، تمہارے چاہنے والوں کو بھی چاہوں
مرا دل پھیر دو، مجھ سے یہ جھگڑا ہو نہیں سکتا

مضطر خیر آبادی

 

[سیما علی]

دیکھا کیے وہ مست نگاہوں سے بار بار
جب تک شراب آئے کئی دور ہوگئے

شاد عظیم آبادی

 

[سیما علی]

ہم نہ کہتے تھے کہ حالی چپ رہو
راست گوئی میں ہے رسوائی بہت

الطاف حسین حالی

 

[سیما علی]

. ذرا سی بات تھی اندیشہِ عجم نے جسے
بڑھا دیا ہے فقط زیبِ داستاں کے لیے

علامہ اقبال

 

[حسرت جاوید]

ٹوٹ کر مے پہ یوں گری توبہ
جیسے پروانہ شمعِ محفل پر

جلیل مانک پوری

 

[سیما علی]

وہ شیفتہ کہ دھوم ہے حضرت کے زہد کی
میں کیا کہوں کہ رات مجھے کس کے گھر ملے

مصطفیٰ خان شیفتہ

 

[سیما علی]

اذاں دی کعبے میں، ناقوس دیر میں پھونکا
کہاں کہاں ترا عاشق تجھے پکار آیا

محمد رضا برق

 

[سیما علی]

. گو واں نہیں، پہ واں کے نکالے ہوئے تو ہیں
کعبے سے ان بتوں کو نسبت ہے دور کی

 

[سیما علی]

غالب برا نہ مان جو واعظ برا کہے
ایسا بھی کوئی ہے کہ سب اچھا کہیں جسے

مرزا غالب

 

[سیما علی]

ہزار شیخ نے داڑھی بڑھائی سن کی سی
مگر وہ بات کہاں مولوی مدن کی سی

اکبر الہٰ آبادی

 

[سیما علی]

فکر معاش، عشق بتاں، یاد رفتگاں
اس زندگی میں اب کوئی کیا کیا، کیا کرے

محمد رفیع سودا

 

[گُلِ یاسمیں]

حسن گلشن میں فرق کیا آیا
اک کھلا پھول، ایک مرجھایا

بااقی صدیقی

 

[گُلِ یاسمیں]

کر کر کے منتیں تیری عادت بگاڑ دی
دانستہ ہم نے تجھے ستمگر بنا دیا

 

[گُلِ یاسمیں]

چاہ میں اس کی طمانچے کھائے ہیں
دیکھ لو سرخی مرے رخسار کی

 

[حسرت جاوید]

دونوں رخسار عنایت کریں اک اک بوسہ
عاشقوں کے لیے سرکار سے چندا ہو جائے

حاتم علی مہر

 

[شمشاد]

میں نے مانا آپ نے بوسے دئے میں نے لئے
وہ کہاں نکلی جو ہے میری تمنا ایک اور
حاتم علی مہر

 

[گُلِ یاسمیں]

شرما گئے، لجا گئے، دامن چھڑا گئے
اے عشق! مرحبا، وہ یہاں تک تو آگئے

دل پر ہزار طرح کے اوہام چھا گئے
یہ تم نے کیا کیا، مری دنیا میں آگئے؟

جگر مراد آبادی

 

[گُلِ یاسمیں]

غمِ الفت مرے چہرے سے عیاں کیوں نہ ہوا
آگ جب دل میں سلگتی تھی، دھواں کیوں نہ ہوا

شکیب جلالی