آپ کے پسندیدہ اشعار!

[حسرت جاوید]

گر دیکھیے تو خاطرِ ناشاد شاد ہے
سچ پوچھیے تو ہے دلِ ناکام کام کا

اسماعیل میرٹھی

 

[حسرت جاوید]

آنکھوں پر اپنی رکھ کر ساحل کی آستیں کو
ہم دل کے ڈوبنے پر آنسو بہا رہے ہیں

سراج لکھنوی

 

[حسرت جاوید]

ہماری مسکراہٹ پر نہ جانا
دیا تو قبر پر بھی جل رہا ہے

آنس معین

 

[حسرت جاوید]

بھول جانا نہیں گناہ اسے
یاد کرنا اسے ثواب نہیں

جون ایلیا

 

[حسرت جاوید]

تتلیاں پکڑنے میں دور تک نکل جانا
کتنا اچھا لگتا ہے پھول جیسے بچوں پر

پروین شاکر

 

[حسرت جاوید]

تری خواہش کسی امکاں کی صورت
ہمیشہ مجھ میں تہہ در تہہ رہی ہے

ضیاء المصطفیٰ ترک

 

[حسرت جاوید]

مکاں شیشے کا بنواتے ہو آزرؔ
بہت آئیں گے پتھر دیکھ لینا

کفیل آزر امروہوی

 

[حسرت جاوید]

زندگی کو حوصلہ دینے کے خاطر
خواہشوں کو ریزہ ریزہ چن رہا ہوں

محفوظ الرحمان عادل

 

[حسرت جاوید]

بن مانگے مل رہا ہو تو خواہش فضول ہے
سورج سے روشنی کی گزارش فضول ہے

شاہد ذکی

 

[حسرت جاوید]

مدعا دور تک گیا لیکن
آرزو لوٹ کر نہیں آئی

عبد الحمید عدم

 

[حسرت جاوید]

جہاں گلشن وہاں گل ہے جہاں گل ہے وہاں بو ہے
جہاں الفت وہاں میں ہوں جہاں میں ہوں وہاں تو ہے

قدر بلگرامی

 

[حسرت جاوید]

کوئی زمین ہے تو کوئی آسمان ہے
ہر شخص اپنی ذات میں اک داستان ہے

کرامت علی کرامت

 

[شمشاد]

دل کو بھی غم کا سلیقہ نہ تھا پہلے پہلے
اس کو بھی بھولنا اچھا لگا پہلے پہلے
کشور ناہید

 

[حسرت جاوید]

بات چاہے بے سلیقہ ہو کلیمؔ
بات کہنے کا سلیقہ چاہئے

کلیم عاجز

 

[حسرت جاوید]

تمہاری سادہ لوحی سے مجھے بس یہ شکایت ہے
ملا جو راہ زن، اُس کو بھی تم نے راہبر جانا

یہ ویرانی، ادھورے خواب، ملبہ آرزوؤں کا
دلِ برباد کو اجڑا ہوا ہم نے کھنڈر جانا

سلیقہ ہم نے سیکھا ایک پروانے سے جینے کا
اجل کی لو پہ رقصِ زیست کرنا اور مر جانا

سعید سعدی

 

[شمشاد]

محبت کی سزا ترک محبت
محبت کا یہی انعام بھی ہے
وامق جونپوری

 

[حسرت جاوید]

ہر ایک چیز کی دنیا میں حد مقرر ہے
مگر یہ رنج زمانہ کا بے حساب رہا

فضل الرحمٰن

 

[حسرت جاوید]

نظر پر بار ہو جاتے ہیں منظر
جہاں رہیو وہاں اکثر نہ رہیو

جون ایلیا

 

[حسرت جاوید]

دل جہاں لے جائے دل کے ساتھ جانا چاہیئے
اس سے بڑھ کر اور کوئی رہنما ہوتا نہیں

جمیل یوسف

 

[حسرت جاوید]

گن رہا ہوں حرف ان کے عہد کے
مجھ کو دھوکا دے رہی ہے یاد کیا

عزیز حیدرآبادی