آپ کے پسندیدہ اشعار!

[حسرت جاوید]

آ میرے پاس اور کبھی اس طرح چمک
میرے بدن سے بھی ترا سایا طلوع ہو

افسر جمشید

 

[گُلِ یاسمیں]

دنیا والوں نے چاہت کا مجھ کو صلا انمول دیا
پیروں میں زنجیریں ڈالیں ہاتھوں میں کشکول دیا
شکیب جلالی

 

[شمشاد]

یوں محبت سے نہ دے میری محبت کا جواب
یہ سزا سخت ہے تھوڑی سی رعایت کر دے
ظفر اقبال

 

[حسرت جاوید]

اب مجھے کون جیت سکتا ہے
تو مرے دل کا آخری ڈر تھا

شارق کیفی

 

[حسرت جاوید]

ہم نے اکثر تمہاری راہوں میں
رک کر اپنا ہی انتظار کیا

گلزار

 

[حسرت جاوید]

وہ کیا گئے کہ نیند بھی آنکھوں سے لے گئے
یعنی کہ خواب میں بھی نہ آئے تمام رات

 

[حسرت جاوید]

سو گئے لوگ اس حویلی کے
ایک کھڑکی مگر کھلی ہے ابھی

ناصر کاظمی

 

[حسرت جاوید]

کرنے گئے تھے اس سے تغافل کا ہم گلہ
کی ایک ہی نگاہ کہ بس خاک ہو گئے

مرزا غالب

 

[حسرت جاوید]

تمہاری یاد ہے ماتم کناں ابھی مجھ میں
تمہارا درد ابھی تک سیہ لباس میں ہے

فوزیہ رباب

 

[سیما علی]

تھا منیرؔ آغاز ہی سے راستہ اپنا غلط
اس کا اندازہ سفر کی رائیگانی سے ہوا

 

[سیما علی]

زمیں کے گرد بھی پانی زمیں کی تہہ میں بھی
یہ شہر جم کے کھڑا ہے جو تیرتا ہی نہ ہو

 

[شمشاد]

مل کے ہوتی تھی کبھی عید بھی دیوالی بھی
اب یہ حالت ہے کہ ڈر ڈر کے گلے ملتے ہیں

 

[علی وقار]

رفاقتوں کے نئے خواب خوش نما ہیں مگر
گزر چکا ہے ترے اعتبار کا موسم (پروین شاکر)

 

[سیما علی]

سُلگ رہی ہیں نہ جانے کس آنچ سے آنکھیں
نہ آنسوؤں کی طلب ہے نہ رتجگوں کی جلن

 

[علی وقار]

رفاقتوں کے نئے خواب خوش نما ہیں مگر
گزر چکا ہے ترے اعتبار کا موسم (پروین شاکر)

محترمہ سیما علی بقلم خود، ذاتی حیثیت میں، تشریف لائیں اور بتلائیں، سمجھائیں اور آگاہ فرمائیں کہ اس شعر کو پُرمزاح کی درجہ بندی سے کیوں سرفراز کیا گیا؟

 

[سیما علی]

محترمہ سیما علی بقلم خود، ذاتی حیثیت میں، تشریف لائیں اور بتلائیں، سمجھائیں اور آگاہ فرمائیں کہ اس شعر کو پُرمزاح کی درجہ بندی سے کیوں سرفراز کیا گیا؟

بہت معذرت بھیا غلطی سے
تدوین کر دی ۔۔۔

 

[علی وقار]

بہت معذرت بھیا غلطی سے

 

[سیما علی]

اُنگلی پھر اُنگلی ہے بے ارادہ لگ گئی ہوگی ۔۔۔۔۔۔۔

 

[علی وقار]

اُنگلی پھر اُنگلی ہے بے ارادہ لگ گئی ہوگی ۔۔۔۔۔۔۔

 

[شمشاد]

اے ہوا تو ہی اسے عید مبارک کہیو
اور کہیو کہ کوئی یاد کیا کرتا ہے
تری پراری