آپ کے پسندیدہ اشعار!

[سیما علی]

میں نے کہا کہ دعوئ الفت مگر غلط
کہنے لگے کہ ہاں غلط اور کس قدر غلط

 

[یاسر شاہ]

تصورات کی پرچھائیاں ابھرتی ہیں

تمھارے گھر میں قیامت کا شور برپا ہے
محاذ جنگ سے ہرکارہ تار لایا ہے
کہ جس کا ذکر تمھیں زندگی سے پیارا تھا
وہ بھائی نرغہء دشمن میں کام ایا ہے

تصورات کی پرچھائیاں ابھرتی ہیں

ساحر لدھیانوی

 

[یاسر شاہ]

کجی اس کی جو میں جتانے لگا
مجھے سیدھیاں وہ سنانے لگا

از انتخاب میر

 

[یاسر شاہ]

پریشاں ہیں اس وقت میں نیک و بد
موا جو کوئی وہ ٹھکانے لگا

از انتخاب میر

 

[یاسر شاہ]

نہیں رہتے عاقل علاقے بغیر
کہیں میر دل کو دوانے لگا
از انتخاب میر

 

[گُلِ یاسمیں]

چلو اسی سے کہیں دل کا حال جو بھی ہو
وہ چارہ گر تو ہے اس کو خیال جو بھی ہو
اسی کے درد سے ملتے ہیں سلسلے جاں کے
اسی کے نام لگا دو ملال جو بھی ہو

احمد فراز

 

[گُلِ یاسمیں]

خاموش ہیں اس طرح وہ جیسے
میں نے کسی اور کو پکارا
احساس ملا ہے سب کو لیکن
چمکا ہے کوئی کوئی ستارا

باقی صدیقی

 

[گُلِ یاسمیں]

جنگل کے سناٹے سے کچھ نسبت تو ہے
شہر کے ہنگامے میں پھرتا کون اکیلا

 

[یاسر شاہ]

حاصل بجز کدورت اس خاکداں سے کیا ہے
خوش وہ کہ اٹھ گئے ہیں داماں جھٹک جھٹک کر
میر

 

[سیما علی]

فیض آتے ہیں رہِ عشق میں جو سخت مقام
آنے والوں سے کہو ہم تو گزر جائیں گے

 

[سیما علی]

جو روشنی نہیں ہوتی نہ ہو بلا سے مگر
سروں سے جبر کا سورج کبھی ڈھلے تو سہی

 

[سیما علی]

شاید مجھے کسی سے محبت نہیں ہوئی
لیکن یقین سب کو دلاتا رہا ہوں میں
کل دوپہر عجیب سے ایک بے کلی رہی
بس تیلیاں جلا کے بجھاتا رہا ہوں میں

(جون ایلیا)

 

[ہانیہ]

پیرو کاری چاپلوسی کالے دھن کا زور ہے

کوئی رشوت خور ہے تو کوئی آدم خور ہے

اک سے بڑھ کر ایک چالو ہے جہاں میں آج کل

باپ انڈا چور ہے تو بیٹا مرغی چور ہے

پاگل عادل آبادی

 

[ہانیہ]

زمانہ یہ آ گیا ہے رہبرؔ کہ اہل بینش کو کون پوچھے

جمے ہیں مکار کرسیوں پر دکھا رہے ہیں گنوار آنکھیں

جتیندر موہن سنہا رہبر

 

[علی وقار]

ایک سائے کی طلب میں زندگی پہنچی یہاں
دور تک پھیلا ہوا ہے مجھ میں منظر دھوپ کا

طفیل چترویدی

 

[گُلِ یاسمیں]

کر کر کے منتیں تیری عادت بگاڑ دی
دانستہ ہم نے تجھے ستمگر بنا دیا

 

[لاريب اخلاص]

اگرچہ زور ہواؤں نے ڈال رکھا ہے
مگر چراغ نے لو کو سنبھال رکھا ہے
احمد فراز

 

[لاريب اخلاص]

وہ تو خوش بو ہے ہواؤں میں بکھر جائے گا
مسئلہ پھول کا ہے پھول کدھر جائے گا
پروین شاکر

 

[لاريب اخلاص]

اس کو رخصت تو کیا تھا مجھے معلوم نہ تھا
سارا گھر لے گیا گھر چھوڑ کے جانے والا
ندا فاضلی

 

[شمشاد]

اپنی ہی ذات کے محبس میں سمانے سے اٹھا
درد احساس کا سینے میں دبانے سے اٹھا
عبید الرحمان