آپ کے پسندیدہ اشعار!

[سیما علی]

کوئی شکوہ ہی نہیں اور کسی سے مجھ کو
یہ مری جاں تو صباؔ خود کی ستائی ہوئی ہے

 

[سیما علی]

تبدیلی سچائی ہے اس کو مانتے لیکن کیسے
آئینے کو دیکھ کے اک تصویر پرانی کہتے
آنس معین

 

[سیما علی]

سب نے ایسا سوچ لیا منزل آساں ہو جائے گی
شائستہؔ جو راہ چلے اس راہ گزر تک جائیں گے
شائستہ جمال

 

[سیما علی]

زندہ ہوں تو مجھے بتائیں نیلے ہونٹوں والے لوگ
میرا کیسا رنگ کرے گی بات جو میں نے پی لی ہے

ممکن ہے اب وقت کی چادر پر میں کروں رفو کا کام
جوتے میں نے گانٹھ لیے ہیں گدڑی میں نے سی لی ہے
عباس تابش

 

[سیما علی]

اس سے کہنا کہ وہ ساون میں نہ گھر سے نکلے
حافظہ عشق کا سانپوں کی طرح ہوتا ہے

اس کی آنکھوں میں امڈ آتے ہیں آنسو تابشؔ
وہ جدا چاہنے والوں کی طرح ہوتا ہے
عباس تابش

 

[سیما علی]

ہم جو کہنا چاہتے ہیں کیا کہیں
آپ کہہ لیجے جو کہنا چاہیئے

بات چاہے بے سلیقہ ہو کلیمؔ
بات کہنے کا سلیقہ چاہیئے
کلیم عاجز

 

[سیما علی]

آج تک اپنی جگہ دل میں نہیں اپنے ہوئی
یار کے دل میں بھلا پوچھو تو گھر کیوں کر کریں
آتش

 

[سیما علی]

جس سمت بھی دیکھوں نظر آتا ہے کہ تم ہو
اے جانِ جہاں یہ کوئی تم سا ہے کہ تم ہو
احمد فراز

 

[سیما علی]

خودی کا سر نہاں لا الہ الا اللہ
خودی ہے تیغ فساں لا الہ الا اللہ
حضرت علامہ اقبالؒ

 

[سیما علی]

امید وصل نے دھوکے دئیے ہیں اس قدر حسرت
کہ اس کافر کی ‘ہاں’ بھی اب ‘نہیں’ معلوم ہوتی ہے
چراغ حسن حسرت

 

[سیما علی]

ہر تمنا دل سے رخصت ہو گئ
اب تو آجا اب تو خلوت ہو گئ
عزیز الحسن مجذوب

 

[سیما علی]

دینا وہ اُس کا ساغرِ مئے یاد ہے نظام
منہ پھیر کر اُدھر کو اِدھر کو بڑھا کے ہاتھ
نظام رام پوری

 

[سیما علی]

فسانے اپنی محبت کے سچ ہیں، پر کچھ کچھ
بڑھا بھی دیتے ہیں ہم زیب داستاں کے لئے
شیفتہ

 

[سفیان عطاری]

جھونپڑی والوں کی تقدیر
بجھا بجھا سا ایک دیا

ناصر کاظمی

 

[سفیان عطاری]

ہر چند غم بھی تھا مگر احساسِ غم نہ تھا
درماں نہ تھا تو ماتمِ درماں نہ تھا کبھی

ناصر کاظمی

 

[سفیان عطاری]

مٹی مٹی سی امیدیں تھکے تھکے سے خیال
بجھے بجھے سے نگاہوں میں غم کے افسانے

ناصر کاظمی

 

[سیما علی]

کب اشک بہانے سے کٹی ھے شب ہجراں
کب کوئی بلا صرف دعاؤں سے ٹلی ھے
۔۔۔۔۔۔۔۔۔۔۔۔۔
نوابزادہ نصراللہ خان

 

[سیما علی]

دل مرحوم کو خدا بخشے
بڑی رونق لگائے رکھتا تھا

جون ایلیا

 

[لاريب اخلاص]

وہ مجھ کو چھوڑ کے جس آدمی کے پاس گیا

برابری کا بھی ہوتا تو صبر آ جاتا
پروین شاکر

 

[لاريب اخلاص]

دل مرحوم کو خدا بخشے
بڑی رونق لگائے رکھتا تھا

جون ایلیا

خوب !