آپ کے پسندیدہ اشعار!

[گُلِ یاسمیں]

کسی کے درد محبت نے عمر بھر کے لئے
خدا سے مانگ لیا انتخاب کر کے مجھے

 

[سحر کائنات]

انا کے ستونوں پہ ،خود غرضی کے محل کھڑے ہیں

احساس کی قبروں پہ انسانیت ہے نوحہ کناں۔۔۔

فی البدیہ

 

[شمشاد]

مدت ہوئی کہ زندہ ہوں دیکھے بغیر اسے
وہ شخص میرے دل سے اتر تو نہیں گیا
جاوید نسیمی

 

[سیما علی]

اس دورِ ترقی میں ہم نے یہ کمی پائی
کترا کہ گزرتے ہیں برسوں کے شناسائی
پیر نصیر الدین نصیر

 

[سیما علی]

دکھ ہی ایسا تھا کہ محسنؔ ہوا گم سم ورنہ
غم چھپا کر اسے ہنستے ہوئے اکثر دیکھا

 

[سیما علی]

کر رہا تھا غم جہاں کا حساب
آج تم یاد بے حساب آئے
فیض احمد فیض

 

[سیما علی]

ساری دنیا کے غم ہمارے ہیں
اور ستم یہ کہ ہم تمہارے ہیں
جون ایلیا

 

[سیما علی]

اپنے چہرے سے جو ظاہر ہے چھپائیں کیسے
تیری مرضی کے مطابق نظر آئیں کیسے
وسیم بریلوی

 

[شمشاد]

چپ چاپ سنتی رہتی ہے پہروں شب فراق
تصویر یار کو ہے مری گفتگو پسند
داغؔ دہلوی

 

[سیما علی]

ﺷﺎﻡ ﮐﮯ ﺳﺎﻧﻮﻟﮯ ﭼﮩﺮﮮ ﮐﻮ ﻧﮑﮭﺎﺭﺍ ﺟﺎﺋﮯ
ﮐﯿﻮﮞ ﻧﮧ ﺳﺎﻏﺮ ﺳﮯ ﮐﻮﺋﯽ ﭼﺎﻧﺪ ﺍﺑﮭﺎﺭﺍ ﺟﺎﺋﮯ

 

[سیما علی]

جمع کرتے ہو کیوں رقیبوں کو
اک تماشا ہوا گلہ نہ ہوا

 

[سیما علی]

جلوہ از بس کہ تقاضائے نگہ کرتا ہے
جوہر آئنہ بھی چاہے ہے مژگاں ہونا

 

[سیما علی]

ہوئی مدت کہ غالبؔ مر گیا پر یاد آتا ہے
وہ ہر اک بات پر کہنا کہ یوں ہوتا تو کیا ہوتا

 

[سیما علی]

پاتا ہوں اس سے داد کچھ اپنے كلام کی
روح القدس اگرچہ میرا ہَم زُبان نہیں

 

[سیما علی]

غم اگرچہ جاں گسل ہے پہ کہاں بچیں کہ دل ہے
غم عشق گر نہ ہوتا غم روزگار ہوتا

 

[سیما علی]

اے ربِ جہاں پنجتن پاک کا صدقہ
اس قوم کا دامن غم ِ شبیر سے بھر دے
محسن نقوی

 

[سیما علی]

تیرے آستاں کو بھی رنگ دوں، تیری داستاں کو بھی رنگ دوں
میرے پاس خونِ جگر تو ہے، مگر اتنا خونِ جگر نہیں!
– کلیم عاجز

 

[شمشاد]

شہر کی گلیوں میں گہری تیرگی گریاں رہی
رات بادل اس طرح آئے کہ میں تو ڈر گیا
منیر نیازی

 

[علی وقار]

عتابِ اہلِ جہاں سب بھلا دیے لیکن
وہ زخم یاد ہیں اب تک جوغائبانہ لگے!

ناصر کاظمی

 

[شمشاد]

اتنا تو بتا جاؤ خفا ہونے سے پہلے
وہ کیا کریں جو تم سے خفا ہو نہیں سکتے
اسد بھوپالی