آپ کے پسندیدہ اشعار!

[سیما علی]

ابھی سے پاؤں کے چھالے نہ دیکھو
ابھی یارو سفر کی ابتدا !!!!!ہے
اعجاز رحمانی

 

[سیما علی]

فطرت کے تقاضے کبھی بدلے نہیں جاتے
خوشبو ہے اگر وہ تو بکھرنا ہی !!!پڑے گا

 

[سحر کائنات]

رُوح سے چھیلے ہوئے جسم جہاں بکتے ہیں
ہم کو بھی بیچ دے ہم بھی اُسی بازار سے ہیں

گلزار

کمال

 

[یاسر شاہ]

کچھ خانماں برباد تو سائے میں کھڑے ہیں
اس دور کے انساں سے تو یہ پیڑ بڑے ہیں
رسا چغتائی

 

[سیما علی]

کچھ خانماں برباد تو سائے میں کھڑے ہیں
اس دور کے انساں سے تو یہ پیڑ بڑے ہیں
رسا چغتائی

بہت اعلیٰ

 

[یاسر شاہ]

میں کیا بھلا تھا یہ دنیا اگر کمینی تھی
در_کمینگی پر چوب دار میں بھی تھا
ساقی فاروقی

 

[یاسر شاہ]

ایک لڑکا باغ کی دیوار پر
ایک بوڑھا ہاتھ پتھر کی طرف
رسا چغتائی

 

[سیما علی]

شمع اور شاعر
زندگی قطرے کی سکھلاتی ہے اسرارِ حیات
یہ کبھی گوہر، کبھی شبنم، کبھی آنسو ہُوا
علامہ اقبال رح

 

[سیما علی]

آنکھ جو کچھ دیکھتی ہے، لب پہ آ سکتا نہیں
محوِ حیرت ہوں کہ دنیا کیا سے کیا ہو جائے گی
علامہ اقبال

 

[محمد وارث]

کبھی تو صُبح ترے کُنجِ لب سے ہو آغاز
کبھی تو شب سرِ کاکل سے مُشکبار چلے
فیض

 

[علی وقار]

رونے کے بھی آداب ہوا کرتے ہیں فانی ؔ
یہ اُن کی گلی ہے ، تِرا غم خانہ نہیں ہے!

فانی بدایونی

 

[سحر کائنات]

دوسرا کوئی ہنر تھا ہی نہیں میرے پاس
میں محبت سے محبت ہی کما سکتا تھا

 

[سحر کائنات]

مجھے موسم سے کیا لینا نومبر ہو دسمبر ہو

میرے سب رنگ تم سے ہیں بہاروں کے خزاؤں کے

 

[سحر کائنات]

میں تیرے ذکر کے زنداں میں مقید ہو کر
اک دیوان سخن ،ایسا قلم بند کروں۔۔۔
جو سنے اس میں تیری دید کی خواہش جاگے
جو پڑھے، تیری اسیری کے بہانے ڈھونڈے

 

[سحر کائنات]

کہانی میری رودادِ جہاں معلوم ہوتی ہے
جو سُنتا ہے اُسی کی داستاں معلوم ہوتی ہے

سیماؔب اکبر آبادی 🖊️

 

[سیما علی]

طلب مدعا ہوس ناروا جو کبھی کچھ کہا وہ ہوئے بے مزہ
وہ بجائے جزا سخن ناسترا شجر حرص کا ثمر خام تھا
آرزو لکھنوی

 

[سیما علی]

ظلمات کے جھرمٹ ویسے تو بجلی کی چمک سے ڈرتے ہیں
پر بات اگر کچھ بڑھ جائے تاروں سے سبو ٹکرا دینا
عبدالحمید عدم

 

[سیما علی]

عبث ہے بوند کا چوکا اگر گھڑے ڈھلکائے
ہمیشہ نقد میں وارا ہے یاں ادھار میں لوٹ
حبیب موسوی

 

[سیما علی]

قلبِ مضطر کو کہیں تیرے سوا چین نہیں
بھر گئی اب تو زمانے سے طبیعت میری

حضرت حیرت شاہ وارثی
نقشِ حیرت

 

[سیما علی]

اثر اک عمر گزری ہے میری تنہائی کے ہمراہ
میری آنکھوں میں ہے تصویر اب تک دشتِ ویراں کی
شاہ عالم اثر