آپ کے پسندیدہ اشعار!

[La Alma]

وہ جگنو ہو ، ستارہ ہو ، کہ آنسو
اندھیرے میں سبھی مہتاب سے ہیں
(اختر شاہجان پوری)

 

[علی وقار]

میں نے ایک اور بھی محفل میں انہیں دیکھا ہے
یہ جو تیرے نظر آتے ہیں، یہ سب تیرے نہیں

(افتخار عارف)

 

[علی وقار]

آغوشِ گل کشودہ برائے وداع ہے
اے عندلیب چل کہ چلے دن بہار کے
(اسد اللہ خاں غالب)

 

[یاسر شاہ]

زندگی بھر تو نہیں مانی کوئی آپ کی بات
آپ کے جوتے اٹھا لیتا ہوں لائیں حضرت

 

[سیما علی]

وصل کے سلسلے تو کیا اب تو
ہجر کے سلسلے ہیں بے معنی

کوئی رشتہ ہی جب کسی سے نہیں
دل کے سارے گلے ہیں بے معنی
جون ایلیا

 

[سیما علی]

پاس رہ کر جدائی کی تجھ سے
دور ہو کر تجھے تلاش کیا
میں نے تیرا نشان گم کر کے
اپنے اندر تجھے تلاش کیا
جون

 

[یاسر شاہ]

کیوں فون کیا امی جی !سب خیر تو ہے نا؟
مرنے میں ابھی آپ کے کچھ دیر تو ہے نا؟

 

[یاسر شاہ]

ایک ہی گھر کے رہنے والوں کو
یاد اک دوسرے کی آتی ہے

 

[سیما علی]

 

[سیما علی]

آج کے توازن کا پیمانہ بہت مختلف ھے- صدمہ اس بات کا بھی ھے معاشرے میں تبدیلی اور انصاف کے نام پر جو جھوٹ اور بہتان عام ھو چکا ھے ایسا تو کبھی سوچا بھی نہیں تھا- کیا بچہ کیا بزرگ بغیر تصدیق اور تحقیق الف لیلیٰوی معیار کے بہتان لوگوں پہ لگانا باعث ثواب سمجھتا ہے- کرشن بہاری نور کا یہ شعر دن میں کئی مرتبہ پڑھتے ہیں صبر و سمجھ دونوں کیلے؀

سچ گھٹے یا بڑھے تو سچ نہ رھے
جھوٹ کی کوی انتہا ھی نہیں

 

[یاسر شاہ]

زبردست -ما شاء الله کیا خطاطی ہے -

 

[یاسر شاہ]

افسوس صد افسوس

افسوس صد افسوس پہ اقبال یاد آگئے

افسوس صد افسوس کہ شاہیں نہ بنا تو
دیکھے نہ تری آنکھ نے فطرت کے اشارات!
تقدیر کے قاضی کا یہ فتویٰ ہے ازل سے
ہے جرم ضعیفی کی سزا مرگ مفاجات

 

[سیما علی]

تو نے صورت نہ دکھائی تو یہ صورت ہوگی
لوگ دیکھیں گے تماشا ترے دیوانے کا

 

[سیما علی]

پلکوں سے جن کو جلتے زمانوں نے چن لیا
وہ پھول، اس روش پہ، ترے نقشِ پا کے ہم

 

[سیما علی]

شعار اپنا ہی جس کا بہانہ سازی تھا
وہ میرے جھوٹ سے خوش تھا نہ سچ پہ راضی تھا

 

[یاسر شاہ]

مجھ کو میرے سارے کھلونے لا کے دو میں کیا جانوں
کیسی جوانی، کس کی جوانی، میں ہوں اپنے بچپن کا

جیم۔الف

 

[علی وقار]

رُوح سے چھیلے ہوئے جسم جہاں بکتے ہیں
ہم کو بھی بیچ دے ہم بھی اُسی بازار سے ہیں

گلزار

 

[علی وقار]

بڑا عظیم مصور تھا ڈوبتا سورج
شفق کے رنگ مگر بجھتے روزنوں میں نہ تھے

توصیف تبسم

 

[علی وقار]

آج پندارِ تمنّا کا فسُوں ٹوٹ گیا !
چند کم ظرف گِلے نوکِ زبان تک پہنچے

اقبال عظیم

 

[شمشاد]

جن کے ہونٹوں پہ ہنسی پاؤں میں چھالے ہوں گے
ہاں وہی لوگ تمہیں چاہنے والے ہوں گے
پرواز جالندھری