آپ کے پسندیدہ اشعار!

[سیما علی]

اس اک خیال سے چن چن کے رکھ لئے کانٹے
نہ جانے ان کو ٹھاکانہ ملے ملے نہ ملے

مسعود قاضی ڈلس ٹکساس

 

[سیما علی]

انشا جی کیا عذ ر ہے تم کو، نقدِ دل وجاں نذر کو
روپ نگر کے ناکے پر تو لگتا ہے محصول میاں

 

[سیما علی]

یہ ایک میلہ ھے وعدہ کسی سے کیا لے گا
ڈھلے گا دن تو ھر اک اپنا راستہ لے گا
وسیم بریلوی

 

[سیما علی]

یہ ہجومِ غم، یہ اندوہ و مصیبت دیکھ کر
اپنی حالت دیکھتا ہوں اُن کی صورت دیکھ کر
جگر مرادآبادی

 

[سیما علی]

اے خدا کس کے لیئے ہے ترے دوزخ کا عذاب
تیرا شہکار تو فی النار نہیں ہو سکتا
احمد ندیم قاسمی

 

[سیما علی]

رات ھم خانہ خرابوں کا برم رکھ لیتی
روشنی رھتے میں مھمان کو گھر کیا لائے

پروین شاکر

 

[سحر کائنات]

وُسعتِ عِشق مِیں______، تنگ دِلی کا یہ عالم
اِک چاہنا، فَقَط اُسی کو چاہنا، پِھر کُچھ نہ چاہنا

 

[سحر کائنات]

ایک چہرہ ہے ، جِسے دیکھ کے لمحہ بھر کو
دِل ٹھہر جاتا ہے ، میں آپ دھڑَک جاتا ہُوں
عمیر نجمی

 

[سحر کائنات]

سوچوں تو ایک پل کا سفر ہے یہ زندگی۔۔۔

چلنے کی ٹھان لوں تو مسافت بھی کم نہیں۔۔۔۔ 🥀

 

[سحر کائنات]

اے عشق!اب بھی کوئی خراج باقی ہے کیا؟؟

وار دئیے جان ودل ،لٹا دی اپنی خودی ہم نے

سحر کائنات

 

[علی وقار]

عمر جوں جوں بڑھتی ہے اور گھٹتی جاتی ہے
سانس جو بھی آتا ہے لاش بن کے جاتا ہے۔

شاعر کا نام معلوم نہیں اگر کسی صاحب کے علم میں ہو تو ضرور بتائیے گا۔

عشق کے مراحل میں وہ بھی وقت آتا ہے
آفتیں برستی ہیں دل سکون پاتا ہے

آزمائشیں اے دل سخت ہی سہی لیکن
یہ نصیب کیا کم ہے کوئی آزماتا ہے

عمر جتنی بڑھتی ہے اور گھٹتی جاتی ہے
سانس جو بھی آتا ہے لاش بن کے جاتا ہے

آبلوں کا شکوہ کیا ٹھوکروں کا غم کیسا
آدمی محبت میں سب کو بھول جاتا ہے

کارزار ہستی میں عز و جاہ کی دولت
بھیک بھی نہیں ملتی آدمی کماتا ہے

اپنی قبر میں تنہا آج تک گیا ہے کون
دفتر عمل عامرؔ ساتھ ساتھ جاتا ہے

عامر عثمانی

 

[علی وقار]

ترک وطن تو سنت بھی تھی اور ہماری قسمت بھی
ہجرت پر مجبور نہیں تھے --------- مامور تھے ہم

سرشار صدیقی

 

[سحر کائنات]

کسی کے واسطے پاؤں کی خاک ہیں ہم لوگ
کسی کے واسطے سارا جہان ہوتے ہیں!

میثم علی آغا

 

[نوید احمَد]

ہجوم آرزو سے شہر دل آباد کرتے ہیں
ہم اپنی خاک اپنے ہاتھ سے برباد کرتے ہیں
(حفیظ جالندھری)

 

[وجی]

اِسی لئے تو جو لکھا تپاک جاں سے لکھا
جب ہی تو لوچ کماں کا ، زبان تیر کی ہے
محاصرہ - احمد فراز

 

[سحر کائنات]

پیار رتیّ بھر بھی بھاری ہے
نفرت بے شک تولہ ہو۔۔۔

 

[سحر کائنات]

ہَم اپنے آپ میں ہیں ایک محفل!

جب چاہا سَجالی، جب چاہا تَخْلِیَہ!

 

[نوید احمَد]

سوئے ہوئے ہیں لوگ تو ہوں گے سکون سے
ہم جاگنے کا روگ لگائیں کسی کو کیا
(حبیب جالب)

 

[سحر کائنات]

بیزار پھر رہے ہیں سب اپنی حیات سے"
" لیکن سبھی کو چاہیئے عمر دراز بھی"
ناصر کاظمی

 

[سحر کائنات]

تجھ سے بچھڑیں گے تو ہجر کی پہلی رات کا ڈر
مجھے قبر کی ہر اک رات سے بھاری لگتا ہے

سحر شعیل