آپ کے پسندیدہ اشعار!

[عطاء اللہ جیلانی]

‏کبھی یک بہ یک توجہ کبھی دفعتاً تغافل
مجھے آزما رہا ہے کوئی رخ بدل بدل کر

شکیل بدایونی

 

[عطاء اللہ جیلانی]

‏مسافر ہے یہاں سارے یہ دنیا اک سفر ہے
یہاں رکنا ہے کتنا جانتا ہوں میں کہاں ہوں

ثاقب کیف

 

[عطاء اللہ جیلانی]

‏نگہ پیدا کر اے غافل تجلی عین فطرت ہے
کہ اپنی موج سے بیگانہ رہ سکتا نہیں دریا

علامہ محمد اقبال رح

 

[سحر کائنات]

اہل علم سے بڑھ کر ہیں اہلِ دل جہاں میں
جیسے لفظوں کی اصل تاثیر ہے لہجہ۔۔۔۔

سحر کائنات

 

[سیما علی]

اب یاد رفتگاں کی بھی ہمت نہیں رہی
یاروں نے کتنی دور بسائ ہیں بستیاں
فراق گو رکھپوری

 

[سیما علی]

اللہ کرے، میرؔ کا جنت میں مکاں ہو
مرحوم نے ہر بات ہماری ہی بیاں کی

ابنِ انشا

 

[سیما علی]

اے حضرتِ ناصح ہمیں الزام نہ دیجے
اس عمر میں کچھ آپ بھی نادان رہے ہیں
قابل اجمیری

 

[سیما علی]

ہر تمنا دل سے رخصت ہو گئی
اب تو آجا اب تو خلوت ہو گئی
عزیز الحسن مجذوب

 

[سیما علی]

دیکھ کر ہر در و دیوار کو حیراں ہونا
وہ میرا پہلے پہل داخل زنداں ہونا
عزیز لکھنوی

 

[سیما علی]

دیکھ آؤ مریض فرقت کو
رسم دنیا بھی ہے، ثواب بھی ہے
حسن بریلوی

 

[سیما علی]

وہ شیفتہ کہ دھوم ہے حضرت کے زہد کی
میں کیا کہوں کہ رات مجھے کس کے گھر ملے
مصطفیٰ خان شیفتہ

 

[سیما علی]

لگا رہا ہوں مضامین نو کے انبار
خبر کرو میرے خرمن کے خوشہ چینوں کو
میر انیس

 

[سیما علی]

اذاں دی کعبے میں، ناقوس دیر میں پھونکا
کہاں کہاں ترا عاشق تجھے پکار آیا
محمد رضا برق

 

[سیما علی]

جانتا ہوں ثواب طاعتِ و زہد
پر طبیعت ادھر نہیں آتی
مرزا غالب

 

[سیما علی]

فکر معاش، عشق بتاں، یاد رفتگاں
اس زندگی میں اب کوئی کیا کیا، کیا کرے
محمد رفیع سودا

 

[سیما علی]

یہ بزم مئے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں وہ جام اسی کا ہے
شاد عظیم آبادی

 

[سیما علی]

شرط سلیقہ ہے ہر اک امر میں
عیب بھی کرنے کو ہنر چاہیئے
میر تقی میر

 

[سیما علی]

شعر میر ےبھی ہیں پر درد و لیکن حسرتؔ
میر کا سا شیوہءِ گفتار کہاں سے لاؤں

حسرت موہانی

 

[سیما علی]

روتے پھر تے ہیں ساری ساری رات
اب یہی روزگار۔ ہے اپنا!!!!!!!!

میر تقی میر

 

[سیما علی]

جب نام ترا لیجیئے تب چشم بھر آوے
اس زندگی کرنے کو کہاں سے جگر آوے

میر تقی میر