آپ کے پسندیدہ اشعار!

[رومی]

پوچھتے ہیں وہ کہ غالبؔ کون ہے

کوئی بتلاؤ کہ ہم بتلائیں کیا
مرزا غالب

 

[شمشاد]

قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو
میاں داد خاں سیاح

 

[سیما علی]

اس امید پہ روز چراغ جلاتے ہیں
آنے والے برسوں بعد بھی آتے ہیں

زہرا نگاہ

 

[سیما علی]

چھوٹی سی بات پہ خوش ہونا مجھے آتا تھا
پر بڑی بات پہ چپ رہنا تمہی سے سیکھا

زہرا نگاہ

 

[شمشاد]

جب سے نکلے ہیں دلوں کے کام میں گھاٹے بہت
ہم حساب دوستاں لکھتے ہیں اب کھاتوں کے بیچ
جاوید شاہین

 

[سیما علی]

دیکھتے دیکھتے اک گھر کے رہنے والے
اپنے اپنے خانوں میں بٹ جاتے ہیں

زہرا نگاہ

 

[شمشاد]

بڑی لمبی مسافت کاٹ کر پہنچا ہے دل تجھ تک
ذرا سی ٹھیس بھی یہ آبلہ اب سہہ نہیں سکتا
احمد جاوید

 

[سیما علی]

سرنگوں مجھ کو دکھاتے ہو بتقریبِ شکست
پھر مری پشت میں خنجر بھی دکھایا جائے

 

[سیما علی]

محبتوں کا سفر کچھ اس طرح بھی گزرا تھا
شکستہ دل تھے مسافر، شکستہ پَائی نہ تھی

 

[سیما علی]

نِگاہ ناز کی معصُومِیت ،ارے توبہ!۔
جو ہم فریب نہ کھاتے تو اور کیا کرتے

عرشؔی بَھوپالی

 

[شمشاد]

بھولے ہیں رفتہ رفتہ انہیں مدتوں میں ہم
قسطوں میں خودکشی کا مزا ہم سے پوچھئے
(خمار بارہ بنکوی)

 

[لاريب اخلاص]

شعر دراصل ہیں وہی حسرتؔ
سنتے ہی دل میں جو اتر جائیں
حسرتؔ موہانی

 

[لاريب اخلاص]

وہ بڑا رحیم و کریم ہے مجھے یہ صفت بھی عطا کرے
تجھے بھولنے کی دعا کروں تو مری دعا میں اثر نہ ہو
بشیر بدر

 

[لاريب اخلاص]

کتنے ناداں ہیں ترے بھولنے والے کہ تجھے
یاد کرنے کے لیے عمر پڑی ہو جیسے
احمد فراز

 

[رومی]

کتنے ناداں ہیں ترے بھولنے والے کہ تجھے
یاد کرنے کے لیے عمر پڑی ہو جیسے
احمد فراز

واہ واہ واہ لاریب تیری پسند

 

[محمد آصف میؤ]

گروہِ عاشقاں۔۔۔۔۔ پکڑا گیا ہے
جو نامہ بر رہے ہیں ڈر رہے ہیں

نا معلوم

میرے علم کے مطابق صابر ظفر صاحِب کا شعر ہے۔

 

[یوسُف]

مرے خدا نے کیا تھا مجھے اسیرِ بہشت
مرے گنہ نے رہائی مجھے دلائی ہے
(احمد ندیم قاسمی)

 

[سیما علی]

آئینہ خود بھی سنورتا تھا ہماری خاطر
ہم ترے واسطے تیار ہوا کرتے تھے
سلیم کوثر

 

[سیما علی]

علاجِ دردِ دل تم سے مسیحا ہو نہیں سکتا
تم اچھا کر نہیں سکتے میں اچھا ہو نہیں سکتا

مضطر خیر آبادی

 

[سیما علی]

سچے موتی چھپائے رکھتے ہیں
ہیں انوکھے سمندروں کے ڈھب