آپ کے پسندیدہ اشعار!

[لاريب اخلاص]

بچھڑا کچھ اس ادا سے کہ رت ہی بدل گئی
اک شخص سارے شہر کو ویران کر گیا
خالد شریف

 

[شمشاد]

ویران تو نہیں شب تاریک کی فضا
ہر سو ہوائے بادہ سے کچھ روشنی تو ہے
شہزاد احمد

 

[لاريب اخلاص]

تیری صورت سے کسی کی نہیں ملتی صورت
ہم جہاں میں تری تصویر لیے پھرتے ہیں
امام بخش ناسخ

 

[شمشاد]

ایک تصویر میں آ بیٹھے ہیں دونوں پہلو
مجھ سے روٹھا ہوا تو تجھ کو مناتا ہوا میں
علی ساجد

 

[لاريب اخلاص]

حشر میں لطف ہو جب ان سے ہوں دو دو باتیں
وہ کہیں کون ہو تم , ہم کہیں مرنے والے
داغ دہلوی

 

[سیما علی]

یہ وقت کِس کی رعونت پہ خاک ڈال گیا
یہ کون بول رہا تھا خدا کے لہجے میں
افتخار عارف

 

[سیما علی]

عرضیاں ساری نظر میں ہیں رجز خوانوں کی
سب خبر ہے ہمیں کیوں کوئی نہیں لکھے گا

 

[سیما علی]

بھٹک رہے تھے خود تیری پیروی میں ہم
جنوں کی راہ چلے ہیں‌، تو آگہی پائی

زرقا مفتی

 

[ہانیہ]

یوں ہی ظالم کا رہا راج اگر اب کے برس

غیرممکن ہے رہے دوش پہ سر اب کے برس

رضا مورانوی

 

[ہانیہ]

سمجھ کے ظلم کرو اے بتو خدا بھی ہے

تمہارے جور و جفا کی کچھ انتہا بھی ہے

جمیلہ خدا بخش

 

[ہانیہ]

یہ ظلم دیکھیے کہ گھروں میں لگی ہے آگ

اور حکم ہے مکین نکل کر نہ گھر سے آئیں

محسن زیدی

 

[ہانیہ]

اے ظلم کے ماتو لب کھولو چپ رہنے والو چپ کب تک

کچھ حشر تو ان سے اٹھے گا کچھ دور تو نالے جائیں گے

فیض احمد فیض

 

[ہانیہ]

دنیا میں قتیل اُس سا منافق نہیں دیکھا
جو ظلم تو سہتا ہے، بغاوت نہیں کرتا،

قتیل شفائی

 

[ہانیہ]

• ترے ہر ایک ستم کا حساب اترے گا
  خدا کا تجھ پہ ستم گر عذاب اترے گا
  جاوید قمر

 

[سیما علی]

ترے سخن نے کہاں سے یہ دلکشی پائی
سکوت میں بھی ترے ہم نے نغمگی پائی

 

[سحر کائنات]

‏آئینہ پھیلا رہا ہے خود فریبی کا مرض....
ہر کسی سے کہہ رہا ہے آپ جیسا کوئی نہیں

 

[علی وقار]

چاند چہرہ وقت نے دھندلا دیا
میں یہ سمجھا مری بینائی گئی

ڈاکٹر بشیر احمد مسعود

 

[سیما علی]

دور تک چاروں طرف میرے سوا کوئی نہ تھا
پھر پلک جھپکی تو کیا دیکھا کہ خود میں بھی نہ تھا

اک تڑپ بجلی کی اور دیوار و در مٹی کے ڈھیر
اک تڑپ شعلے کی اور دریاؤں میں پانی نہ تھا

 

[گُلِ یاسمیں]

قاصدِ شہرِ دل نے مرے خیمۂ خواب میں آ کے مجھ سے کہا جاگ جا
بادشاہِ جنوں نے تجھے آج سے لشکرِ اہلِ غم کی کماں سونپ دی

 

[علی وقار]

؎
ایک لمحے میں سمٹ آیا ہے صدیوں کا سفر
زندگی تیز بہت تیز چلی ہو جیسے