آپ کے پسندیدہ اشعار!

[علی وقار]

یہ بھی کیا کم ہے کہ دونوں کا بھرم قائم ہے
اُس نے بخشش نہیں کی ہم نے گزارش نہیں کی

شاعر: احمد فراز

 

[سیما علی]

محشر میں عذرِ قتل بھی ہے خوں بہا بھی ہے
وہ اک نگاہ جس میں گلہ بھی حیا بھی ہے

 

[منہاج علی]

سوانگ اتنے بھرے کہ بھول گیا
میرا اپنا بھی ایک چہرہ ہے
امید فاضلی

 

[لاريب اخلاص]

فاقوں سے تنگ آئے تو پوشاک بیچ دی
عریاں ہوئے تو شب کا اندھیرا پہن لیا
گرمی لگی تو خود سے الگ ہو کے سو گئے
سردی لگی تو خود کو دوبارہ پہن لیا
بھونچال میں کفن کی ضرورت نہیں پڑی
ہر لاش نے مکان کا ملبہ پہن لیا
بیدلؔ لباس زیست بڑا دیدہ زیب تھا
اور ہم نے اس لباس کو الٹا پہن لیا
بیدل حیدری

 

[لاريب اخلاص]

آدمی کیا وہ نہ سمجھے جو سخن کی قدر کو
نطق نے حیواں سے مشت خاک کو انساں کیا
حیدر علی آتش

 

[لاريب اخلاص]

دلوں کو فکر دوعالم سے کر دیا آزاد
ترے جنوں کا خدا سلسلہ دراز کرے
حسرتؔ موہانی

 

[لاريب اخلاص]

شام پڑتے ہی کسی شخص کی یاد
کوچۂ جاں میں صدا کرتی ہے
پروین شاکر

 

[لاريب اخلاص]

سائے ڈھلنے چراغ جلنے لگے
لوگ اپنے گھروں کو چلنے لگے
امجد اسلام امجد

 

[لاريب اخلاص]

جو روحِ عمرِ رواں تھے کہاں گئے وہ لوگ
ابھی ابھی تو یہاں تھے کہاں گئے وہ لوگ
نامعلوم

 

[سیما علی]

غالب برا نہ مان جو واعظ برا کہے!!!!!!!
ایسا بھی کوئ ہے کہ سب اچھا کہیں جسے
مرزا غالب

 

[لاريب اخلاص]

غالب برا نہ مان جو واعظ برا کہے!!!!!!!
ایسا بھی کوئ ہے کہ سب اچھا کہیں جسے
مرزا غالب

واہ!

 

[سیما علی]

بہت کچھ ہے کرو میر بس
کہ اللہ بس اور باقی ہوس
( میر تقی میر)

 

[سیما علی]

بھانپ ہی لیں گے اشارہ سر محفل جو کیا
تاڑنے والے قیامت کی نظر رکھتے ہیں

 

[سیما علی]

دیکھے جاتے نہ تھے آنسو مرے جس سے محسن
آج ہنستے ہوئے دیکھا اسے اغیار کے بیچ
محسن نقوی

 

[سیما علی]

خدا خبر یہ کوئی ضد کہ شوق ہے محسن
خود اپنی جان کے دشمن سے پیار کرنا ہے

محسن نقوی

 

[سیما علی]

کانٹے تو خیر کانٹے ہیں ان سے گلہ ہے کیا
پھولوں کی واردات سے گھبرا کے پی گیا
ساغر صدیقی

 

[لاريب اخلاص]

ہاتھ رکھ کر وہ اپنے کانوں پر
مجھ سے کہتے ہیں "ماجرا کہیے"
داغ دہلوی

 

[سیما علی]

کہہ تو دیا، اُلفت میں ہم جان کے دھوکا کھائیں گے
حضرتِ ناصح!خیر تو ہے، آپ مجھے سمجھائیں گے؟
ماہر القادری

 

[سیما علی]

کہوں کس سے قصۂ درد و غم، کوئی ہمنشیں ہے نہ یار ہے
جو انیس ہے تری یاد ہے، جو شفیق ہے دلِ زار ہے
اکبر الہ آبادی

 

[سیما علی]

وہ آج بھی صدیوں کی مسافت پہ کھڑا ہے
ڈھونڈا تھا جسے وقت کی دیوار گرا کر!!!!!!