آپ کے پسندیدہ اشعار!

[لاريب اخلاص]

بیمار یاد

اِک یاد بڑی بیمار تھی کل

کل ساری رات اُس کے ماتھے پر

برف سے ٹھنڈے چاند کی پٹی رَکھ رَکھ کے

اِک اِک بوند دِلا سا دے کر

از حد کو شش کی اس کو زندہ رکھنے کی

پو پھٹنے سے پہلے لیکن

آخری ہچکی لے کر وہ خاموش ہوئی
گلزار

 

[سیما علی]

واہ!

بڑی نوازش

 

[لاريب اخلاص]

نہ جاؤں گا تنہا بہشت بریں میں
کہ لے جاؤں گا دل کے اندر کسی کو
داغ دہلوی

 

[سیما علی]

میں سر مقتل حدیث زندگی کہتا رہا!!!!!!
انگلیاں اٹھتی رہیں محسنؔ مرے کردار پر

 

[سیما علی]

عصائے حق ہے میسر نہ تختِ دل محسنؔ!!!!!!!!!!
ہم ایسے لوگ بھی کس سن میں سن رسیدہ ہوئے

محسن نقوی

 

[سیما علی]

یاد ہیں غالب ! تُجھے وہ دن کہ وجدِ ذوق میں
زخم سے گرتا ، تو میں پلکوں سے چُنتا تھا نمک

 

[سیما علی]

یہ بعد میں کُھلے گا کہ کس کس کا خُون ہوا
ہر اِک بیاں ختم، عدالت تمام شُد

 

[سیما علی]

تیری ہی زُلفِ ناز کا اب تک اسیر ہُوں
یعنی کسی کے دام میں آیا نہیں ہنوز
جوش ملیح آبادی

 

[سیما علی]

یاد ہیں غالب ! تُجھے وہ دن کہ وجدِ ذوق میں
زخم سے گرتا ، تو میں پلکوں سے چُنتا تھا نمک

یہ ہمارے دل پر بہت اثر کرتا ہے لاریب بٹیا

 

[سیما علی]

یہ بھی دیکھا ہے کہ جب آ جائے غیرت کا مقام
اپنی سولی اپنے کاندھے پر اٹھا لیتے ہیں لوگ
قتیل شفائی

 

[سیما علی]

یا اس طرح یکلخت اجا لے دیا نہ کر
یک قلم کاغذِ آتش زدہ ہے صفحۂ دشت

 

[سیما علی]

یہ بزم مئے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں وہ جام اسی کا ہے
(شاد عظیم آبادی)

 

[لاريب اخلاص]

جس کی ادا ادا پہ ہو انسانیت کو ناز
مل جائے کاش ایسا بشر ڈھونڈتے ہیں ہم
عاجز ماتوی

 

[لاريب اخلاص]

جنبش لب کی تمہیں بھی ہے اجازت انجمؔ
بات جو پوچھو بہرحال ادب سے پوچھو
انجم عرفانی

 

[سحر کائنات]

میرے مالک نے میرے حق میں یہ احسان کیا
خاک نا چیز تھا میں سو مجھے انسان کیا
میر تقی میر

 

[سیما علی]

تھے ہم تو خود پسند بہت لیکن عشق میں
اب ہے وہی پسند جو ہو یار کو پسند

نظیر اکبر آبادی

 

[سیما علی]

بت خانہ توڑ ڈالیے مسجد کو ڈھائیے
دل کو نہ توڑیئے یہ خدا کا مقام ہے

حیدر علی آتش

 

[لاريب اخلاص]

غالبؔ ہمیں نہ چھیڑ کہ پھر جوش اشک سے
بیٹھے ہیں ہم تہیۂ طوفاں کیے ہوئے
مرزا غالب

 

[علی وقار]

سحر کو رنگ ملا ہے اسی کے صدقے میں
ستون دار پہ ہم نے جو شب گذاری ہے

اعجاز رحمانی

 

[لاريب اخلاص]

حساب عمر کا اتنا سا گوشوارہ ہے
تمہیں نکال کے دیکھا تو سب خسارہ ہے
امجد اسلام امجد