آپ کے پسندیدہ اشعار!

[سیما علی]

پھونکا ہے کس نے گوش محبت میں اے خدا
افسون انتظار تمنا ۔۔۔۔۔۔۔کہیں جسے

کیسی ہیں بٹیا جیتی رہیے بہت دنوں سے بات ہی نہیں ہوئی۔۔۔۔۔

 

[سیما علی]

پھونکا ہے کس نے گوش محبت میں اے خدا
افسون انتظار تمنا ۔۔۔۔۔۔۔کہیں جسے

غالبؔ برا نہ مان جو واعظ برا کہے
ایسا بھی کوئی ہے کہ سب اچھا کہیں جسے

 

[مومن فرحین]

کیسی ہیں بٹیا جیتی رہیے بہت دنوں سے بات ہی نہیں ہوئی۔۔۔۔۔

ٹھیک ہوں اپیا ۔۔۔ بس آپ کی دعاؤں کی ضرورت ہے ۔

 

[سیما علی]

ٹھیک ہوں اپیا ۔۔۔ بس آپ کی دعاؤں کی ضرورت ہے ۔

مالک خوش رکھے ۔چاند سے دولہے میاں آئیں اور ہماری بٹیا راج رجیئں ۔۔۔بہت کامیابیاں حاصل کریں اپنے Professional career میں آمین۔۔

 

[سیما علی]

نظر آتی نہیں اب دل میں تمنا کوئی
بعد مدت کے تمنا مری بر آئی ہے

 

[سیما علی]

آئنہ دیکھ کے خورشید پہ کرتے ہیں نظر
پھر چھپا لیتے ہیں وہ چہرۂ انور اپنا
بیخودؔ دہلوئ

 

[سیما علی]

چاند سے شکوہ بہ لب ہوں کہ سلایا کیوں تھا
میں کہ خورشید جہاں تاب کی ٹھوکر سے اٹھا
مصطفیٰ زیدی

 

[سیما علی]

دیکھا کیے وہ مست نگاہوں سے بار بار
جب تک شراب آئی کئی دور ہو گئے
حسرت موہانی

 

[سیما علی]

کوئی تصویر مکمل نہیں ہونے پاتی
دھوپ دیتے ہیں تو سایا نہیں رہنے دیتے
احمد مشتاق

 

[لاريب اخلاص]

خدا کرے کہ مزہ انتظار کا نہ مٹے
مرے سوال کا وہ دیں جواب برسوں میں
داغ دہلوی

 

[سحر کائنات]

کیا کروں آخر چلانا ہے مجھے کار جہاں

جمع خود کو کر ہی لیتا ہوں بکھر جانے کے بعد

 

[مومن فرحین]

مالک خوش رکھے ۔چاند سے دولہے میاں آئیں اور ہماری بٹیا راج رجیئں ۔۔۔بہت کامیابیاں حاصل کریں اپنے Professional career میں آمین۔۔

جزاک اللّه اپیا ۔۔۔ اللّه تعالیٰ آپ کو صحت و تندرستی سے نوازیں ۔۔

 

[سیما علی]

جزاک اللّه اپیا ۔۔۔ اللّه تعالیٰ آپ کو صحت و تندرستی سے نوازیں ۔۔

بہت سارا پیار اور دعائیں ۔۔۔۔

 

[سیما علی]

میں تو اک گونج میں زندہ ہوں سرِ ِ بزم رضی
جن کو ہونا تھا یہاں نغمہ سرا ہو بھی چکے
خواجہ رضی حیدر

 

[لاريب اخلاص]

میرے حجرے میں نہیں، اور کہیں پر رکھ دو
آسماں لائے ہو ؟ لے آؤ، زمیں پر رکھ دو
میں نے جس طاق پہ کچھ ٹوٹے دئیے رکھے ہیں
چاند تاروں کو بھی لے جا کے وہیں پر رکھ دو
راحت اندوری

 

[علی وقار]

کتابوں سے کبھی گزرو تو یُوں کردار ملتے ہیں
گئے وقتوں کی ڈیوڑھی میں کھڑے کچھ یار ملتے ہیں

جسے ہم دل کا ویرانہ سمجھ کر چھوڑ آئے تھے
وہاں اُجڑے ہوئے شہروں کے کچھ آثار ملتے ہیں

(گلزار)

 

[علی وقار]

یاد ہیں سارے چراغاں ناصر
دل کے بُجھنے کا سبب یاد نہیں

ناصر کاظمی

 

[کاشفی]

اب تو مل جاؤ ہمیں تم کہ تمہاری خاطر
اتنی دور آ گئے دنیا سے کنارا کرتے
(عبید اللہ علیم)

 

[سیما علی]

‏مرے تو فہم سے بالا ہے آدمی کی ذات
‏بشر کو تخت کا منصب بھی بندگی کے ساتھ

‏مجھے ابھی کہاں معلوم آسماں کے راز
‏نئے نئے سے مراسم ہیں روشنی کے ساتھ
‏ڈاکٹر علی ساحر

 

[سیما علی]

شہرتوں پہ اترا کر خود کو جو خدا سمجھیں
‏منظر ایسے لوگوں کی تُربَتیں نہیں ملتیں

‏منظر بھوپالی