آپ کے پسندیدہ اشعار!

[علی وقار]

مجھ پہ ہی ختم ہوا سلسلۂ نوحہ گری
اس قدر گردش ایام پہ رونا آیا / (شکیل بدایونی)

 

[سیما علی]

جاں کنی پیشہ ہو جس کا وہ لہک ہے تیرا
تجھ پہ شیریں ہے نہ خسروؔ کا نہ فرہاد کا حق
عبد الر حمن احسان دہلوی

 

[علی وقار]

اتنی سفاک تھی انا کی جنگ
خود کو خود سے بچا کے لائے ہیں

شاعر: ظہیر احمد ظہیر

 

[صاد الف]

ہمارے دل میں کہیں درد ہے ؟ نہیں ہے نا ؟
ہمارا چہرہ بھلا زرد ہے ؟ نہیں ہے نا ؟

سُنا ہے ہجر میں چہروں پہ دھول اڑتی ہے
ہمارے رخ پہ کہیں گرد ہے ؟ نہیں ہے نا ؟
(افتخار مغل)

 

[علی وقار]

یہ ہے لمحوں کا ایک شہر ازل
یاں کی ہر بات ناگہانی ہے!

(جون ایلیا)

 

[علی وقار]

دل تھا کسی کی یاد میں مصروف اور ہم
شیشے میں زندگی کو اتارے چلے گئے!

شکیل بدایونی

​

 

[شمشاد]

آنکھ سے دور نہ ہو دل سے اتر جائے گا
وقت کا کیا ہے گزرتا ہے گزر جائے گا
احمد فراز

 

[علی وقار]

یہ قیامت تھی یا کرامت تھی
اُس کا جانا، مِرا سنبھل جانا

 

[علی وقار]

موت نے چھین لیا رنگ بھی نم بھی خالدؔ
آنکھ بھی سوکھ گئی ہونٹ بھی نیلے نہ رہے

 

[سیما علی]

ديں مسلک زندگي کي تقويم
ديں سر محمد و براہيم
علامہ محمد اقبال رح

 

[علی وقار]

مدت کے بعد دیکھا عجب اس کا حال ہے
چہرے پہ گہرے غم کی لکیروں کا جال ہے

میں بھی تمہارے ساتھ چلوں گا مسافرو
اس دکھ بھرے دیار میں جینا محال ہے

صیاد تُو نے پاؤں کی زنجیر کھول دی
میں جانتا ہوں یہ بھی کوئی تیری چال ہے

طارق عزیز مرحوم

 

[ظفری]

ہزار طرح کے تھے رنج پچھلے موسم میں
پر اتنا تھا کہ کوئی ساتھ رونے والا تھا
جمال احسانی

 

[سیما علی]

ہزار طرح کے تھے رنج پچھلے موسم میں
پر اتنا تھا کہ کوئی ساتھ رونے والا تھا
جمال احسانی

واہ واہ
جمال احسانی
کی کیا بات ہے

 

[علی وقار]

ادھوری چھوڑ کے تصویر مر گیا وہ زیبؔ
کوئی بھی رنگ میسر نہ تھا لہو کے سوا !

 

[سیما علی]

ہزار طرح کے تھے رنج پچھلے موسم میں
پر اتنا تھا کہ کوئی ساتھ رونے والا تھا
جمال احسانی

ہزار مجھ سے وہ پیمانِ وصل کرتا رہا
پر اس کے طور طریقے مکرنے والے تھے
جمال احسانی

 

[ظفری]

آرزو جرم وفا جرم تمنا ہے گناہ
یہ وہ دنیا ہے جہاں پیار نہیں ہوسکتا
کیسے بازار کا دستور تمہیں سمجھاؤں
بِک گیا جو وہ خریدار نہیں ہوسکتا
( کیفی اعظمی)

 

[ظفری]

زباں پر آ گئے چھالے مگر یہ تو کھلا ہم پر
بہت میٹھے پھلوں کا ذائقہ ایسا بھی ہوتا ہے

 

[لاريب اخلاص]

یہ کب کہا ہے کہ ہر آدمی فرشتہ ہو
ستم تو یہ ہے کہ انسان بھی نہیں ہوتا
ساجد رحیم

 

[لاريب اخلاص]

تم سے بچھڑے تو پھر کھلا ہم پر
لوگ بچھڑیں تو مر نہیں جاتے
جن پہ چلتا نہیں کبھی کوئی
ایسے رستے بھی ہیں کہیں جاتے
چل جدائی تری ضرورت تھی
چھوڑ تفصیل میں نہیں جاتے
ساجد رحیم

 

[لاريب اخلاص]

ایک لمحہ بھی دسترس میں نہیں
کام اک عمر کا پڑا ہوا ہے
ارشد نعیم