اداسی ۔ اشعار

[ڈاکٹر عظیم سہارنپوری]

اداس ہونے سے فائدہ کیا
بتاؤ رونے سے فائدہ کیا

منظر بھوپالی

 

[شمشاد]

مجھ کو اکثر اداس کرتی ہے
ایک تصویر مسکراتی ہوئی
(وکاس شرما راز)

 

[سیما علی]

اداس ہو کسی کی بے وفائی پر!!
وفا کہیں تو کر گئے ہو خوش رہو
فاضل جمیلی

 

[شمشاد]

ہمارے گھر کی دیواروں پہ ناصرؔ
اداسی بال کھولے سو رہی ہے
(ناصر کاظمی)

 

[مومن فرحین]

نہ جانے کیا ہے کسی کی اداس آنکھوں میں
وہ منہ چھپا کے بھی جائے تو بے وفا نہ لگے

فراز

 

[شمشاد]

بس تیرے لیے اداس آنکھیں
اف مصلحت نا شناس آنکھیں
(غالب ایاز)

 

[سیما علی]

اُسی کی باتوں سے ہی طبیعت سنبھل سکے گی
کہیں سے محسن کو ڈھونڈ لاؤ! اُداس لوگو!!!!

 

[سیما علی]

اجاڑ بن کی اداس رت میں غزل تو محسن نے چھیڑ دی ہے
کسے خبر ہے کہ کس کے معصوم دل پہ اب کہ یہ تان ٹوٹے

محسن نقوی

 

[سیما علی]

ایک پل میں زندگی بھر کی اداسی دے گیا!!!
وہ جدا ہوتے ہوئے کچھ پھول باسی دے گیا

محسن نقوی

 

[شمشاد]

ذرا سے تلخ بیانی پسند ہیں پھر بھی
اداس لوگ محبت کمال کرتے ہیں
(بال موہن پانڈے)

 

[سیما علی]

اُتر کے دل میں بھی آنکھیں اُداس لوگوں کی
اسیرِ وہم و رہینِ ہراس کتنی تھیں!!!!!!!!!!!

محسن نقوی

 

[ڈاکٹر عظیم سہارنپوری]

بچھڑ کے مجھ سے تم اپنی کشش نہ کھو دینا
اداس رہنے سے چہرا خراب ہوتا ہے

وسیم بریلوی

 

[ڈاکٹر عظیم سہارنپوری]

یہ اس کا ضبط ہے یا پھرکشش ہے چہرےکی
اداس ہو کے بھی وہ غم زدہ نہیں لگتا

عظیم سہارن پوری

 

[مومن فرحین]

بجھا نہ دے یہ مسلسل اداسیاں دل کو
وہ بات کر کے طبیعت کو تازیانہ لگے

فراز

 

[شمشاد]

دل ایک صدیوں پرانا اداس مندر ہے
امید ترسا ہوا پیار دیو داسی کا
(کرشن موہن)

 

[سیما علی]

سورج کو نکلنا ہی نہ ہو مطلعِٔ شب سے
پھر کس لئے یہ شام اُداس آئی نہیں ہے

آفتاب اقبال شمیم

 

[سیما علی]

کبھی خود کو درد شناس کرو، کبھی آؤ نا!
مجھے اتنا تو نہ اُداس کرو، کبھی آؤ نا!

آفتاب اقبال شمیم

 

[سیما علی]

پڑھا ہے اُس کو بہت ہی قریب سے میں نے
اب اُس کی خندہ لبی کا سبب اُداسی ہے

افتخار راغبؔ

 

[سیما علی]

عبث ہیں کوششیں راغبؔ مجھے ہنسانے کی
کسی کے دَم سے دمک تھی سو اب اُداسی ہے

افتخار راغبؔ

 

[شمشاد]

سونے سونے سے دریچوں سے اداسی جھانکے
کیا عجب خوف ہے چہرے بھی کسی در میں نہیں
(اظہار سلیم)