اداسی ۔ اشعار

[شمشاد]

ہجر میں بھی ہم اداس اتنے نہ تھے
مل کے بچھڑے تو ہوئے جتنے اداس
(عادل فاروقی)

 

[مومن فرحین]

خوشی پر اشعار کی لڑی بننی چاہیے؟ آپ یہ کار خیر شروع کرو تو اچھا لگے گا

اوہ اچھا خیال ہے ۔۔۔ پر کہیں ایسا نہ ہو کہ پہلے سے موجود ہو ۔۔

 

[امامہ ارشاد]

نہ اب وہ یادوں کا چڑھتا دریا نہ فرصتوں کی اداس برکھا
یوں ہی ذرا سی کسک ہے دل میں جو زخم گہرا تھا بھر گیا وہ

وہ ہجر کی رات کا ستارہ وہ ہم نفس ہم سخن ہمارا
صدا رہے اس کا نام پیارا سنا ہے کل رات مر گیا وہ

وہ رات کا بے نوا مسافر وہ تیرا شاعر وہ تیرا ناصرؔ
تری گلی تک تو ہم نے دیکھا تھا پھر نہ جانے کدھر گیا وہ

ناصر کاظمی

 

[نور وجدان]

اوہ اچھا خیال ہے ۔۔۔ پر کہیں ایسا نہ ہو کہ پہلے سے موجود ہو ۔۔

ابھی تک ملی نہیں ہے

 

[مومن فرحین]

نہ اب وہ یادوں کا چڑھتا دریا نہ فرصتوں کی اداس برکھا
یوں ہی ذرا سی کسک ہے دل میں جو زخم گہرا تھا بھر گیا وہ

وہ ہجر کی رات کا ستارہ وہ ہم نفس ہم سخن ہمارا
صدا رہے اس کا نام پیارا سنا ہے کل رات مر گیا وہ

وہ رات کا بے نوا مسافر وہ تیرا شاعر وہ تیرا ناصرؔ
تری گلی تک تو ہم نے دیکھا تھا پھر نہ جانے کدھر گیا وہ

ناصر کاظمی

واہ بہت خوب

 

[شمشاد]

مجھ کو اکثر اداس کرتی ہے
ایک تصویر مسکراتی ہوئی
(وکاس شرما راز)

 

[مومن فرحین]

اکیلی شام بہت ہے اداس کرنے کو
کسی کا نام بہت ہے اداس کرنے کو

 

[جاسمن]

ابھی تک ملی نہیں ہے

مسکراہٹ،قہقہہ،خوشی

 

[مومن فرحین]

مسکراہٹ،قہقہہ،خوشی

ارے واہ آپ نے اسے شروع کر دیا ہے ۔

 

[شمشاد]

اکیلی شام بہت ہے اداس کرنے کو
کسی کا نام بہت ہے اداس کرنے کو

تو نہیں ہے تو مری شام اکیلی چپ ہے
یاد میں دل کی یہ ویران حویلی چپ ہے
(صبیحہ صبا)
----------------------------------------
اداس شام کی یادوں بھری سلگتی ہوا
ہمیں پھر آج پرانے دیار لے آئی
راجیندر منچندا بانی

 

[ڈاکٹر عظیم سہارنپوری]

آس ہے نہ یاس ہے
دل بہت اداس ہے

 

[شمشاد]

جاسمن مجھے آپ سے سخت شکایت ہے۔ آپ آتی ہیں اور نقطہ لگا کر چلی جاتی ہیں۔
نقش پا تو چھوڑ کے جایا کریں۔

 

[شمشاد]

اب اداس پھرتے ہو سردیوں کی شاموں میں
اس طرح تو ہوتا ہے اس طرح کے کاموں میں
(شعیب بن عزیز)

 

[ڈاکٹر عظیم سہارنپوری]

ہم تو کچھ دیر ہنس بھی لیتے ہیں
دل ہمیشہ اداس رہتا ہے

بشیر بدر

 

[جاسمن]

جاسمن مجھے آپ سے سخت شکایت ہے۔ آپ آتی ہیں اور نقطہ لگا کر چلی جاتی ہیں۔
نقش پا تو چھوڑ کے جایا کریں۔

 

[سیما علی]

مجھ کو اکثر اداس کرتی ہے
ایک تصویر مسکراتی ہوئی
(وکاس شرما راز)

واہ بہت خوب!!!!!

 

[شمشاد]

لمحے اداس اداس فضائیں گھٹی گھٹی
دنیا اگر یہی ہے تو دنیا سے بچ کے چل
شکیل بدایونی

 

[جاسمن]

درودیوار اُداسی کا پتہ دیتے ہیں
میرا گھر ہے یا میری ذات کی سچائی ہے

 

[مومن فرحین]

کبھی تو سانحے دل پر گراں نہیں ہوتے
کبھی سلام۔ بہت ہے اداس کرنے کو

نون میم دانش

 

[ڈاکٹر عظیم سہارنپوری]

ذرا سی بات پہ دل یوں اداس ہو تا ہے
کہ اس کی بات پہ جائےکوئی تو مر جائے