اردو زبان کے نادر الاستعمال الفاظ

[حسان خان]

زورق (zauraq) = چھوٹی کشتی

گردابِ دل میں زورقِ گردوں جو غرق ہو
وسعت نہ ہووے اُس کی نیاز ایک ذرہ تنگ
(شاہ نیاز بریلوی)

یا الٰہی زورقِ گردوں سنبھال
بے طرح امڈا ہے یہ طوفانِ اشک
(شاہ نیاز بریلوی)

 

[حسان خان]

عُور (oor') = برہنہ، عریاں

منعم کے پاس قاقم و سنجاب تھا تو کیا
اُس رند کی بھی رات گزر گئی جو عور تھا
(میر تقی میر)

 

[محمد یعقوب آسی]

حرص و آز ۔۔۔ بہت مانوس ترکیب ہے۔

 

[سید عاطف علی]

زورق (zauraq) = چھوٹی کشتی
گردابِ دل میں زورقِ گردوں جو غرق ہو
وسعت نہ ہووے اُس کی نیاز ایک ذرہ تنگ
(شاہ نیاز بریلوی)
یا الٰہی زورقِ گردوں سنبھال
بے طرح امڈا ہے یہ طوفانِ اشک
(شاہ نیاز بریلوی)

زقید و صید ِ نہنگاں حکایتے آور
مگو کہ زورق ما آشنائے دریا نیست۔۔۔۔اقبال

 

[حسان خان]

فاکہہ (faakiha) = پھل، میوہ
جمع = فواکہ (favaakih)
جمع الجمع = فواکہات (favaakihaat)

"میز پر چائے دانیاں اور فواکہات رکھے ہوئے تھے اور وہاں نصیر کے علاوہ گھر کے سارے افراد موجود تھے۔"
(ابنِ صفی، قاتل سنگریزے)

 

[حسان خان]

تدرو (tadarv) = ایک خوش آواز اور خوش رفتار پرندہ

یہ ناز اور کرشمہ کہاں ہے تدرو میں
چلتا ہے جس ادا سے وہ پیارا لٹک لٹک
(میر سوز)

یہ فارسی الاصل لفظ ہے اور فارسی زبان میں اس کا ایک املا 'تذرو' بھی ہے۔

 

[قیصرانی]

تدرو (tadarv) = ایک خوش آواز اور خوش رفتار پرندہ

یہ ناز اور کرشمہ کہاں ہے تدرو میں
چلتا ہے جس ادا سے وہ پیارا لٹک لٹک
(میر سوز)

یہ فارسی الاصل لفظ ہے اور فارسی زبان میں اس کا ایک املا 'تذرو' بھی ہے۔

اسے انگریزی میں فیزنٹ اور اردو میں مرغِ زریں بھی کہا جاتا ہے

 

[سید عاطف علی]

تدرو (tadarv) = ایک خوش آواز اور خوش رفتار پرندہ
یہ ناز اور کرشمہ کہاں ہے تدرو میں
چلتا ہے جس ادا سے وہ پیارا لٹک لٹک
(میر سوز)
یہ فارسی الاصل لفظ ہے اور فارسی زبان میں اس کا ایک املا 'تذرو' بھی ہے۔

زبردست ۔
اے جان پدر نہیں ہےممکن
شاہیں سے تدرو کی غلامی۔۔۔اقبال
ویسے میں اسے ابھی تک چکور سمجھتا تھا ۔ اور میرا تلفظ بھی غلط تھا۔ شکریہ حسان

 

[مہدی نقوی حجاز]

مال و منال تھا جو کچھ ہم ایک جا کیا"

اس مصرعے پر نظر ثانی کیجیے یا تصدیق، وزن سے گر رہا ہے۔ "ہم" کو "ام" کے حکم میں لے لیا گیا کیا؟!!

 

[ابو ہاشم]

پیل ۔ فیل کا مفرّس ہے۔

شاید معاملہ الٹا ہے یعنی فیل پیل کا معرب ہے۔

 

[ابو ہاشم]

ویسے کچھ عرب لوگوں سے میں نے سنا ہے کہ قرآن کریم میں بھی کچھ کلمات اصلاً عجمی (فارسی ) لغات وغیرہ کے موجود ہیں۔ مثلاً ۔ ابریق ۔ کاءس وغیرہ۔

اسی طرح سِجِیل=سنگ+گِل۔یہ لفظ بھی سورت الفیل میں ہے

 

[مہدی نقوی حجاز]

منضجر (munzajir) = بے آرام، دل تنگ، بیزار، بے قرار، آزردہ، ملول

فارسی کا ایک لفظ "زجر" جس سے زجر کشیدن، انضجار کے انہیں مصدری معنوں میں مستعمل ہے۔ کیا ان دونوں میں کوئی ربط ہو سکتا ہے؟

 

[محمد شعیب]

سلم (sullam) اسمِ مذکر = سیڑھی، زینہ، نردبان

رسائی میرے اوجِ فکر تک ہو گی نہ حاسد کو
غرور آگے مرے کرتا ہے کیا تحصیلِ سُلّم کا
(امام بخش ناسخ)

سلم ایک کتاب کا نام ہے جس کی تحصیل ترقی کی علامت سمجھی جاتی تھی۔

 

[ابن توقیر]

لفظ "محیب" کے بارے میں معلومات درکار تھیں،اردو کا ہے یا کس زبان کا؟ کوئی لفظ بھی ہے یا نہیں؟ نئی لڑی بنانے آیا تھا پر اس پر نظر پڑی تو سوچا یہاں ہی پوچھ لیتا ہوں۔​

 

[محمدابوعبداللہ]

زبردست ۔
اے جان پدر نہیں ہےممکن
شاہیں سے تدرو کی غلامی۔۔۔اقبال
ویسے میں اسے ابھی تک چکور سمجھتا تھا ۔ اور میرا تلفظ بھی غلط تھا۔ شکریہ حسان

یہ چکور ہی ہے مرغ زریں مرغ یہ ہے

 

[فاتح]

لفظ "محیب" کے بارے میں معلومات درکار تھیں،اردو کا ہے یا کس زبان کا؟ کوئی لفظ بھی ہے یا نہیں؟ نئی لڑی بنانے آیا تھا پر اس پر نظر پڑی تو سوچا یہاں ہی پوچھ لیتا ہوں۔​

محیب کے متعلق تو نہیں جانتا لیکن "مہیب" اردو میں عام استعمال ہوتا ہے جس کا مطلب ہے ہیبت ناک۔

 

[علی وقار]

تکاسل

مذہبی لٹریچر میں یہ لفظ زیادہ استعمال ہوتا ہے۔

 

[علی وقار]

لفظ "محیب" کے بارے میں معلومات درکار تھیں،اردو کا ہے یا کس زبان کا؟ کوئی لفظ بھی ہے یا نہیں؟ نئی لڑی بنانے آیا تھا پر اس پر نظر پڑی تو سوچا یہاں ہی پوچھ لیتا ہوں۔​

میرے خیال میں یہ لفظ محیب نہیں، مہیب ہو گا۔