اردو محفل کا سکول-(3)

[زینب]

اے لڑکی تمہیں کب عقل آئے گی؟ کتنی دفعہ کہا ہے کہ " استاد جی " کی بجائے ماسٹر جی یا سر جی لکھا کرو۔

ماسٹر جی نئے استاد جی جو سیکھاتے ہیں ہم وہی تو بولتے ہیں نا اب اس غلط بات کے لیے نئے استاد جی کو ڈانٹیں

 

[ماوراء]

شمشاد بھائی، یہاں نہیں آنا کیا؟:doordont:

شمشاد بھائی۔۔۔؟ کیسے ہیں؟

 

[شمشاد]

اور میں نے جو اتنی دفعہ بتایا ہے اس کا اثر کیوں نہیں ہوا؟ نئے ماسٹر جی کا کہا فوراً مان لیا۔

 

[شمشاد]

میں ادھر ہی ہوں ماوراء، آنا ہے ادھر آنا کیوں نہیں۔
تم کیسی ہو؟ اس وقت تو جاب پر ہو گی۔

 

[ماوراء]

میں اچھی ہوں، جی، جاب پر ہوں۔ آجکل زیادہ کام نہیں ہے۔ اور اگلا ہفتہ ایسٹر کی چھٹیاں۔

 

[پپو]

ماسڑ جی کہو یا سر جی کیا فرق پڑتا ہے اور میں نے کب آپ لوگوں کو کچھ غلط پڑھایا ہے
چلو آج کا سبق یاد کرو
کسی کو کچھ نہ دینا بہتر ہے اگر دے کر جتلایا جائے

 

[شمشاد]

ہاں اب بتاؤ انہوں نے کب اور کہا "استاد جی" کہنے کا کہا؟

 

[سارہ خان]

السلام علیکم ۔۔ امید ہے سب لوگ ٹھیک ٹھاک ہونگے اسکول میں ۔۔
یہ نئے ماسٹر جی نے چارج کب سے سنبھالا ۔۔ اب میں چھٹی کی درخواست مس جی کو دوں کہ ماسٹر جی کو۔۔

تین چیزوں کو ہمیشہ یار رکھو ۔ ۔ ۔ نصیحت،احسان اور موت
تین چیزوں کا احترام کرو ۔ ۔ ۔ والدین، قانون اور اُستاد
تین چیزوں کو عزیز رکھو ۔ ۔ ۔ سچائی، رہنمائی اور نیکی
تین چیزوں کی کوشش کرو ۔ ۔ ۔ نماز، جہاد اور رزق حلال
تین چیزوں کو پسند کرو ۔ ۔ ۔ شفقت،خلوص اور محبت
تین چیزوں سے نفرت کرو ۔ ۔ ۔ کاہلی، غیبت اور فضول خرچی
تین چیزوں کیلئے لڑو ۔ ۔ ۔ ظلم ،غروراور لالچ
تین چیزوں کو قابو میں رکھو ۔ ۔ ۔ غصہ، غرض اور زبان
تین چیزوں کا ہمیشہ خیال رکھو ۔ ۔ ۔ ملک، ملت اور دین
تین چیزیں دوبارہ نہیں ملتیں ۔ ۔ ۔ والدین، حُسن اور جوانی
تین چیزیں پاس ہوں تو بہتر ہے ۔ ۔ ۔ راز، عزت اور علم
تین چیزیں دوزخ میں لے جاتی ہیں ۔ ۔ ۔ حسد، بخل اور چغلی
تین چیزیں ہر ایک سے جدا جدا ہوتی ہیں ۔ ۔ ۔ صورت، سیرت اور قسم
​

 

[شمشاد]

چھٹی کی درخواست اگر منظور کروانی ہے تو مس کو اور اگر نامنظور کروانی ہے ماسٹر صاحب کو۔

 

[سارہ خان]

کیا مطلب یہ نئے ماسٹر جی اتنے سخت ہیں کیا جو نامنظور کریں گے ۔۔ پھر تو ہمیں یہ ماسٹر جی ہی نا منظور۔۔۔:tounge:

مس جی دیکھیں میں نے ساری چھٹیوں کا ہوم ورک ایک ساتھ کیا ہے اس لئے میری چھٹیاں منظور فرمائیں ۔۔

 

[شمشاد]

ماسٹر جی تو آتے ہی کبھی کبھار ہیں تو چھٹی منظور ہونے میں اتنی دیر ہو جائے گی کہ اگلی چھٹی وقت آ جائے گا۔

 

[شعیب خالق]

میری حاضری لگا دیجئے ماسٹر صاحب

 

[تعبیر]

یہ ضروری نہیں کہ جو خوبصورت ہو وہ ،وہ نیک سیرت بھی ہو ۔کام کی چیز اندر ہوتی ہے باہر نہیں۔ (شیخ سعدی)

میرا آج کا کام۔اب مجھے نہیں پتہ کہ یہ پہلے ہو چکا ہے کہ نہیں۔مین نئی جو ہوں

 

[شمشاد]

بغیر ہوم ورک کے ہی لگا دیں حاضری۔

 

[چاند بابو]

مس جی بہت بہت شکریہ چھٹی منظور کرنے کا۔ تو لیں ہم سکول آ گئے ہیں اور سبق بھی یاد کیا ہے۔ آج ہم کچھ مسلمان سائنسدان جابر بن حیان کے بارے میں بتائیں گے۔ تو کچھ یوں ہے کہ:
ان کی اندازاََ تاریخ پیدائش 731ء اور مقام طوس یا خراسان تھا ۔ جابر بن حیا ن کا روزگار دوا سازی اور دوا فروشی تھا ۔ يعنی کہ جابر بن حیا ن ايک حکيم بھی تھے ۔ بہت چھوٹی عمر میں ہی باپ کا سایہ سر سے اٹھ گیا توان کی ماں نے ان کی پرورش اور تعلیم و تر بیت کی ۔ جابر بن حیان نے کچھ ہوش سنبھالی تو ماں انہیں کوفہ کے مضافات میں اپنے ميکے پرورش پانے کے لئے بھیج دیا ۔ لہذا اچھی تعلیم حاصل کرنے کا کوئی سوال ہی پیدا نہ ہوتا تھا ۔ جوان ہونے کے بعد انہوں نے کوفے میں رہايش اختيار کی ۔ اس زمانے میں کوفہ میں علم و تدریس کے کافی مواقع تھے ۔ کوفہ میں جابر نے امام جعفر صادق (۴) کی شاگردی اختیار کی جن کے مدرسے میں مذہب کے ساتھ ساتھ منطق، حکمت اور الکیمیا جیسے مضامین پڑھائے جاتے تھے ۔ اس وقت کی رائج یونانی تعلیمات نے اس پر گہرے اثرات مرتب کئے ۔ علم حاصل کرنے کےدوران اس نے اپنے اردگرد کے لوگوں کو سونا بنانے کے جنون میں مبتلا دیکھا تو خود بھی یہ روش اپنا لی ۔ کافی تجربات کے بعد بھی وہ سونا تیار کرنے میں کامیاب نہ ہو سکا۔ لیکن کیمیا میں حقیقی دلچسپی کی وجہ سے اس نے تجربات کا سلسلہ ختم نہ کیا۔ تاریخ کا سب سے پہلا کیمیا دان اور عظیم مسلمان سائنسدان طوس میں اپنے باپ کی جلا وطنی (ايک روايت کے مطابق وفات) کے دوران پیدا ہوا۔ جابر کا تعلق عرب کے جنوبی حصے کے ایک قبیلے اذد سے تھا۔ اس نے اپنے والد کے آبائی شہر کوفہ میں اپنی تجربہ گاہ تعمیر کی۔

اس نے اپنی کیمیاء کی کتابوں میں فولاد بنانے، چمڑے کو رنگنے، دھاتوں کو صاف کرنے، مومجامہ بنانے، لوہے پر وارنش کرنے، خضآب تیار کرنے کے علاوہ دیگر بہت سی اشیا بنانے کے طریقے درج کیئے۔ اس کے کئی اشیاء کے سلفائڈ بنانے کے بھی طریقے بتائے۔ اس نے شورے اور گندھک کے تیزاب جیسی چیز دنیا میں سب سے پہلی بار ایجاد کی۔ جو کہ موجودہ دور میں بھی نہایت اہمیت کی حامل اور سنسنی خیز ہے۔ اس نے سب سے پہلے قرع النبیق کے ذریعے کشید کرنے کا طریقہ دریافت کیا۔ یہ امرقابل ذکر ہے کہ پوری دنیا میں علمی "سائنسی" اور فکری حوالے سے دوسری صدی عیسویں کے بعد کوئی اہم شخصیت پیدا نہ ہوئی تھی ۔ بقراط "ارسطو"" "اقلیدیس " ۔۔ ار شمیدیش ۔۔ ۔۔ بطلیموس ۔۔ اور ۔۔ جا لینوس ۔۔ کے بعد صرف سکندریہ کی آخری محقق ہائپاتيا چوتھی صدی عیسویں میں گزری تھی ۔ لہذا علمی میدان میں چھائی ہوئی تاریکی میں روشن ہونے والی پہلی شمع جابر بن حیان تھا ۔ اس کے بعد گیارھویں صدی تک مسلمان سائنسدانوں اور مفکروں کا غلبہ رہا ۔

 

[شمشاد]

بہت خوب چاند بابو۔ بہت اچھی معلومات فراہم کیں ہیں آپ نے۔

 

[سارہ خان]

بعض لوگ اچھا بننے کے لئے اتنی کوشش نہیں کرتے جتنی کہ اچھا نظر آنے کے لیے کرتے ہیں۔
(ٹالسٹائی)

 

[سارا]

یہ اردو محفل کا اسکول بین الاقوامی اسکول ہے اور یہاں رات دن، بچہ بوڑھا، عورت مرد، لڑکا لڑکی کی کوئی قید نہیں۔ کوئی بھی کبھی بھی آ سکتا ہے۔

ویسے آپ کی انگلی کا کیا حال ہے؟

جی وہ تو ہے لیکن گھر سے آنے پر تو پابندی لگ سکتی ہے۔۔
انگلی الحمد للہ بالکل ٹھیک ہے ۔۔۔اب تو زخم بےچارے کا ہلکا سا نشان باقی رہ گیا ہے۔۔۔

 

[شمشاد]

تو گھر والے اسکول آنے سے بھی روکتے ہیں؟ وہ کیوں بھلا؟

 

[سارا]

اسکول آنے سے نہیں روکتے رات 10 بجے کے بعد کمپیوٹر کے استعمال سے روکتے ہیں اور جب نیٹ پر نہیں آسکتی تو اسکول میں کیسے آؤں گی۔۔۔