نبیل
تکنیکی معاون
انہیں اپنا دیوان شائع کرنے کی جلدی ہے اور آپ ان کو تھروٹل کرنے کا کہہ رہے ہیں۔
یا صرف ایک ہی تھریڈ آج کی دعا کے نام سے شروع کر دیا جائے تاکہ اسی میں تمام اوراد و ازکار کیے جا سکیں۔
پندرہویں سالگرہ اردو محفل کی پندرہویں سالگرہ اور ہماری فلسفیانہ سوچ
- صاحب لڑی محمد عدنان اکبری نقیبی
- تاریخ ابتداء
سیما علی
لائبریرین
اللہ سلامت رکھے ہمارے محفلین کو پلیز اچھی اچھی باتیں کریں سالگرہ کی بات ہو رہی ہے ایسے میں سلامتی کی باتیں کریں سایک آئیڈیا یہ بھی ہو سکتا ہے کہ ایک ہی تعزیت کا تھریڈ کھول لیا جائے تاکہ ہرفوتیدگی کے لیے الگ تھریڈ کھولنے کی بجائے اسی میں سب کی تعزیت کر لی جائے۔
ایک قریبی عزیز ایک مرتبہ کسی فوتیدگی پر افسوس کرنے کے لیے کہیں گئے تو انہیں کچھ طویل اور دشوار سفر سے گزرنا پڑا۔ واپسی پر کہنے لگے کہ بھئی آئندہ جو فوت ہونے والے ہیں ان کا افسوس بھی ابھی کیے دیتے ہیں، بار بار نہیں آ سکتا۔
ایس او پیز پر عمل کریں گے احتیاط کے سالگرہ منائیں گے انشاء اللہ
مالک خوش اسلوبی سے پایہ تکمیل تک پہنچا ئے آمین
سین خے
محفلین
بہت مناسب تجاویز ہیں اور واٹس ایپ کاپی پیسٹ پر تو فوراََ پابندی لگا دینی چاہئے۔
نکتہ ور
محفلین
غظم؟
یعنی غزل اور نظم کا مرکب۔
میں زمرے مقفل کرنے کے حق میں نہیں ہوں اگرچہ آج کل ویران ہی ہوں، کسی طریق سے ان میں بھی رونق لگائی جا سکتی ہے جو بالآخر محفل کی فعالیت میں اضافہ کرے گی۔
نبیل
تکنیکی معاون
وقت کے ساتھ فورم کی تنظیم نو کی ضرورت پیش آتی رہتی ہے۔ فورم کے ارتقاء کے لیے ضروری ہے کہ ضرورت کے مطابق نئے موضوعات کی گنجائش پیدا کی جائے اور ازکار رفتہ مواد کو آرکائیو کر دیا جائے۔
زیک
مسافر
اکثر معلوم نہیں پڑتا کہ غزل ہے یا نظم یا وزل یا کچھ اور
ظہیراحمدظہیر
لائبریرین
میری رائے میں اصلاحِ سخن کے شعبے میں مناسب نظام وضع کرنے کی شدید ضرورت ہے ۔ کسی شاعر کی پوسٹ میں املا اور گرامر کی غلطی ایک عام مراسلے کی نسبت زیادہ اہمیت کی حامل ہے ۔ شعر و ادب کو زبان کا معیار سمجھا جاتا ہے اور عام لوگوں کے لئے زبان سیکھنے کا ذریعہ بھی ۔ عموماً یہ توقع بھی کی جاتی ہے کہ آج کے شاعر اور ادیب آگے چل کر معاشرے میں زبان کی ترویج و ترقی کا ذریعہ بنیں گے۔ چنانچہ شاعری کا زمرہ املا اور گرامر کی غلطیوں سے حتی الامکان پاک ہونا چاہئے ۔ اصلاحِ سخن کی ذمہ داری جناب الف عین ، راحل بھائی ، خلیل بھائی اور عاطف بھائی نے سنبھالی ہوئی ہے۔ چنانچہ ان احباب کی رائے اس معاملے میں سب سے اہم اور باوزن ہوگی ۔ گاہے بگاہے میں اور چند دوسرے لوگ بھی اس زمرے میں اپنی رائے دیا کرتے ہیں ۔ میرا مشاہدہ یہ ہے کہ بہت سارے نو آموز اصلاحی تجاویز پر کماحقہ غور تک نہیں کرتے ۔ نہ اپنا ہوم ورک کرتے ہیں اور نہ ہی مطالعے کا حق ادا کرتے ہیں ۔ بار بار نشاندہی اور اصلاح کے باوجود انہی اغلاط کو دہراتے رہتے ہیں ۔ لغت دیکھنے کا رجحان نہ ہونے کے برابر ہے ۔ (پہلے وقتوں میں تو استاد حضرات شاگرد کی طبع ، استعداد اور سیکھنے کا رجحان دیکھ کر فیصلہ کیا کرتے تھے کہ ان پر مزید وقت اور توانائی صرف کرنا مناسب بھی ہے یا نہیں ۔ اگرکسی میں جوہر نظر نہیں آتا تھا تو صاف کہہ دیا کرتے تھے کہ میاں شاعری میں وقت ضائع کرنے کی ضرورت نہیں ہے ۔کسی اور صنف میں دھیان دو۔ شاید انٹر نیٹ پر ایسا کرنا بوجوہ مشکل ہے ۔) بہرحال ، اس ضمن میں میری تجاویز یہ ہیں:
- اصلاح سخن کے زمرے کو بالکل اسی طرز پر ڈھالا جائے کہ جیسے پرانے وقتوں میں استاد شعرا کی بیٹھک ہواکرتی تھی ۔ یعنی مجلسی آداب کا پورا خیال رکھا جائے ۔
- اصلاحِ سخن میں ہر نو وارد کو پابند کیا جائے کہ اردو محفل پر آتے کے ساتھ ہی " غزل باری" نہ شروع کردے بلکہ پہلے اپنا تعارف پوسٹ کرے ۔ اصل نام ، تعلیمی اورشعری و ادبی پس منظر وغیرہ سے آگہی بخشے ۔
- اصلاح لینے کے آداب کا خیال رکھے ۔ ( "اصلاح کردو" اور "اصلاح کردیں" جیسا لٹھ مار تخاطب عام طور پر دیکھنے میں آتا ہے ۔بعض لوگ اصلاح کے لئے غزل اس طرح پیش کرتے ہیں کہ گویا اصلاح دینے والوں پر احسان کررہے ہوں ۔ اور بعض لوگ اصلاحی تجاویز پر اس طرح کا ردعمل ظاہر کرتے ہیں گویا ان کی شان میں گستاخی کردی گئی ہے ۔) وغیرہ وغیرہ
- نو وارد پہلے کچھ دھاگوں میں شرکت کرے اور دیگر محفلین سے کچھ شناسائی پیدا کرے ۔
- ایک شاعر کو ہفتے میں ایک سے زیادہ غزل یا نظم پوسٹ کرنے کی اجازت نہیں ہونی چاہئے
- املا اور گرامر کی اغلاط پر بلا استثنا گرفت ہونی چاہئے کہ زبان کا معیار برقرار رکھنے کا ایک یہی طریقہ ہے ۔
- اصلاح دینے والے احباب کو دیکھنا چاہئے کہ کس شاگرد پر کتنا وقت اور توجہ صرف کرنا سود مند ہوگا ۔ غیرمناسب رویوں کی حوصلہ شکنی کرنا بہت ضروری ہے ۔
یہ تجاویز الف عین ، محمّد احسن سمیع :راحل: ، محمد خلیل الرحمٰن ، سید عاطف علی صاحبان کی خدمت میں گزار رہا ہوں کہ وہی اصلاحِ سخن کے کرتا دھرتا ہیں اور اس زمرے میں کوئی نظام وضع کرنا انہی کے اختیار اور مرضی پر ہے ۔ اگر اس ضمن میں میری کسی مدد کی ضرورت ہو تو میں حاضر ہوں ۔ ( ایک عرصے سے آدابِ مجلسی پر ایک مضمون ادھورا پڑا ہے ۔ اب اسے مکمل کرنے کی کوشش کرتا ہوں ۔)
الف عین
لائبریرین
اچھی تجاویز ہیں، میں تو کم از کم زبان و بیان کی غلطی پر ٹوک دینے کی عادت سے مجبور ہوں، نظر ہی کم بخت ایسی ہے کہ پہلے غلطی پر ہی پڑتی ہے!
رانا
محفلین
پوسٹ سائز چھوٹا کرنے والی تجویز تو سیدھا سیدھا ہمارے خلاف سازش ہے اور بہانہ لگادیا کاپی پیسٹ والوں کا
محمد خلیل الرحمٰن
محفلین
بحیثیت ایک مبتدی ہم ڈرتےڈرتے معززینِ محفل سے اختلاف کرنے کی جرات کررہے ہیں۔ اردو محفل کے دودھاگے ،"آپ کی بابندِ بحور شاعری" اور ،"آپ کی پسندیدہ شاعری" اردو محفل کا طرۂ امتیاز ہیں اور بلاشبہ ان پر سخت قواعد و ضوابط کی پابندی ہونی چاہیے۔ اکثر دیکھا گیا ہے کہ کسی بھی شعر کی تلاش مہمانوں کو اردو محفل ہی کھینچ لاتی ہے ، یعنی اردو محفل کا یہ خزینہ مستند کا درجہ حاصل کرگیا ہے۔
اس کے برعکس ہم سمجھتے ہیں کہ ایک مبتدی کو اس کی صلاحیت و استعداد سے قطع نظر مکمل اجازت ہونی چاہیے کہ وہ اپنی نگارشات اصلاح سخن میں پیش کرسکے۔ یہاں بھی اس پر سخت قواعد و ضوابط لاگو کردئیے جائیں تو وہ بے چارہ کہاں جائے گا؟ البتہ جس صبر و حوصلے اور پیار کے ساتھ اساتذہ و دیگر محفلین ان کی مدد فرماتے ہیں وہ قابلِ ستائش ہے۔ ہاں البتہ مبتدیوں پر زور دینا لازمی ہے کہ وہ دوسرے مبتدیوں کے کلام پر دی گئی اصلاح کا بھی مطالعہ کریں اور سیکھنے کی کوشش کریں۔ محفلین نے یہ بات نوٹ کی ہوگی کہ اس زمرے میں ہمیں اور دیگر مبتدیوں کو بھی اجازت ہے کہ وہ اپنی رائے پیش کرسکیں
نیز مبتدیوں پر گاہے بگاہے واضح کیا جاتا ہے کہ وہ کسی دوسرے مبتدی کی اصلاح کو بھی حقیر نہ جانیں۔ اگر وہ رائے غلط ہوگی تو اساتذہ اس پر اپنی رائے کا اظہار کردیں گے۔
آخر میں ہم اساتذہ و دیگر محفلین کو جو ہم مبتدیوں کی دلجوئی کی خاطر اصلاح سخن کا بیڑہ اٹھائے ہوئے ہیں زبردست خراج تحسین پیش کرتے ہیں ۔
نبیل
تکنیکی معاون
خلیل بھائی، نگارشات پیش کرنے پر پابندی کا تو ہم بھی نہیں کہہ رہے، لیکن اگر شراکت کا معیار بہتر بنانا اور معیار برقرار رکھنا مقصود ہے تو کچھ اصول وضع کرنا اور ان کی پابندی کرنا ضروری ہوگا۔ اس کی مثال میں اوپر بیان کر چکا ہوں کہ تکنیکی مضامین کا معیار برقرار رکھنے کےلیے ہم نے کچھ اصول وضع کیے تھے۔ اگر یہاں بھی دلجوئی کی خاطر سب کچھ پوسٹ کرنے کی اجازت دی جاتی تو پھر صرف تصویری اردو اور کاپی پیسٹ کیا مواد ہی نظر آتا۔
محمد وارث
لائبریرین
آپ کی باتیں بہت حد تک درست ہیں خلیل صاحب۔ لیکن شاید دوسرے احباب یہ کہنا چاہ رہے ہیں کہ اصلاح لینے والے میں بھی تو کوئی "جوہر" ہونا چاہیئے، ہیرے کو تراشیں گے تو ظاہر ہے ماہرین ہی لیکن اس میں اپنی بھی تو کوئی چمک دمک ہونی چاہیئے۔ اصلاح کے متمنی کو بحروں کا علم نہ ہو، اور عام طور پر ہوتا بھی نہیں لیکن قافیہ ردیف کا علم تو ہو، اس کی اپنی شاعری پختہ نہ سہی لیکن کم از کم اساتذہ کی شاعری کا تو مطالعہ ہو۔
رانا
محفلین
آپ کی باتیں بہت حد تک درست ہیں خلیل صاحب۔ لیکن شاید دوسرے احباب یہ کہنا چاہ رہے ہیں کہ اصلاح لینے والے میں بھی تو کوئی "جوہر" ہونا چاہیئے، ہیرے کو تراشیں گے تو ظاہر ہے ماہرین ہی لیکن اس میں اپنی بھی تو کوئی چمک دمک ہونی چاہیئے۔ اصلاح کے متمنی کو بحروں کا علم نہ ہو، اور عام طور پر ہوتا بھی نہیں لیکن قافیہ ردیف کا علم تو ہو، اس کی اپنی شاعری پختہ نہ سہی لیکن کم از کم اساتذہ کی شاعری کا تو مطالعہ ہو۔
ارباب اختیار سے گذارش ہے کہ جلد کوئی فیصلہ کرلیں کہ اصلاح سخن میں مبتدی پر پابندیاں لگانی ہیں یا نہیں۔ ہماری دعا ہے کہ خلیل بھائی کی اختلافی رائے سے سب متفق ہوجائیں تاکہ ہم بھی اپنی شاعری اصلاحِ سخن میں پیش کرسکیں جو اب تک ہم یہ سمجھ کر باز رہے ہیں کہ شائد اصلاحِ سخن میں گھسنے سے پہلے کوئی ابتدائی امتحان پاس کرنا پڑتا ہے۔ اگر فیصلہ ہوجاتا ہے کہ ایسی کوئی قدغن نہیں تو پھر پکا وعدہ کہ ہم اور دیگر مبتدیان اساتذہ کو زیادہ تنگ نہیں کریں گے بس روزانہ کے حساب سے فی مبتدی ایک شہہ پارہ اصلاحِ سخن میں پیش کیا کریں گے۔ نمونہ ملاحظہ فرمائیے بلکہ لگے ہاتھوں اصلاح بھی کردیجئے۔
نیرنگ خیال
لائبریرین
بہت عمدہ محمد عدنان اکبری نقیبی صاحب۔ شاندار
نیرنگ خیال
لائبریرین
عام زندگی میں کسی کو یہ بات کہی جائے تو وہ برا منا جائے گا۔
محمد عدنان اکبری نقیبی
لائبریرین
اظہار پسندیدگی کا شکریہ نین بھیا
آخری تدوین:
محمد عدنان اکبری نقیبی
لائبریرین
ہماری رائے ہے کہ زمرہ معطل کرنے سے بہتر یہ رہے گا کہ آج کی خبر میں کھولے جانی والی لڑی کی مدت 24 گھنٹے تک کی ہونی چاہیے اور 24 گھنٹے مکمل ہونے کے ساتھ ہی لڑی کو تالا ڈال دیا جائے تو زیادہ بہتر رہے گا ۔میں ابھی یہی سوچ رہا تھا کہ یہ خبروں کا زمرہ کب معطل ہوگا؟
آخری تدوین:
نیرنگ خیال
لائبریرین
یعنی چوبیس گھنٹے توتکار میں کوئی حرج نہیں۔۔۔ ہاں صحیح ہے، اب اتنا تو بنتا بھی ہے۔
عبید انصاری
محفلین
اس حکم پر ہم نے سال بھر پہلے ہی عمل شروع کردیا تھا۔ نتیجہ یہ کہ سال بھر میں مطالعہ تو بہت ہوگیا، غزل ایک بھی نہ ہوئی۔ الحمد للّٰہاس کی اپنی شاعری پختہ نہ سہی لیکن کم از کم اساتذہ کی شاعری کا تو مطالعہ ہو۔