اسماء الحسنیٰ کے خواص و برکات

[ذوالقرنین]

الحَسیبُ​

سب کے لیے کافی​

اگر کسی آدمی یا چیز کا ڈر ہو تو جمعرات سے شروع کرکے آٹھ یوم تک صبح و شام ستر مرتبہ حسبی اللہ الحسیب پڑھے۔ انشاء اللہ ہر شر سے محفوظ رہے گا۔​

 

[ذوالقرنین]

الجلیلُ​

بلند مرتبت​

مشک و زعفران سے یا جلیل لکھ کر اپنے پاس رکھے اور بکثرت یا جلیل کا ورد رکھے تو انشاء اللہ تعالیٰ عزت و عظمت، قدر و منزلت حاصل ہوگی۔​

 

[ذوالقرنین]

الکریمُ​

بہت کرم کرنے والا​

روزانہ یہ اسم پڑھتے پڑھتے اگر سو جایا کرے تو اسے علماء و صلحاء میں عزت نصیب ہوگی۔

 

[ذوالقرنین]

الرَقیبُ​

بڑا نگہبان​

جو شخص روزانہ سات مرتبہ یا رقیب پڑھ کر اپنے مال، آل و اولاد پر دم کرے اور بکثرت اس کا ورد رکھے۔ انشاء اللہ تعالیٰ وہ سب آفتوں سے محفوظ رہے گا۔​

 

[ذوالقرنین]

المُجیبُ​

دعا قبول کرنے والا​

جو شخص کثرت سے یہ اسم پڑھے گا اس کی دعائیں انشاء اللہ تعالیٰ بارگاہِ خداوندی میں قبول ہونے لگیں گی۔​

 

[ذوالقرنین]

الواسعُ​

گنجائش والا​

اللہ تعالیٰ اس اسم کو بکثرت پڑھنے والے کے لیے غنائے ظاہری و باطنی کے در کشادہ فرما دیں گے۔​

 

[ذوالقرنین]

الحَکیمُ​

بات کی تہہ / شے کی حقیقت جاننے والا​

جو شخص بکثرت یا حکیم پڑھا کرے، اس پر انشاء اللہ تعالیٰ علم و حکمت کے دروازے کھل جائیں گے۔​

 

[ذوالقرنین]

الوَدُودُ​

بڑا محبت کرنے والا​

ایک ہزار مرتبہ اس اسم کو پڑھ کر کھانے پر دم کرے اور اپنی بیوی کے ساتھ وہ کھانا کھائے تو انشاء اللہ تعالیٰ میاں بیوی کے درمیان باہمی رنجش محبت میں بدل جائیں گے۔​

 

[ذوالقرنین]

المَجیدُ​

بہت بزرگ​

اگر کوئی شخص کسی موذی مرض (جذام، آتشک وغیرہ) میں مبتلا ہے تو چاند کی 13، 14 اور 15 تاریخ کو روزہ رکھے۔ افطار کے بعد یا مجید بکثرت پڑھ کر پانی پر دم کرکے پی لے تو انشاء اللہ تعالیٰ صحت یاب ہوگی۔​

 

[ذوالقرنین]

الباعِثُ​

مردے جلانے والا​

روزانہ رات کو سوتے وقت سینے پر ہاتھ رکھ کر ایک سو ایک مرتبہ یا باعث پڑھنے سے انشاء اللہ تعالیٰ دل، علم و حکمت سے بھر جائے گا۔​

 

[ذوالقرنین]

الشہیدُ​

حاضر و ناظر​

نافرمان بیوی یا اولاد کی پیشانی پر صبح کے وقت ہاتھ رکھ کر اکیس مرتبہ یا شھید پڑھ کر دم کرنے سے انشاءاللہ تعالیٰ وہ فرمانبردار ہو جائیں گے۔

 

[ذوالقرنین]

الحقُ​

بر حق​

چوکور کاغذ کے چاروں کونوں پر الحق لکھے۔ پھر سحر کے وقت کاغذ ہتھیلی پر رکھ کر آسمان کی طرف بلند کرے اور دعا کرے تو انشاء اللہ تعالیٰ گم شدہ شخص یا سامان محفوظ مل جائے گا۔

 

[ذوالقرنین]

الوَکیلُ​

بڑا کارساز​

کسی بھی آسمانی آفت کے خوف کے وقت یا وکیل کا بکثرت ورد انشاء اللہ تعالیٰ ہر آفت سے محفوظ رکھے گا۔​

 

[ذوالقرنین]

القویُ​

قوت کا سرچشمہ​

جو شخص واقعی مظلوم، کمزور و مغلوب ہو، وہ ظالم دشمن کی قوت توڑنے کی نیت سے بکثرت اس اسم کو پڑھے، انشاء اللہ تعالیٰ اس سے محفوظ رہے گا۔ (ناحق یہ عمل ہرگز نہ کرے)​

 

[ذوالقرنین]

المَتینُ​

شدید قوت والا​

المتین کاغذ پر لکھ کر پانی سے دھو کر بے دودھ والی عورت کو پلائیں تو انشاء اللہ تعالیٰ دودھ بڑھ جائے گا۔

 

[ذوالقرنین]

الوَلِیُ​

حمایتی، دوست​

جو شخص اہل خانہ کی عادات و خصائل سے خوش نہ ہو، وہ جب اس کے سامنے جائے تو یہ اسم پڑھتا رہے، انشاء اللہ تعالیٰ نیک خصلت ہو جائے گی۔​

 

[ذوالقرنین]

الحَمیدُ​

تعریف کے لائق​

پینتالیس دن متواتر تنہائی میں ترانوے مرتبہ روزانہ یا حمید پڑھنے والے کی بری عادات انشاء اللہ تعالیٰ چھوٹ جائیں گی۔​

 

[ذوالقرنین]

المُحصِیُ​

دائرہ شمار میں گھیرے رکھنے والا​

روٹی کے بیس ٹکڑوں پر روزانہ یہ اسم پڑھ کر اگر کوئی شخص کھائے تو انشاء اللہ تعالیٰ مخلوق خدا اس کی مسخر ہوگی۔​

 

[ذوالقرنین]

المُبدیُ​

پہلی بار پیدا کرنے والا​

حاملہ کے پیٹ پر ہاتھ رکھ کر ننانوے مرتبہ یا مبدی اگر پڑھا جائے تو انشاء اللہ تعالیٰ نہ وہ حمل ساقط ہوگا اور نہ وقت سے پہلے بچہ پیدا ہوگا۔

 

[ذوالقرنین]

المُعیدُ​

دوبارہ پیدا کرنے والا​

گم شدہ کے لیے جب گھر کے سب افراد سو جائیں تو گھر کے چاروں کونوں میں ستر مرتبہ یا معید پڑھے۔ انشاء اللہ تعالیٰ سات روز میں آ جائے گا یا پتا چل جائے گا۔​