اشعار کا سلسلہ،حروف ِ تہجی سے

[عمر سیف]

ٹوٹ جائیں نہ کہیں پیار کے نازک رشتے
وقت ظالم ہے ہر اک موڑ پہ ٹکرائے گا

 

[عیشل]

ثبوت ہے یہ محبت کی سادہ لوحی کا
جب اس نے وعدہ کیا ہم نے اعتبار کیا

 

[نوید ملک]

جب بھی آتا ہے میرا نام تیرے نام کے ساتھ
جانے کیوں لوگ میرے نام سے جل جاتے ہیں

چ

 

[عمر سیف]

چہرے پڑھتا، آنکھیں لکھتا رہتا ہوں
میں بھی کیسی باتیں لکھتا رہتا ہوں
سارے جسم درختوں جیسے لگتے ہیں
اور بانہوں کو شاخیں لکھتا رہتا ہوں

 

[نوید ملک]

حوادث کس لئے ڈھونڈیں گے مجھ کو
مرے دامن میں اب کیا رہ گیا ہے

خ

 

[عیشل]

خیال ِ خاطر احباب چائیے ہر دم
انیس ٹھیس نہ لگ جائے آبگینوں کو

 

[نوید ملک]

دور تک گونج نہیں ہے کسی شہنائی کی
لُٹ گئی آس کی بارات ، چلو سو جائیں

 

[عمر سیف]

ذرا سراغ لگا میرے رنگِ خستہ کا
غموں کی دھوپ میں بند نقاب کھول کے دیکھ

 

[نوید ملک]

د کے بعد ڈ ہوتا ہے ضبط بھائی

ڈھل گیا چاند ، گئی رات چلو سو جائیں
ہو چکی ان سے ملاقات چلو سو جائیں

 

[عیشل]

ذکر مہر و وفا تو ہم کرتے
پر تمہیں شرمسار کون کرے

 

[عمر سیف]

دھیان کہیں اور تھا یاد نہیں رہا۔ معذرت

اب ر

رات یوں دل میں تری کھوئی ہوئی یاد آئی
جیسے ویرانے میں چپکے سے بہار آجائے
جیسے صحراؤں میں ہولے سے چلے بادِ نسیم
جیسے بیمار کو بےوجہ قرار آجائے

 

[عیشل]

ڑ نرالا حرف ہے لے کر نہ ہرگز اسکی آڑ
بیت بازی کی بھری محفل کی رونق کو بگاڑ

 

[عمر سیف]

پہلی بار ڑ سے شعر پڑھا۔

اب ز
زمیں پہ پاؤں نہیں پڑ رہے تکّبر سے
نگار ِ غم کوئی دلہن نئی نویلی ہوئی

 

[عیشل]

ژالہ سا ہر اک برگ لپکتا ہے زمیں کو
کیسی یہ بھلا باغ میں برسات رکی ہے

 

[الف عین]

سمجھے تھے میرؔ ہم کہ یہ ناسور کم ہوا
پھر ان دنوں میں دیدۂ خوں بار نم ہوا

 

[عمر سیف]

شام سے آنکھ میں نمی سی ہے
آج پھر آپ کی کمی سی ہے
دفن کر دو ہمیں کہ سانس ملے
نبض کچھ دیر سے تھمی سی ہے

 

[عیشل]

صبح ہوتی ہے شام ہوتی ہے
عمر یونہی تمام ہوتی ہے

 

[عمر سیف]

ضبط کرتے ہیں تو ہر زخم لہو دیتا ہے
آہ کرتے ہیں تو اندیشہِ رسوائی ہے

 

[عیشل]

طوفانِ نوح لانے سے اے چشم فائدہ؟
دو اشک بھی بہت ہیں اگر کچھ اثر کریں

 

[عمر سیف]

ظلم چُپ چاپ سہے جاؤ گے آخر کب تک
اے اسیراںِ قفس منہ میں زباں ہے کہ نہیں