اشعار کا سلسلہ،حروف ِ تہجی سے

[رضا]

"ط" سے شعر
طیبہ سے ہم آتے ہیں کہئے تو جناں والو
کیا دیکھ کے جیتا ہے جو واں سے یہاں آیا
اگلا حرف "ا"

 

[رضا]

ظاہر و باطن اول وآخر زیب فروع زین اصول
باغ رسالت میں ہے تو ہی گل،غنچہ،جڑ،پتی شاخ
اگلا حرف"خ"

 

[شمشاد]

رضا بھائی یہ دھاگہ “ اشعار کا سلسلہ،حروف ِ تہجی سے “ کا ہے۔ آپ غالباّ اس کو “ بیت بازی “ کا دھاگہ سمجھے۔

اس میں حروفِ تہجی کے حساب سے شعر دینا ہیں جیسا کہ عنوان سے ظاہر ہے۔

 

[شمشاد]

عزیز اتنا ہی رکھو کہ جی سنمبھل جائے
اب اس قدر بھی نہ چاہو کہ دم نکل جائے
(عبید اللہ علیم)

کیا اتفاق ہے کہ شعر بھی “ ع “ سے شروع ہوا، لکھنے والے کا نام بھی “ ع “ سے اور تخلص بھی “ ع “ سے۔

اگلا حرف “ غ “ ہے

 

[رضا]

غمگین ہے شوق غازہء خاک مدینہ میں
شبنم سے دھل سکے گی نہ گرد ملال گل
آرزؤں اور تمناؤں کو یہ غم ہے کہ کاش مدینہ منورہ کی مٹی کا ابٹن مل جاتا اور اوس(یعنی شبنم سے) سے پھول کے رنج و ملال کا غبار میل کچیل صاف نہیں ہوسکتا۔
اب "ف"

 

[شمشاد]

فاصلے ایسے بھی ہونگے یہ کبھی سوچا نہ تھا
سامنے بیٹھا تھا میرے اور وہ میرا نہ تھا
(عدیم ہاشمی)

 

[رضا]

اب "ق"

 

[رضا]

قبر میں لہرائیں گے تا حشر چشمے نور کے
جلوہ فرما ہوگی جب طلعت رسول اللہ کی(صلی اللہ علیہ وسلم)
اب"ک"

 

[رضا]

کعبہ جان کو پہنایا ہے غلاف مشکیں
اڑ کے آئے ہيں جو ابرو پہ تمہارے گیسو
اب"گ"

 

[رضا]

گوش تک سنتے تھے فریاد اب آئے تادوش
کہ بنیں خانہ بدوشوں کو سہارے گیسو

 

[رضا]

لا و رب العرش جس کو جو ملا ان سے ملا
بٹتی ہے کونین میں نعمت رسول اللہ کی (صلی اللہ علیہ وسلم)
"م" سے

 

[رضا]

مالک کونین ہیں گو پاس کچھ رکھتے نہيں
دوجہاں کی نعمتیں ہیں ان کے خالی ہاتھ میں

 

[شمشاد]

رضا بھائی کسی اور کو بھی موقع دیں کہ الف سے ی تک آپ نے ہی لکھ دینے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نازکی اس کے لب کی کیا کہیے
پنکھڑی اک گلاب کی سی ہے

 

[رضا]

وسعتیں دیں ہیں خدا نے دامن محبوب کو
جرم کھلتے جائيں گے اور وہ چھپاتے جائيں گے
(صلی اللہ علیہ وسلم)
اب "ہ"

 

[شمشاد]

ہم پر تمہاری چاہ کا الزام ہی تو ہے
دشمن تو نہیں ہیں یہ اکرام تو ہے
(فیض احمد فیض)

 

[نوید ملک]

یہ اس طرح مجھے اپنا کبھی خیال نہ تھا
ہوا ہوں خود پہ بھی مائل ترے تصور سے

(سعید واثق)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الف سے

 

[سارہ خان]

اچھا خاصا بیٹھے بیٹھے گُم ہو جاتا ہوں
میں اب اکثر میں نہیں رہتا تم ہو جاتا ہوں

اب ب سے

 

[نوید ملک]

بدل گیا ہے اب اسکا لہجہ ، اب اسکی آنکھیں بدل گئی ہیں
وہ چاند چہرہ ہے اب بھی ویسا ، مرے ستارے بدل گئے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پ

 

[عمر سیف]

پھر تجربہِ مرگ سے مت کر مجھے دوچار
مین ہجر زدہ ہوں مجھے اس پیار سے مت دیکھ

 

[نوید ملک]

تمہارا دل کبھی پگھلے اگر غم کی حرارت سے
تمہیں معلوم ہو جائے گا رونا کس کو کہتے ہیں
۔۔۔۔۔۔۔۔۔۔۔۔۔
ٹ