اشعار کا سلسلہ،حروف ِ تہجی سے

[عیشل]

مجھے دیکھ کے نہ جھکا نظر ،نہ کواڑ دل کے تو بند کر
تیرے گھر میں آؤں گا کس طرح کہ میں آدمی ہوں ہوا نہیں

 

[عمر سیف]

لوگوں کے ڈرے ہو! تو مرے ساتھ چلو آؤ
اس راستے میں کوئی مکاں تک نہیں آتا

 

[نوید ملک]

ن سے لکھنا تھا ضبط

نہ کسی کی آنکھ کا نور ہوں نہ کسی کے دل کا قرار ہوں
جو کسی کے کام نہ آ سکے میں وہ ایک مشتِ غبار ہوں
۔۔۔۔۔۔۔۔۔۔۔۔۔۔۔۔۔۔۔۔۔
و

 

[عمر سیف]

معذرت نوید۔

وہ ٹیس کہ ابھری تھی ادھر یاد رہے گی
وہ درد کہ اٹھا تھا یہاں یاد رہے گا

 

[نوید ملک]

ہجر کی رات ڈھل گئی محسن
اب تو دل سے کہو سنبھل جائے
،،،،،،،،،،،،،،،،،،،،،،،
ے

 

[عمر سیف]

یہ سُخن جو ہم نے رقم کیے، یہ ہیں سب ورق تیری یاد کے
کوئی لمحہ صبحَ وصال کا، کئی شام ہجر کی مُدتیں

 

[نوید ملک]

اس مرحلے کو موت بھی کہتے ہیں دوستو
اک پل میں ٹوٹ جائیں جہاں عمر بھر کے ساتھ
۔۔۔۔۔۔۔۔۔۔۔۔۔۔۔۔۔۔
ب

 

[عمر سیف]

بھکشو دانی، پیاسا پانی، دریا ساگر، جل گاگر
گلشن خوشبو، کوئل کُوکُو، مستی دارُو، میں اور تو
بانبی ناگن، چھایا آنگن، گھُنگھرو چھن چھن، آشا من
آنکھیں کاجل، پربت بادل، وہ زلفیں اور یہ بازو

 

[نوید ملک]

پھول چن کر کتاب سے میری
رکھ دیا اُس نے ملجگا پتا
۔۔۔۔۔۔۔۔۔۔۔۔۔۔۔
ت

 

[عمر سیف]

تشنگی جم گئی پتھر کی طرح ہونٹوں پر
ڈوب کر بھی میں تیرے دریا سے پیاسا نکلا

 

[عیشل]

ٹوٹ بھی جائے دل تو محبت نہیں مٹتی
اس راہ میں مٹ کر بھی خسارہ نہیں ہوتا

 

[تفسیر]

اب بھی سن لے واپس آ
اس راہ پر آگے مت جا
آگے تو کیا پائے گا
طوفاں میں گھر جائے گا

 

[عمر سیف]

اگلا حرف ث تھا تفسیر۔

اب ث سے

ثبوت مانگ رہے ہیں میری تباہی کا
مجھے تباہ کیا جن کی کج ادائی نے

 

[نوید ملک]

جس کی چھاؤں کا کوئی دوست نہ دشمن کوئی
مجھ کو صحرا میں کسی پیڑ سا جینا آ جائے
۔۔۔۔۔۔۔۔۔۔
چ

 

[عمر سیف]

چہرے پہ میرے زُلف کو پھیلاؤ کسی دن
کیا روز گرجتے ہو برس جاؤ کسی دن

 

[نوید ملک]

حضرتِ ناصح گر آئیں ، دیدہ و دل فرشِ راہ
کوئی مجھ کو یہ تو سمجھا دو کہ سمجھائیں گے کیا
۔۔۔۔۔۔۔۔۔۔
خ

 

[حجاب]

خوف کا بیاباں ہے حوصلے تو ٹوٹیں گے
خار خار رستوں‌میں آبلے تو ٹوٹیں گے
دل کے ٹوٹ جانے پر اب ملال کیا کرنا
پتھروں کی بستی میں‌ آئینے تو ٹوٹیں گے۔

 

[عمر سیف]

درد سے میرا دامن بھر دے یا اللہ
پھر چاہے دیوانہ کر دے یا اللہ

 

[نوید ملک]

ڈھولا تیری یادیں ، تیرے خواب، خیال طبیب
لاوارث بیماروں جیسا ہم سے کریں سلوک
۔۔۔۔۔۔۔۔۔۔۔۔۔۔۔
ذ

 

[عمر سیف]

ذرا سی دیر ٹھہرنے دے اے غمِ دُنیا
بلا رہا ہے کوئی بام سے اتر کے مجھے