اشعار کا سلسلہ،حروف ِ تہجی سے

[مریم افتخار]

دو نیم ان کی ٹھوکر سے صحرا و دریا
سمٹ کر پہاڑ ان کی ہیبت سے رائی

 

[مریم افتخار]

ڈھانپا کفن نے داغ عیوب برہنگی
میں ورنہ ہر لباس میں ننگِ وجود تھا

 

[مریم افتخار]

ذرا سی دیر ہی ہو جائے گی تو کیا ہوگا
گھڑی گھڑی نہ اُٹھاؤ نظر گھڑی کی طرف

 

[محمد عدنان اکبری نقیبی]

رکھو خدمت میں، مجھ سے کام تو لو
بات کرتے نہیں، سلام تو لو
ناز و انداز و حسن و خوبی میں
کون ہے تم سا، اس کا نام تو لو
رند لکھنوی

 

[مریم افتخار]

رہا نہ دل میں وہ بے درد اور درد رہا
مقیم کون ہوا ہے مقام کس کا تھا

 

[مریم افتخار]

زائران کعبہ سے اقبال یہ پوچھے کوئی
کیا حرم کا تحفہ زم زم کے سوا کچھ بھی نہیں

 

[مریم افتخار]

سب لوگ جدھر وہ ہیں ادھر دیکھ رہے ہیں
ہم دیکھنے والوں کی نظر دیکھ رہے ہیں

 

[مریم افتخار]

شب ہجر میں کیا ہجوم بلا ہے
زباں تھک گئ مرحبا کہتے کہتے

 

[مریم افتخار]

صورت تو ابتدا سے تری لا جواب تھی
ناز و ادا نے اور طرح دار کر دیا

 

[محمدظہیر]

سب لوگ جدھر وہ ہیں ادھر دیکھ رہے ہیں
ہم دیکھنے والوں کی نظر دیکھ رہے ہیں

حرف تہجی میں خلل ڈالنے کے لیے معذرت. یہ ابوالکلام آزاد کا شعر ہے غالباً؟

 

[مریم افتخار]

ضمیرِ پاک و نگاہِ بلند و مستیء شوق
نہ مال و دولتِ قاروں، نہ فکرِ افلاطوں

 

[مریم افتخار]

حرف تہجی میں خلل ڈالنے کے لیے معذرت. یہ ابوالکلام آزاد کا شعر ہے غالباً؟

داغ دہلوی کا ہے!

 

[محمدظہیر]

داغ دہلوی کا ہے!

جزاک اللہ
جاری رکھیں

 

[مریم افتخار]

طور سے دور بہت ہوں یا رب!
مجھ کومطلوب اک نظارہ ہے

 

[مریم افتخار]

ظلمت کدے میں میرے شبِ غم کا جوش ہے
اک شمع ہے دلیلِ سحر، سو وہ خاموش ہے

 

[مریم افتخار]

ہادیہ! میں نے اتنے عظیم شعراء کے اشعار لکھے اور آپ نے میرے شعر پر ہی زبردست کی ریٹنگ دی.

طور سے دور بہت ہوں یا رب!
مجھ کومطلوب اک نظارہ ہے

 

[مریم افتخار]

عقائد وہم ہیں، مذہب خیال خام ہے ساقی
ازل سے ذہنِ انساں بستہ اوہام ہے ساقی

 

[مریم افتخار]

غمِ زندگی غم بندگی غم دو جہاں غم جاوداں
میری ہر نظر تیری منتظر تیری ہر نظر میرا امتحاں

 

[ہادیہ]

ہادیہ! میں نے اتنے عظیم شعراء کے اشعار لکھے اور آپ نے میرے شعر پر ہی زبردست کی ریٹنگ دی.

ہائے ۔۔۔۔ اتنا پیارا شعر آپ کا ہے۔۔۔
جو لفظ دل پہ اثر کریں۔۔ اظہار انہی پہ ہوتا ہے۔۔

 

[مریم افتخار]

فرض کرو ہم اہلِ وفا ہوں، فرض کرو دیوانے ہوں
فرض کرو یہ دونوں باتیں جھوٹی ہوں افسانے ہوں