اشعار کا سلسلہ،حروف ِ تہجی سے

[مریم افتخار]

طولِ غمِ حیات سے گھبرا نہ اے جگر
ایسی بھی کوئی رات ہے جس کی سحر نہ ہو

 

[محمد عدنان اکبری نقیبی]

ظاہراً روشن تھے سب کے سب یہاں
اپنے باطن میں منور کون تھا
علیم صبا نویدی

 

[مریم افتخار]

ظاہر کی آنکھ سے نہ تماشا کرے کوئی
ہو دیکھنا تو دیدۂ دل وا کرے کوئی

 

[محمد عدنان اکبری نقیبی]

عجیب لوگ ہیں کیا خوب منصفی کی ہے
ہمارے قتل کو کہتے ہیں، خودکشی کی ہے
حفیظ میرٹھی

 

[مریم افتخار]

عشق پر زور نہیں ہے یہ وہ آتش غالبؔ
کہ لگائے نہ لگے اور بجھائے نہ بجھے

 

[مریم افتخار]

غیر لیں محفل میں بوسے جام کے
ہم رہیں یوں تشنہ لب پیغام کے

 

[محمد عدنان اکبری نقیبی]

فصل بہار آئی، پیو صوفیوں شراب
بس ہو چکی نماز، مصلّا اٹھائیے
آتش

 

[مریم افتخار]

فراز اب کوئی سودا کوئی جنوں بھی نہیں
مگر قرار سے دن کٹ رہے ہوں یوں بھی نہیں

 

[مریم افتخار]

قوت عشق سے ہر پست کو بالا کر دے
دہر میں اسمِ محمد سے اجالا کر دے

 

[محمد عدنان اکبری نقیبی]

قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو
میاں داد خان سیاح

 

[مریم افتخار]

کبھی اے نوجواں مسلم تدبر بھی کِیا تو نے
وہ کیا گردوں تھا تو جس کا ہے اک ٹوٹا ہوا تارا

 

[محمد عدنان اکبری نقیبی]

کانٹے تو خیر کانٹے ہیں ان سے گلہ ہے کیا
پھولوں کی واردات سے گھبرا کے پی گیا
ساغر صدیقی

 

[محمد عدنان اکبری نقیبی]

گلاب ہاتھ میں ہو ، آنکھ میں سِتارہ ہو
کوئی وجودِ محبّت کا استعارہ ہو
پروین شاکر

 

[مریم افتخار]

گو ذرا سی بات پر برسوں کے یارانے گئے
لیکن اتنا تو ہوا کچھ لوگ پہچانے گئے

 

[مریم افتخار]

لا پھر اک بار وہی بادہ و جام اے ساقی
ہاتھ آ جائے مجھے میرا مقام اے ساقی

 

[مریم افتخار]

محمد کی محبت دینِ حق کی شرطِ اول ہے
اسی میں ہو اگر خامی تو ایماں نامکمل ہے

 

[مریم افتخار]

نہ جرات ہے نہ خنجر ہے تو قصدِ خودکشی کیسا
یہ مانا دردِ ناکامی گیا تیرا گزر حد سے

 

[عبدالقدیر 786]

لا پھر اک بار وہی بادہ و جام اے ساقی
ہاتھ آ جائے مجھے میرا مقام اے ساقی

کیا بات ہے ۔۔۔

 

[مریم افتخار]

وہ دانائے سبل، ختم الرسل، مولائے کُل جس نے
غبارِ راہ کو بخشا فروغِ وادئ سینا

 

[محمد عدنان اکبری نقیبی]

نیرنگی سیاست دوراں تو دیکھئے
منزل انھیں ملی جو شریک سفر نہ تھے
محسن بھوپالی