اشعار کا سلسلہ،حروف ِ تہجی سے

[سیما علی]

حیات لے کے چلو، کائینات لے کے چلو
چلو تو سارے زمانے کو ساتھ لے کے چلو
(مخدوم محی الدین)

 

[سیما علی]

خودی کا سر نہاں لا الہ الا اللہ
خودی ہے تیغ فساں لا الہ الا اللہ
حضرت علامہ اقبالؒ

 

[سیما علی]

دن کٹا، جس طرح کٹا لیکن
رات کٹتی نظر نہیں آتی
سید محمد اثر

 

[سیما علی]

ڈوبتے سورج کا ہر منظر میری آنکھوں میں ہے
کیسا پاگل ہے اندھیروں سے ڈراتا ہے مجھے

 

[سیما علی]

رنج کا خوگر ہوا انسان تو مٹ جاتا ہے رنج
مشکلیں اتنی پڑیں مجھ پر کہ آسان۔ ہوگیں

 

[سیما علی]

زندگی جبر مسلسل کی طرح کاٹی ہے
جانےکس جرم کی پائی ہے سزا یاد نہیں
ساغر صدیقی

 

[سیما علی]

سب لوگ جدھر وہ ہیں ادھر دیکھ رہے ہیں
ہم دیکھنے والوں کی نظر دیکھ رہے ہیں
داغ دہلوی

 

[سیما علی]

شرط سلیقہ ہے ہر اک امر میں
عیب بھی کرنے کو ہنر چاہئیے
( میر تقی میر)

 

[سیما علی]

صد سالہ دور چرخ تھا ساغر کا ایک دور
نکلے جو مے کدے سے تو دنیا بدل گئی
گستاخ رام پوری

 

[سیما علی]

ضبط لازم ہے مگر دکھ ہے قیامت کا فراز
ظالم اب بھی نہ روئے گا تو مر جائے گا

 

[سیما علی]

طعنہ زن مت ہو مرے شیشہ و پیمانے پر
زاہدو حکمِ شریعت نہیں دیوانے پر

 

[سیما علی]

ظاہراً روشن تھے سب کے سب یہاں
اپنے باطن میں منور کون تھا

علیم صبا نویدی

 

[سیما علی]

عشق کے فن میں ہے اکبر کا بھی درجہ عالی
عیب کچھ اُس میں نہیں ضبط نہ کرنے کے سوا

 

[سیما علی]

غنیمت جان جینا آدمی کا
بھروسا کچھ نہیں اس زندگی کا

 

[سیما علی]

فقیہِ شہر کی مجلس نہیں کہ دور رہو
یہ بزمِ پیرِ مغاں ہے قریب آ جاؤ

 

[سیما علی]

قریبِ دل، خروشِ صد جہاں ہم
جو تم سن لو، تمہاری داستاں ہم

 

[سیما علی]

کنارِ صحن چمن سبز بیل کے نیچے
وہ روز صبح کا مِلنا تو اَب فسانہ ہُوا

 

[سیما علی]

گرد دیتی ہے کارواں کا پتہ
یادگارِ گذشتگاں ہوں مَیں

 

[سیما علی]

لبوں پر حشر میں وحشت کے افسانے بھی آئیں گے
دلوں کا حال کہنے، اُن کے دیوانے بھی آئیں گے

 

[سیما علی]

میں دوستوں سے تھکا، دشمنوں میں جا بیٹھا
دُکھی تھے وہ بھی، سو میں اپنے دکھ بھلا بیٹھا
خُدا گواہ کہ لُٹ جاؤں گا، اگر میں کبھی
تجھے گنوا کے تیرا درد بھی گنوا بیٹھا
( احمد ندیم قاسمی)