الفاظ کی تکرار

[زیرک]

گاؤں کے پیڑ، پیڑ پہ امرود، بلبلیں
وہ شہر، وہ عمارتیں گلکاریاں کہاں

 

[زیرک]

شیشم کا پیڑ، پیڑ کی چھاؤں میں مدرسہ
چٹخے سے بام و در پہ بنی دھاریاں کہاں

 

[زیرک]

یہ چائے خانوں کی میزوں پہ قہقہوں کے شریک
دلوں میں جھانک کے دیکھو تو سب کے سب تنہا

 

[زیرک]

کم کم بولنے والوں کی چپ ٹھیک، مگر
شور مچانے والے چپ ہیں، خیر تو ہے؟

 

[زیرک]

لے تو آئے شاعری بازار میں راحتؔ میاں
کیا ضروری ہے کہ لہجے کو بھی بازاری رکھو
راحت اندوری

 

[زیرک]

صبح کے اجالوں میں ڈھونڈتا ہے تعبیریں
دل کو کون سمجھائے خواب، خواب ہوتے ہیں

 

[محمد تابش صدیقی]

پوری غزل کے ہر شعر میں تکرار

شور ہے ہر طرف سحاب سحاب
ساقیا ساقیا! شراب شراب

آبِ حیواں کو مے سے کیا نسبت
پانی پانی ہے اور شراب شراب

رند بخشے گئے قیامت میں
شیخ کہتا رہا حساب حساب

اک وہی مست با خبر نکلا
جس کو کہتے تھے سب خراب خراب

مجھ سے وجہِ گناہ جب پوچھی
سر جھکا کے کہا شباب شباب

جام گرنے لگا تو بہکا شیخ
تھامنا تھامنا کتاب کتاب

کب وہ آتا ہے سامنے کشفیؔ
جس کی ہر اک ادا حجاب حجاب
٭
کشفیؔ ملتانی​

 

[رباب واسطی]

قلب گہہ میں ذرا ذرا سا کچھ
زخم جیسا چمک رہا تھا کچھ

 

[رباب واسطی]

آئینہ آئینہ تیرتا کوئی عکس
اور ہر خواب میں دوسرا خواب ہے

 

[رباب واسطی]

وہ رات نیند کی دہلیز پر تمام ہوئی
ابھی تو خواب پہ اک اور خواب دھرنا تھا

 

[زیرک]

کھلے دروں سے طلبگار خواب گاہیں مگر
میں جاگتا رہا اک خوابِ ہمکنار کے ساتھ
عابد سیال

 

[زیرک]

کبھی تو پوچھ کسی ان کہی کے بارے میں
کہ دل میں خواہشِ اظہار پھر رہے نہ رہے
عابد سیال

 

[زیرک]

دیکھیے کون پہلے ٹوٹتا ہے
کھنچ گیا ہے حصار بھی، میں بھی
عابد سیال

 

[زیرک]

معنی نہیں منیرؔ کسی کام میں یہاں
طاعت کریں تو کیا ہے، بغاوت کریں تو کیا
منیر نیازی

 

[زیرک]

ملے اس ميں لوگ رواں دواں، کوئ بے وفا کوئ با وفا
کٹی عمر اپنی يہاں وہاں، کہيں دل لگا کہيں نہيں لگا
منير نيازی

 

[زیرک]

اس شہر کے یہیں کہیں ہونے کا رنگ ہے
اس خاک میں کہیں کہیں سونے کا رنگ ہے
منیر نیازی

 

[زیرک]

وہ کام شاہِ شہر سے یا شہر سے ہوا
جو کام بھی ہوا یہاں اچھا نہیں ہوا
منیر نیازی

 

[زیرک]

شہر کو برباد کر کے رکھ دیا اس نے منیر
شہر پر یہ ظلم میرے نام پر اس نے کیا
منیر نیازی

 

[رباب واسطی]

پگھل پگھل کے شمع نے کہا یہ دنیا سے
کسی کے پیار میں کوئی جلے نہ میری طرح

 

[زیرک]

لاکھ دیکھیں ہیں چائے خانے پر
نہ وہ ساقی، نہ وہ پیالی ہے