الفاظ کی تکرار

[زیرک]

یہ بھی کیا کم ہے کہ دونوں کا بھرم قائم ہے
اس نے بخشش نہیں کی، ہم نے گزارش نہیں کی
احمد فراز

 

[زیرک]

بھرم رکھ لو محبت کا وفا کی شان بن جاؤ
ہماری جان لے لو یا ہماری جان بن جاؤ

 

[رباب واسطی]

بھگو کے گال، سجا کر پلک پلک آنسو
اُداس دل کے لئے مشغلے تلاش کروں

 

[رباب واسطی]

ریزہ ریزہ میں بکھرتا گیا ہر سو محسن
شیشہ شیشہ مری سنگینیِٗ فن ٹوٹی ہے

 

[رباب واسطی]

نہ وہ آنکھ ہی تری آنکھ تھی، نہ وہ خواب ہی ترا خواب تھا
دلِ منتظر تو یہ کِس لئے، ترا جاگنا اسے بھول جا

 

[رباب واسطی]

تیری صورت سے کسی کی نہیں ملتی صورت
ہم جہاں میں تری تصویر لیے پھرتے ہیں

امام بخش ناسخ

 

[رباب واسطی]

چھپ چھپ کے جو آتا ہے ابھی میری گلی میں
اک روز مرے ساتھ سر عام چلے گا

 

[رباب واسطی]

گرتے ہیں لوگ گرمئ بازار دیکھ کر
سرکار دیکھ کر مری سرکار دیکھ کر

 

[سید عاطف علی]

امشب کسی کاکل کی حکایات ہے واللہ
کیا رات ہے کیا رات ہے کیا رات ہے واللہ
جرأت

 

[سید عاطف علی]

جرأت کی غزل جس نے سنی اس نے کہا واہ
کیا بات ہے، کیا بات ہے، کیا بات ہے واللہ
جرأت۔

 

[زیرک]

بیان میں تھی وہ چاشنی کہ مہک رہا تھا حرف حرف
جیسے خوشبوؤں کی زبان میں، کوئی کر رہا ہو گفتگو

 

[زیرک]

دعائیں بیچنے والے! چل اِس نگر سے نکل
یہاں تو مُفت بھی لیتا نہیں دعا کوئی
پرویز ساحر

 

[زیرک]

مانگتا ہے مرے جینے کی دعائیں ظالم
جان کر جی سے خفا جان سے بیزار مجھے
داغ دہلوی

 

[زیرک]

دکھ ہوا کرتا ہے کچھ اور بیاں
بات کچھ اور ہوا کرتی ہے
پروین شاکر

 

[زیرک]

جس کی آنکھوں نے لکھا تھا آخری نوحہ مرا
وہ گیا بھی تو گیا ہے سب سے پہلے چھوڑ کر
سعدیہ صفدر سعدی

 

[زیرک]

لمحہ، لمحہ سوچنے والی آنکھیں تھیں
اس کی آنکھیں دیکھنے والی آنکھیں تھیں
سعدیہ صفدر سعدی

 

[زیرک]

غم گلے پڑ گیا، زندگی بجھ گئی، عقل جاتی رہی
عشق کے کھیل میں کیا تمہارا گیا، میں تو مارا گیا
فرتاش سید

 

[رباب واسطی]

جانے کب تک تیری تصویر نگاہوں میں رہی
ہو گئی رات تیرے تیرے عکس کو تکتے تکتے

 

[زیرک]

قصے سے اٹھ نہ جائے کہیں قصہ گو کا دل
رونا پڑا مجھے کہیں ہنسنا پڑا مجھے

 

[زیرک]

یہ خیال سارے ہیں عارضی، یہ گلاب سارے ہیں کاغذی
گلِ آرزو کی جو باس تھے، وہی لوگ مجھ سے بچھر گئے
اعتبار ساجد