الف بے پے کا کھیل/الف بے میں بات چیت (16)

[ابن سعید]

ظرافت تو کوئی آپ سے سیکھے۔ ارے بھائی طالبان نہ سہی طالب سہی۔

 

[مغزل]

عقل ہوش مندی کسی کی میراث نہیں جناب ۔

 

[محمداحمد]

غالب کیا کہتے ہیں اس بارے میں؟

 

[ابن سعید]

فیض‌ کو بھی کبھی سن لیا کیجئے، ہر وقت غالب ہی کیوں غالب رہیں۔

 

[مغزل]

فی الحال ایک شعر یاد آرہا ہے جس کی تھوڑی سے تبدیلی کرکے فراز نے اپنا ذائقہ و اسلوب کی میخیں گاڑ دیں۔

یہ ہم جو ہجر میں دیوار و در کو دیکھتے ہیں ------------- کبھی صبا کو کبھی نامہ بر کو دیکھتے ہیں --- (غالب )
سنا ہے لوگ اسے آنکھ بھر کے دیکھتے ہیں ------------- سو اس کے شہر میں‌کچھ دن ٹھہر کے دیکھتے ہیں ۔۔۔ (فراز)

بشکریہ
یادوں کا سنہرا ورق
از اشفاق حسین

 

[محمداحمد]

قافیہ پیمائی کی اعلٰی ترین مثالیں ہیں آپ کے پیش کردہ اشعار

 

[ابن سعید]

قصہ مختصر یہ کہ شعر و سخن میں خیالات کا ٹکراؤ تو عام سی بات ہے۔

 

[مغزل]

قافیہ پیمائی کی اعلٰی ترین مثالیں ہیں آپ کے پیش کردہ اشعار

کیا کہہ رہے ہو بھیا ۔۔ قافیہ پیمائی معائب میں شمار کیا جاتا ہے ۔

 

[مغزل]

قصہ مختصر یہ کہ شعر و سخن میں خیالات کا ٹکراؤ تو عام سی بات ہے۔

گو کہ محل نہیں ۔۔ خیر عرض ہے ۔۔ میرا مطمح نظر اور ہے ۔
یعنی غالب کی غزل کو مقبولیت نہیں ملی اور فراز نے اسے اپنا کردکھایا ہے اور اپنی شناخت بنالی۔

 

[محمداحمد]

کیا کہہ رہے ہو بھیا ۔۔ قافیہ پیمائی معائب میں شمار کیا جاتا ہے ۔

وہاں مُراد "محض قافیہ پیمائی " سے ہوتی ہے۔

ورنہ اعلیٰ ترین اشعار بھی قافیہ پیمائی ہی کی کوکھ سے جنم لیتے ہیں۔

 

[مغزل]

لام ۔ میم ۔۔ نون رہ گئے ۔۔ خیر ۔
میں اپنی بات پر قائم ہوں ۔۔
اعلی شاعری پر ایک نیا تھریڈ کھولد یں ۔۔
بات کرنے میں بہت کچھ سیکھنے کو ملے گا۔
آپ سے گزارش ہے کہ تمہیدی مراسلہ ارسال کیجئے ۔
والسلام

 

[محمداحمد]

مجھے اعلٰی شاعری پر تھریڈ کھولنے پر کوئی اعتراض نہیں ہے لیکن میں اس بات سے عاجز ہوں کہ اعلٰی شاعری کے حوالے سے کچھ لکھ سکوں، اگر باقی دوست اپنے خیالات کا اظہار کریں تو یقیناً مجھے بھی بہت کچھ سیکھنے کو ملے گا۔

 

[مغزل]

نہ کرو ۔۔ یار ۔۔۔۔۔۔ اب ایسا تو نہ کہو ۔۔۔۔۔ ابھی ایک مراسلے میں (اسی لڑی میں ) اعلی شاعری کی کوکھ کا ذکر کیا ہے۔
اسی سے شروع کردو ۔۔۔۔۔۔۔۔ بھیا کچھ ہمیں بھی سیکھنے کو ملے گا۔۔۔ ایسا تو نہ کرو ۔

ورنہ اعلیٰ ترین اشعار بھی قافیہ پیمائی ہی کی کوکھ سے جنم لیتے ہیں۔

 

[محمداحمد]

واہ بھائی پہلی غلطی تو سب کی معاف ہو جاتی ہے ۔ آپ نہیں کریں گے ہماری پہلی غلطی کو معاف!

لوٹ کا مال دیکھ رہا تھا اس لئے جواب میں تاخیر ہوگئی۔

 

[مغزل]

ء کا کیا دخل خیر یونہی سہی ۔
میں نے سنجیدگی سے بات کی ہے آپ ۔۔۔ اگر نہیں چاہتے تو نہ سہی ۔
ورنہ ہم لڑی کھول لیں گے ۔

 

[محمداحمد]

یہ کیا بات ہوئی لڑی تو ضرور کھلنی چاہیے!

ہمیں بھی تو کچھ پتہ چلے!

 

[مغزل]

ایک محاورہ یاد آرہا ہے ۔۔

’’ گربہ کشتن ، روزِ اول ‘‘

اللہ حاٍفظ

 

[محمداحمد]

بہت اچھا محاورہ ہے۔ پر بلی کو اپنی عمرِ طبعی تک پہنچنے کا حق تو ملنا چاہیے۔ آخر وہ بھی جانور ہے انسان تو نہیں کہ "کبھی بھی کہیں بھی"

 

[مغزل]

پپو یار تنگ نہ کر ۔۔ تھریڈ کھولنا ہے یا نہیں ۔ ؟

 

[زین]

توانوں کی ہوگیا ؟؟؟؟
اور پپو کون ے ؟