انوکھی بیت بازی

[شمشاد]

یک بیک ٹوٹ گیا، چارہ گری سے پہلے
دلِ بیمار نے ہم سے کوئی خدمت نہیں لی
(خورشید رضوی)

 

[شیزان]

یہی دِل تھا کہ ترستا تھا مراسم کے لیے
اب یہی ترکِ تعلق کے بہانے مانگے

 

[شمشاد]

یہ لوگ تجھ سے ہمیں دور کر رہے ہیں مگر
ترے بغیر ہمارا گزارا تھوڑی ہے
(جمال احسانی)

 

[شیزان]

اُس کا گھر بھی تھا دسترس سے پرے
مُڑ کے دیکھا تو اپنا گھر بھی نہ تھا

فاخرہ بتول

 

[شمشاد]

اس کنارے کوئی اپنا منتظر ہو یا نہ ہو
یہ بھی کیا کم ہے کہ اتنا خوش گماں رکھا گیا
(یوسف حسن)

 

[عاطف بٹ]

احباب چارہ سازئ وحشت نہ کر سکے
زنداں میں بھی خیال، بیاباں نورد تھا
(انکل)

 

[عینی مروت]

مجھ کو دیارِ غیر میں مارا، وطن سے دور
رکھ لی مرے خدا نے مری بےکسی کی شرم

 

[عاطف بٹ]

کتنے ہنگاموں کا حاصل، کتنی جنگوں کا مآل
خاک کے یہ تخت، یہ خاموشیِ دربارِ خاک

 

[شمشاد]

ایک سایہ میرا مسیحا تھا
کون جانے، وہ کون تھا، کیا تھا
(جون ایلیا)

 

[عاطف بٹ]

اجازت ہو تو کہہ دوں قصۂ الفت سرِ محفل
مجھے کچھ تو فسانہ یاد ہے کچھ تم سنا دینا
(قمر جلالوی)

 

[شمشاد]

اُٹھتے ہی دل جگر مین کیا آگ سے لگا دی
خانہ خراب ہوئے اس نالہ و فغان کا
(میر حسن)

 

[عاطف بٹ]

درویشِ خدا مست نہ شرقی ہے، نہ غربی
گھر میرا نہ دلی، نہ صفاہاں، نہ سمرقند
(اقبال)

 

[شمشاد]

آج کیوں پروا نہیں اپنے اسیروں کی تجھے ؟
کل تلک تیرا بھی دل مہرووفا کا باب تھا
(چچا)

 

[عاطف بٹ]

روزِ حساب جب مرا پیش ہو دفترِ عمل
آپ بھی شرمسار ہو، مجھ کو بھی شرمسار کر
(برادر اقبال)

 

[شمشاد]

یارب ! اِس آشفتگی کی داد کس سے چاہیے!
رشک ، آسائش پہ ہے زندانیوں کی اب مجھے
(چچا)

 

[عاطف بٹ]

نہیں تیرا نشیمن قصرِ سلطانی کے گنبد پر
تو شاہیں ہے بسیرا کر پہاڑوں کی چٹانوں میں
(برادر)

 

[شمشاد]

مے ہی پھر کیوں نہ میں پیئے جاؤں؟
غم سے جب ہو گئی ہے زیست حرام
(چچا)

 

[عاطف بٹ]

یہ فیضانِ نظر تھا یا کہ مکتب کی کرامت تھی
سکھائے کس نے اسمعٰیل کو آدابِ فرزندی
(برادر)

 

[شمشاد]

تُو آب سے گر سلب کرے طاقتِ سیلاں
تو آگ سے گر دفع کرے تابِ شرارت
(چچا)

 

[عاطف بٹ]

ربط و ضبطِ ملتِ بیضا ہے مشرق کی نجات
ایشیا والے ہیں اس نکتے سے اب تک بےخبر
(برادر)