اُمید افزا اور ہمت بڑھانے والے اشعار

[مہ جبین]

واہ واہ بہت زبردست
سب ہی اراکین نے بہت بہترین کلام پیش کیا ہے

محمد احمد بھائی آپ نے اچھا سلسلہ شروع کیا ہے

 

[نیرنگ خیال]

ساحر لدھیانوی کا مشہورِ زمانہ شعر:

​

کچھ اور بڑھ گئے ہیں اندھیرے تو کیا ہوا​

مایوس تو نہیں ہیں طلوعِ سحر سے ہم​

ساحر میرے پسندیدہ شعراء میں سے ایک ہے۔۔۔ امید افزاء تو معلوم نہیں ہے یا نہیں لیکن اسکا اک حقیقت پر مبنی شعر عرض ہے کہ

جواں ہوں میں جوانی لغزشوں کا ایک طوفاں ‌ہے
مری باتوں میں رنگِ پارسائی ہو نہیں سکتا ​

 

[نامعلوم اول]

محمداحمد صاحب نے ٹیگ کیا ہے تو کچھ کہنا ہی پڑے گا۔ میں بنیادی طور پر فلسفے اور مایوسی کا شاعر ہوں۔ امید اور حوصلے کی گلی سے گذر کم کم ہوتا ہے۔ بہار آیا ہی چاہتی ہے۔ کبھی بہار کے حوالے سے ایک رباعی کہی تھی۔ امید افزاء تو شاید نہیں، مگر (خلافِ توقع) خوشگوار موڈ کا اظہار ضرور کرتی ہے۔

​

رس گھول رہے ہیں نغمہ ہائے بلبل​

مدہوش ہوئے ہیں آج سرو و سنبل​

ہاتھوں میں لیے کھڑی ہے ہر شاخِ چمن​

پُر بادۂ نوبہار صد ساغرِ گل​

 

[الشفاء]

​

ٹوٹی ہوئی منڈیر پہ چھوٹا سا اک دیا​

موسم سے کہہ رہا ہے آندھی چلا کے دیکھ۔​

​

 

[نیرنگ خیال]

گل سے لپٹی ہوئی تتلی کو ہلا کر دیکھو
آندھیو تم ہی نے درختوں کو گرایا ہوگا​

​

اور یوں بھی پڑھا ہے​

​

پھول پر بیٹھی ہوئی تتلی کو اڑا کر دیکھو​

آندھیو تم نے درختوں کو گرایا ہوگا​

​

جیسے بھی ہے مگر خیال کمال ہے۔ اور حوصلہ افزاء ہے۔ ​

 

[قرۃالعین اعوان]

واہ بہت ہی خوب سلسلہ شروع کیا ہے بھیا آپ نے۔۔۔۔!

 

[قرۃالعین اعوان]

برتر از اندیشہء سود و زیاں ہے زندگی
ہے کبھی جاں اور کبھی تسلیمِ جاں ہے زندگی

تو اسے پیمانہ امروز و فردا سے نہ ناپ
جاوداں،پیہم دواں’ ہر دم جواں ہے زندگی

اپنی دنیا آپ پیدا کر اگر زندوں میں ہے
سرِ آدم ہے ضمیرِ کن فکاں ہے زندگی

 

[قرۃالعین اعوان]

خام ہے جب تک تو ہے مٹی کا اک انبار تو
پختہ ہوجائے تو ہے شمشیرِ زنہار تو !

 

[قرۃالعین اعوان]

جو یقیں کی راہ پر چل پڑے
اہیں منزلوں نے پناہ دی
جنہیں وسوسوں نے ڈرادیا
وہ قدم قدم پر بہک گئے

 

[قرۃالعین اعوان]

جواں ہمت سبق لیتے ہیں دنیا میں حوادث سے
زبوں ہمت جو ہوتے ہیں وہ پچھتایا ہی کرتے ہیں

 

[قرۃالعین اعوان]

سنگ گراں ہے راہ میں حائل تو کیا ہوا
منزل چھپی ہوئی تو میرے حوصلوں میں ہے

 

[قرۃالعین اعوان]

کم ہمتی سے کیوں نہ ہو توہینِ زندگی
انسان کا وقار تو عزمِ جہاں میں ہے

 

[قرۃالعین اعوان]

آسانیوں سے پوچھ نہ منزل کا راستہ
اپنے سفر میں راہ کے موتی تلاش کر
ذرے سے کائنات کی تفسیر پوچھ لے
قطرے کی وسعتوں میں سمندر تلاش کر

 

[قرۃالعین اعوان]

یاد کرتا ہے زمانہ انہیں انسانوں کو
روک لیتے ہیں جو بڑھتے ہوئے طوفانوں کو

 

[قرۃالعین اعوان]

نہ گھبرا کثرتِ غم سے حصولِ کامیابی میں
کہ شاخ گل میں پھول آنے سے پہلے خار آتے ہیں

 

[نامعلوم اول]

آسانیوں سے پوچھ نہ منزل کا راستہ
اپنے سفر میں راہ کے موتی تلاش کر
ذرے سے کائنات کی تفسیر پوچھ لے
قطرے کی وسعتوں میں سمندر تلاش کر

ارے ارے۔ پے بہ پے اتنے ڈھیر سارے اشعار۔ لگتا ہے آپ نے تو "امید اور حوصلے" میں پی ایچ ڈی کی ہوئی ہے۔ اچھا انتخاب شیئر کرنے کا شکریہ!

 

[قرۃالعین اعوان]

ارے ارے۔ پے بہ پے اتنے ڈھیر سارے اشعار۔ لگتا ہے آپ نے تو "امید اور حوصلے" میں پی ایچ ڈی کی ہوئی ہے۔ اچھا انتخاب شیئر کرنے کا شکریہ!

شکریہ بھیا1
یہ میرا پسندیدہ موضوع ہے اس لیئے۔

 

[قرۃالعین اعوان]

وہ کونسا عقدہ ہے جو وا ہو نہیں سکتا
ہمت کرے انساں تو کیا ہو نہیں سکتا

 

[قرۃالعین اعوان]

سفر ہے شرط مسافر نواز بہتیرے
ہزار ہا شجر سایہ دار راہ میں ہیں

 

[قرۃالعین اعوان]

ناکام ہے تو کیا ہے کچھ کام پھر بھی کرجا
مردانہ وار جی جا مردانہ وار مرجا