اپنی پسند کا ایک شعر۔۔ ۔ ۔ ۔ ۔

[سید شیرازی]

میں تیرے ملنے کو معجزہ کہہ رہا تھا لیکن
تیرے بچھڑنے کا سانحہ بھی کمال گزرا

 

[عندلیب]

وہ کیا چیز ہے آہ جس کے لیے
ہر اک چیز سے دل اٹھا کر چلے

 

[سید عاطف علی]

اجنبی سے اس لیے دامن بچاتا ہوں ضیاؔء
آشنا ہونے سے پہلے رازداں ہوجائےگا
-----------------------
سید خورشید علی ضیاء عزیزی جے پوری ۔

 

[سید شیرازی]

کسی نے دُھول کیا آنکھوں میں جھونکی!
میں اب پہلے سے بہتر---دیکھتا ہوں

 

[نازنین شاہ]

تو بھی تو کوئی غیر نہیں غمگسار ہے
تھوڑی سی خاک تو بھی میرے سر میں ڈال دے

 

[ادب دوست]

اسی لئے میں ملنے سے کتراتا ہوں
لوگوں کو احول سنانا پڑتا ہے

فیاض علی فیاض

 

[نازنین شاہ]

میرے ہاتھوں کے تراشے ہوئے پتھر کے صنم
آج بت خانے میں بھگوان بنے بیٹھے ہیں

 

[نازنین شاہ]

جلا ہے جسم جہاں دل بھی جل گیا ہو گا
کریدتے ہو جو اب راکھ جستجو کیا ہے؟

 

[نازنین شاہ]

پیار کی دو چار باتیں درد کے دو چار پھول
واعظا! انسان کو انسان کرنے کے لئے

 

[نازنین شاہ]

محبت کرنے والے کم نہ ہوں گے
تیری محفل میں لیکن ہم نہ ہوں گے

 

[نازنین شاہ]

خرچ لمحوں میں تیرے دستِ کشادہ سے ہوئے
کتنی صدیوں کی مشقت سے کمائے ہوئے ہم

 

[نازنین شاہ]

پلکوں سے ستاروں کی کمائی کا سبب پوچھ
آ مجھ سے کسی روز جدائی کا سبب پوچھ
یہ پوچھ کہ کیوں جوگ لیا سبز رتوں میں
مجھ سے بھی فقیری کا گدائی کا سبب پوچھ

 

[نازنین شاہ]

مجھے اس نے کہا ، آو نئی دنیا بساتے ہیں
اسے سوجھی شرارت تھی ، یہ دل کچھ اور سمجھا تھا

 

[نازنین شاہ]

معدوم ہو چکے ہیں اب ان کے نشان بھی
جو زخم منتظر تھے کبھی اندمال کے

 

[نازنین شاہ]

پیاسا وطن سے دور بہت دور جا بسا
اب کیوں کھڑے ہو ہاتھ میں ساغر لئے ہوئے

 

[نازنین شاہ]

ٹکرائیں سر کو یا کوئی صورت تراش لیں
بیٹھے ہیں اپنے سامنے پتھر لیے ہوئے

 

[نازنین شاہ]

کس کا شکوہ کروں خدا میرے
کوئی مجرم نہیں سوا میرے
اپنا دھوکہ تو میں نے کھایا ہے
میں نے شیشے کا گھر بنایا ہے

 

[نازنین شاہ]

غم ہجر لاکھ کڑا سہی پہ فراز کچھ تو خیال کر
میری جاں یہ محفل شعر ہے تو نہ ساتھ ساتھ غزل کے رو

 

[مخلص انسان]

نظر کے سامنے اک راستہ ضروری ہے
بھٹکتے رہنے کا بھی سلسلہ ضروری ہے

 

[مخلص انسان]

مثال ابر و ہوا دل بہم رہیں لیکن
محبتوں میں ذرا فاصلہ ضروری ہے