اپنی پسند کا ایک شعر۔۔ ۔ ۔ ۔ ۔

[سیما علی]

‏بہا اے چشم تر ایسا بھی ایک آنسو ندامت کا
‏جسے دامن پے لینے رحمت پروردگار آئے

‏قمر جلالوی

 

[سیما علی]

مجروح جو کردے دلِ انساں کی حقیقت
اس شوخئ گفتار پہ تنقید کا حق ہے!!!!

‏ﺳﺎﻏﺮؔ ﺻﺪﯾﻘﯽ

 

[گُلِ یاسمیں]

ہجوم اِک منتشر ریوڑ کی طرح چل رہا ہے
کہ ان میں سمت کا جو سوچتا ہے، لاپتہ ہے

وہ جن کی روح جڑ سے مر چکی ہے، پھر رہے ہیں
جو خود میں دفن ہو کر جی اٹھا ہے، لاپتہ ہے

 

[سیما علی]

وہ چار چاند فلک کو لگا چلا ہوں قمرؔ
کہ میرے بعد ستارے کہیں گے افسانے

اُستاد قمر جلالوی

 

[سیما علی]

جگنو ہی سہی فصیل شب میں
آئینہ خصال آ گیا ہے!!!!!!!؟!!!!!!!!!
ادا جعفری

 

[سیما علی]

جس ہاتھ کی تقدیس نے گلشن کو سنوارا
اس ہاتھ کی تقدیر پہ آزردہ رہی ہوں!!!!!!!!!

 

[سیما علی]

نہ تُو مِلا ہے ، نہ خود ہی سے نبھ سکی اپنی
تو پھر یہ عُمر کہاں ہم نے رائیگاں کی ہے

سلیم کوثر

 

[سیما علی]

ہر چارہ گر کو چارہ گری سے گریز تھا
ورنہ ہمیں جو دکھ تھے بہت لادوا نہ تھے
فیض احمد فیض

 

[سیما علی]

جان لیوا تھیں خواہشیں ورنہ
وصل سے انتظار اچھا تھا
جون ایلیا

 

[سیما علی]

نہ کوئی وعدہ نہ کوئی یقیں نہ کوئی اُمید
مگر ہمیں تو ترا انتظار کرنا تھا
فراق گورکھپوری

 

[سیما علی]

لے تو آیا ہوں تجھے گھیر کے اپنی جانب
‏آگے انسان کی اپنی بھی لگن ہوتی ہے

‏اظہر فراغ

 

[سیما علی]

رواج بسکہ ہے آرائش نشاط کا اب
بتوں کی چال کو دیکھے ہے خال خال گرہ
(ایمان)

 

[سیما علی]

چمن کو ہم نے خود اپنے لہو سے سینچا ہے
ہمیں بہار پہ دعویٰ ہے اپنے حق کی طرح
(شاعر ‌لکھنوی)

 

[سیما علی]

مجھ کو اس کے نہیں خود میرے حوالے کرتے
کم سے کم۔ ۔ یہ تو مرے چاہنے والے کرتے
سیما غزل

 

[محمد وارث]

غالب چُھٹی' شراب' پر اب بھی کبھی کبھی
پیتا ہوں روز ابر و شب ماہ تاب میں

 

[گُلِ یاسمیں]

فقیروں کی جھولی نہ ہوگی تہی
ہیں بھرپور جب تک خزانے ترے
دلوں کو جراحت کا لطف آ گیا
لگے ہیں کچھ ایسے نشانے ترے

عبدالحمید عدم

 

[سیما علی]

جو ہے زباں پہ دِل کو نہیں اُس سے فائدہ
‏جو دِل میں ہے، وہ لا نہیں سکتے زبان پر

‏اکبرؔ الٰہ آبادی

 

[سیما علی]

اُنکی زباں پہ غیر کی تعریف ہائے ہائے
کیونکر کہوں یہ بات۔ بنائی ہوئی سی ہے
احمد حسین مائل

 

[سیما علی]

مجروح ہوئے مائل کس آفتِ دوراں پر
اے حضرتِ من، تم نے دل بھی نہ لگا جانا

 

[سیما علی]

فکر معاش، عشق بتاں، یاد رفتگاں
اس زندگی میں اب کوئی کیا کیا کیا کرے
سودا