ا۔ب۔پ ۔۔۔۔۔ کھیل نمبر 62

[سیما علی]

ذکر بھی دل سے کرنا ہے
دل چاہتا نہ ہو تو زباں میں اثر کہاں

 

[شمشاد]

رات کے پچھلے پہر جب میں چپکے چپکے اللہ سے دعا کرتا ہوں تو ایسا لگتا ہے کہ اللہ صرف میرا ہے۔

 

[سیما علی]

زیر کردیتا ہے دل کو گداز اور قربتِ الہی عطا کر دیتا ہے اللّہ سے۔ چپکے چپکے باتیں کرنا اسکو صرف آپکا بنا دیتا پھر لطف و سرور آجاتا ہے۔

 

[شمشاد]

ساری بات عشق کی ہے۔ دل میں اس ذات سے عشق سچا ہے تو بیڑہ پار ہے۔

 

[ڈاکٹر عظیم سہارنپوری]

شوق سجدہ اسی کوہوتا ہے
جو تہجد میں اٹھ کے روتا ہے
عظیم سہارن پوری

ش پھر ہمارے پاس ہی آ گیا لڑی کھولی تو شمشاد صاحب نے س سے ساری بات کہہ رکھی ہے

 

[شمشاد]

صبح صبح آپ نے کیا بہترین بات شریک محفل کی ہے، مزہ آ گیا۔ جزاک اللہ خیر۔

 

[الف عین]

ضبط نہیں ہو سکا جب یہ بات یاد آئی کہ ہند و پاک میں اکثر لوگ محض 'جزاک اللہ' کہتے ہیں، جس سے 'جزاک اللہ شر' بھی مراد لیا جا سکتا ہے ۔ ہمیشہ جزاک اللہ خیر کہنا ضروری ہے جیسا شمشاد نے کہا ہے

 

[شمشاد]

طریقہ تو اعجاز بھائی یہی ہے۔ ممکن ہے کچھ لوگ اختصار کے وجہ سے صرف "جزاک اللہ" لکھتے ہوں۔

 

[الف عین]

ظن درست ہو سکتا ہے شمشاد تمہارا، لیکن میری تحقیق اس غلط فہمی کی یہ ہے کہ فارسی کی ترکیب 'جزا و سزا' کی وجہ سے لوگ جزا کا مطلب صرف جزائے خیر سمجھنے لگے ہیں۔ حالانکہ سزا بھی عربی کے حساب سے جزا ہی ہوتی ہے

 

[شمشاد]

عنایت ہے آپ کی اعجاز بھائی جو اس علمی نقطے سے آگاہ کیا۔

 

[وجی]

غائب تھے ہم یہاں سب

 

[شمشاد]

فرصت مل گئی آپ کو یہاں آنے کی۔

 

[الف عین]

قدر کرنا چاہیے ان لوگوں کی جو پابندی سے یہاں آتے ہیں

 

[وجی]

کیا کہ رہے ہیں جناب اعلٰی

 

[شمشاد]

گئے دنوں کی یاد میں محو ہوں۔

 

[ڈاکٹر عظیم سہارنپوری]

قابل احترام استاد اعظم نے جزاک اللہ کے متعلق جو بات ارشاد فرمائی یہی بات مظاہر علوم سہارن پور کے ایک بہت بڑے استد محترم نے بھی ایک بار اپنی مجلس میں فرمائی تھی پر مجھے ایک بات لگتی ہے کہ جب کوئی آدمی ہمیں خوش کرنے کا کام یا کوئی بھی اچھا کام کرتا ہے تو ہم اس کو اگر یہ کہیں کہ اللہ بدلہ دے تو اللہ تعالیٰ تو اچھے کام کا بدلہ اچھا ہی دیگا اور ہماری نیت بھی اچھے بدلے کی ہی ہے کہنا تو جزاک اللہ خیرا ہی چاہیئے پر اگر کوئی صرف جزاک اللہ کہہ دے تو کچھ غلط نہیں میری نظر میں ہو سکتا ہے میں غلط سوچتا ہوں اس بارے میں

 

[شمشاد]

لو جی کر لو بات، ڈاکٹر صاحب نے لڑی اُلٹی گھما دی۔

 

[ڈاکٹر عظیم سہارنپوری]

میں ی ہ و والی لڑی سمجھ بیٹھا اور پھر بھی غلطی کر گیا

 

[سیما علی]

میں بھی یہی غلطی کر تی ہو ں اکثر شکر فوراً نظر پڑ گئی

 

[سیما علی]

نام ہی اُستاد ِ محترم کا قابلِ صد احترام ہے۔ہر روز ہماری اصلاح کر رہے ہوتے ہیں۔اللّہ اپنا کرم فرمائے ان پر اور اِن کے اہلِ خانہ پر۔شادو آباد رہیں آمین