ا۔ب۔پ ۔۔۔۔۔ کھیل نمبر 62

[سیدہ شگفتہ]

یہ بہت بہتر ہوا کہ شگفتہ صاحبہ بخیریت گھر پہنچ گئیں۔کسقدر سکون ملا ہوگا ۔گھر جیسا سکون کہیں نہیں ہے

درست کہا آپ نے
کیسی ہیں آپ؟

 

[شمشاد]

ڈبل چائے لائی جائے کہ بہت دنوں کے بعد آج شگفتہ نے کلک رنجہ فرمایا ہے۔

 

[خالد محمود چوہدری]

ذرا سی چائے بچی ہے پی لیں تو حاضر ہوتے ہیں

 

[شمشاد]

راستے میں آتے آتے پی لیجیے گا، چائے بھی ختم ہو جائے گی اور رستہ بھی کٹ جائے گا۔

 

[وجی]

زبردست کون ہے سفر میں ؟؟

 

[شمشاد]

ژولِیدَہ گُفْتاری سے پرہیز کرنا چاہیے کہ اس سے پیچیدگیاں بڑھتی ہیں۔

 

[عطاء اللہ جیلانی]

سلسلہ پیغامات کی یہ لڑی اُس وقت خوبصورت ہوگی جب گفتگو میں حُسن ، محبت، اور تازگی ہوگی

 

[شمشاد]

شمشاد کی بھی یہی رائے ہے اور کوشش بھی ہوتی ہے کہ ایسا ہی ہو عطا اللہ جیلانی صاحب۔

 

[عطاء اللہ جیلانی]

صحیح فرمایا جناب شمشاد صاحب
ہماری کوشش بھی یہی ہوگی

 

[شمشاد]

ضابطہ اخلاق بھی یہی ہے کہ ہر ایک کی عزت کی جائے، احترام کیا جائے اور پیار محبت سے گفتگو کی جائے۔

 

[عطاء اللہ جیلانی]

طریقہِ گفتگو ہر شخص کا الگ ہے مگر اردو محفل فورم پر ادب و احترام شرطِ اول ہے

 

[سیما علی]

ظرافت اگر گفتگو میں آ جائے تو لطف دوبالا ہوجاتا ہے شمشاد میاں۔

 

[سیما علی]

درست کہا آپ نے
کیسی ہیں آپ؟

عین نوازش ہوگی آپکی اگر آپ محفل میں روز جلوہ افروز ہوں ۔شکر الحمد للّہ ہم بخیر یت

 

[سیما علی]

غیروں سے کہا تم نے غیروں سے سنا تم نے
کچھ ہم سے کہا ہوتا کچھ ہم سے سنا ہوتا۔۔۔۔

کبھی نثر میں بات کر نے کا دل بالکل نہں چاہتا

 

[شمشاد]

غافل تو نہیں ہوتیں شگفتہ اردو محفل سے لیکن اکثر غیر حاضر رہتی ہیں۔

 

[شمشاد]

فرصت ملے تھوڑی سے تو لڑی ڈھونڈھتا ہوں جو حروف تہجی کی ترتیب سے شعر دینے کی ہے۔

 

[سیما علی]

قافیے کے بعد جو بار بار آئے ردیف کہتے ہیں۔ یہ اہل فارس کی اختراع ہے۔ قدیم عربی زبان میں اس کا وجود نہیں پایا جاتا البتہ اب عرب شعرا بھی ردیف لاتے ہیں۔

 

[شمشاد]

کاتب تقدیر میرے حق میں کچھ تحریر ہو
رنج ہو یا شادمانی کچھ تو دامن گیر ہو
(راغب اختر)

 

[ڈاکٹر عظیم سہارنپوری]

گھر کتنا ہی بڑا کیوں نہ ہو چھوٹے چھوٹے تالے اس کو مقفل کر دیتے ہیں اور تالوں سے کہیں چھوٹی تالیاں ان تالوں کو کھول کر پورا گھر کھول دیتی ہیں
ایسے ہی چھوٹی چھوٹی باتیں دلوں کے روازے بند بھی کر دیتی ہیں اور کھول بھی دیتی ہیں

 

[شمشاد]

لوح دل پر ایسی باتوں کے لکھنے کی گنجائش نہیں۔